ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵙⵙⴻⵔⵙⴻⵏ 1600 ⵏ ⵜⴽⴰⵎⵔⵉⵡⵉⵏ ⵏ ⵜⵄⴻⵙⵙⴰⵙⵜ ⴷⴻⴳ ⵢⵉⵣⴻⵏⵇⴰⵏ ⵜⵉⵀⴻⵔⵜ

ⵜⵉⵀⴻⵔⵜ– ⵢⴻⵏⵏⴰ-ⴷ ⴰⵙⵙ ⵍⴰⵕⴻⴱⵄⴰ ⵓⵏⴻⵎⵀⴰⵍ ⵏ ⵜⴻⴷⴱⴻⵍⵜ ⵜⴰⵎⴰⵜⵓⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ, ⵎⵧⵀⴰⵎⴻⴷ ⵏⴰⵧⵓⵉ ⵙⵉⴼⵉ, ⴷⴰⴽⴽⴻⵏ ⴰⴷ ⵙⵙⴻⵔⵙⴻⵏ 1600 ⵏ ⵜⴽⴰⵎⵔⵉⵡⵉⵏ ⵏ ⵜⵄⴻⵙⵙⴰⵙⵜ ⴷⴻⴳ ⵢⵉⵣⴻⵏⵇⴰⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵉⵀⴻⵔⵜ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵜⴷⴰⵡⵙⴰ ⴷ ⵢⴻⵔⵎⵓⴷⴻⵏ ⵉⵏⵎⴻⵜⵜⵉⵢⴻⵏ (ⵉⴵⵜⵉⵎⴰⵄⵉⵢⵢⴰ) ⴷ ⵡⴰⴷⴷⴰⵍⴰⵏⴻⵏ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⵓⵙⴻⴼⵇⴰⴷⴼ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏⴰⵧⵓⵉ ⵙⵉⴼⵉ ⴷⴰⴽⴽⴻⵏ ⵜⴰⵎⵙⵓⵍⵜⴰ ⵉⵚⴰⵃ-ⵉⵜⵜ-ⵉⴷ ⵢⵉⵡⴻⵏ ⵏ ⵍⴱⴻⵏⵢⴰⵏ ⵢⴻⵍⵍⴰⵏ ⴷ ⴰⵅⵅⴰⵎ ⴰⵇⴱⵓⵔ ⵏ ⵢⴻⴷⵍⴻⵙ, ⵢⴻⵔⵏⵓ ⴳⴰⵏ ⵢⵉⵡⴻⵜ ⵏ ⵜⴻⵣⵔⴰⵡⵜ ⵏ ⵓⵇⴻⵢⵢⴻⵎ ⴰⴽⴽⴻⵏ ⴰⴷ ⴷ-ⵙⵙⴻⴼⵔⵓⵏ ⴰⵏⴻⵛⵜ ⵏ ⵢⴻⴷⵔⵉⵎⴻⵏ ⴰⵢ ⵢⴻⵙⵙⴻⴼⴽⴻⵏ ⵉ ⵓⵀⴻⵢⵢⵉ ⵏ ⵡⴰⵎⵎⴰⵙ ⵏ ⵜⵄⴻⵙⵙⴰⵙⵜ ⴷ ⵓⵙⵙⴻⵔⵙⵉ ⵏ 1600 ⵏ ⵜⴽⴰⵎⵔⵉⵡⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵡⵉⵍⴰⵢⵜ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵏⴻⴳⵔⴰⵡ-ⴰ (ⵏⵉⴹⴰⵎ) ⴰⴷ ⵢⴻⵏⴼⴻⵄ ⴰⵎⴰ ⴷ ⵜⴰⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ (5 ⵏ ⵜⴽⴻⴱⴱⴰⵏⵉⵢⵉⵏ), ⴰⵎⴰ ⴷ ⵜⴰⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ (14 ⵏ ⵡⴰⵎⵎⴰⵙⴻⵏ ⵏ ⵜⴻⵎⵙⵓⵍⵜⴰ ⵏ ⵜⴷⴰⵢⵕⵉⵡⵉⵏ ⴷ 10 ⵏ ⵡⴰⵎⵎⴰⵙⴻⵏ ⵏ ⵜⴻⵎⵙⵓⵍⵜⴰ ⵏ ⵜⴻⵎⴷⵉⵏⵜ), ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵍⴰ ⴷ-ⵜⵜⵀⴻⵢⵢⵉⵏ ⴰⵎⵎⴰⵙⴻⵏ ⵏ ⵜⵖⴻⵍⵍⵉⵙⵜ ⵏ ⵜⴷⴰⵢⵕⴰ ⴰⴽⴽⴻⵏ ⴰⴷ ⵜⵜⵄⴰⵙⵙⴰⵏ ⵉⵣⴻⵏⵇⴰⵏ ⵏ ⵜⴻⵎⴷⵉⵏⵉⵏ ⵏ ⵜⵡⵉⵍⴰⵢⵜ ⵖⴻⴼ ⵍⴻⵃⵙⴰⴱ ⵏ ⵜⴳⴻⵔⵜⴰⵍ ⵏ ⵜⴻⵎⵙⴻⵜⵍⴰ ⴷ ⵜⴻⵎⵙⵓⵍⵜⴰ.

ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⵙⵙⴻⵡⵙⴻⵄ ⵜⴰⵄⴻⵙⵙⴰⵙⵜ ⵙ ⵜⴽⴰⵎⵔⵉⵡⵉⵏ ⴰⴽⴽⴻⵏ ⴰⴷ ⴷ-ⵜⵃⴰⵣ ⵜⵉⵎⴷⵉⵏⵉⵏ ⵏ ⵍⴷⵣⴰⵢⴻⵔ, ⵇⵙⴻⵏⵟⵉⵏⴰ ⴷ ⵍⴻⴱⵍⵉⴷⴰ ⵢⴻⵔⵏⵓ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵅⴻⴷⴷⵉⵎ ⴰⴽⴽⴻⵏ ⴰⴷ ⴷ-ⵉⵃⴰⵣ ⵡⴰⵢⴰ ⵜⵉⵡⵉⵍⴰⵢⵉⵏ ⵜⵉⵎⴻⵇⵔⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.

ⵜⴻⵍⵍⴰ-ⴷ ⴷⴰⵖ ⵜⴼⵓⴳⵍⴰ (ⵃⴰⴼⵍ) ⴰⵢⴷⴻⴳ ⵉⵎⴰⵙⴰⵢⴻⵏ ⵏ ⵜⴻⵎⵙⵓⵍⵜⴰ ⴰⵢ ⵉⴳⴰⵏ ⴰⵙⴰⵔⴰⴳ-ⴰ ⴼⴻⵔⵇⴻⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ 303 ⵏ ⵜⵏⴻⵣⴷⵓⵖⵉⵏ ⵉ ⵢⴻⵎⵙⵓⵍⵜⴰ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ-ⵙⴻⵏⵜ ⴷⴻⴳ ⵜⵡⵉⵍⴰⵢⵜ-ⴰ, ⴰⵎ ⵡⴰⴽⴽⴻⵏ ⴰⵢ ⵙⴼⴻⵇⴷⴻⵏ ⴽⵔⴰ ⵏ ⵍⴻⴱⵏⵢⴰⵏⴰⵜ ⵢⴻⵇⵇⵏⴻⵏ ⵖⴻⵔ ⵜⵖⴻⵍⵍⵉⵙⵜ.