ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵏⴻⵣⴷⵓⵖⵜ ⵏ ⵍⵒⵒ: ⵢⴻⴱⴷⴰ ⵡⴻⴼⵔⴰⵇ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵡⴻⵙⵎⴰⵍ ⴰⵚⵓⴽⴰⵏ (ⴻⵏⵒⵉ), ⴰⵙⵙ ⵏ ⵍⴻⵅⵎⵉⵙ, ⴰⴼⵔⴰⵇ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ (ⵍⵒⵒ).
ⵉ ⵍⵎⴻⵏⴷ ⵏ ⵡⴰⵢⴰ, ⵜⴳⴰ-ⴷ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵡⴻⵙⵎⴰⵍ ⵜⴰⵚⵓⴽⴰⵏⵜ (ⵜⴰⵔⵇⵉⵢⴰ ⵄⴰⵇⵇⴰⵔⵉⵢⵢⴰ) ⵢⵉⵡⴻⵜ ⵏ ⵜⴼⵓⴳⵍⴰ ⴷⴻⴳ ⵜⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⵏ ⵓⵙⴰⵔⵉⵔ ⵏ 5 ⵢⵓⵍⵢⵓ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⴰⵢⴷⴻⴳ ⵢⴻⵃⴷⴻⵕ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ ⴷ ⵢⵉⴽⴰⵜⴰⵔⴻⵏ ⵏ ⵡⴻⵃⵔⵉⵛ-ⴰ, ⵢⴻⵔⵏⵓ ⴼⴻⵔⵇⴻⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵡⵓⴳⴰⵔ ⵏ 200 ⵙⴻⴳ ⵡⵉⴷ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ-ⴰ ⵙⴻⴳ ⵜⵡⵉⵍⴰⵢⵉⵏ ⵏ ⵍⴷⵣⴰⵢⴻⵔ ⴷ ⵜⵉⵒⴰⵣⴰ.
ⴰⴼⵔⴰⵇ-ⴰ ⴰⴷ ⵉⴽⴻⵎⵎⴻⵍ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴷ ⴰⵙⴰⵡⴻⵏ ⴷⴻⴳ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵡⵍⴰⴷ ⴼⴰⵢⴻⵜ (ⵍⴷⵣⴰⵢⴻⵔ) ⴷ ⵜⵎⴻⵀⵍⵉⵡⵉⵏ ⵜⵉⵎⵏⴰⴹⴰⵏⵉⵏ ⵏ ⵜⴻⵕⵎⵉⵙⵜ-ⴰ ⴷⴻⴳ ⵜⵡⵉⵍⴰⵢⵉⵏ ⵏ ⵜⵉⵒⴰⵣⴰ, ⵡⴻⵀⵕⴰⵏ ⴷ ⵍⴱⴻⵢⵢⴻⴹ.
ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵡⴻⵙⵎⴰⵍ ⴰⵚⵓⴽⴰⵏ ⵜⴻⴱⴷⴰ ⵜⴻⵖⵖⴰⵔ-ⴷ, ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ, ⵉ ⵡⵉⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵏⴻⵣⴷⵓⵖⵉⵏ ⵏ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵜⴰⵙⵎⴰⵍⴰⵏⵜ ⵜⴰⵏⴰⴳⴷⵓⴷⵜ. ⵜⵉⵖⵔⵉ-ⴰ ⵜⴻⵜⵜⵉⵍⵉ-ⴷ ⵙ ⵉⵏⵜⴻⵔⵏⴻⵜ ⵢⴻⵔⵏⵓ ⵡⵉⴷ ⴷ-ⵢⴻⵙⴼⴰⵢⴷⵉⵏ ⴰⴷ ⴷⴷⵓⵏ ⵖⴻⵔ ⵜⵎⴻⵀⵍⵉⵡⵉⵏ ⵏ ⵜⴻⵕⵎⵉⵙⵜ-ⴰ ⴰⴽⴽⴻⵏ ⴰⴷ ⴷ-ⴰⵡⵉⵏ ⵍⴻⵕⵢⵓⵢ-ⵏⵙⴻⵏ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵜⴻⴱⴱⵧⵓⵏⴻ ⴷⴰⴽⴽⴻⵏ ⵜⵓⴽⵛⵉ ⵏ ⵜⵙⵓⵔⴰ ⵏ ⵜⵏⴻⵣⴷⵓⵖⵉⵏ, ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ ⴰⵎ ⵜⵉⵒⴰⵣⴰ, ⴰⴷ ⴷ-ⵜⵉⵍⵉ ⵓⵇⴱⴻⵍ ⵔⴻⵎⴹⴰⵏ.
ⴰⴼⵔⴰⵇ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵢⴻⴽⴽⴰ-ⴷ ⵙⴻⴳ ⵡⵓⵙⵙⵉⵙ (ⵎⴰⴵⵀⵓⴷ) ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⵙ ⴼⴻⵔⵔⵓ ⵏ ⵍⴻⵅⵚⴰⵚ ⵏ ⵜⵏⴻⵣⴷⵓⵖⵜ ⵢⴻⵔⵣⴰⵏ ⵜⴰⵙⴻⵔⴽⴻⵎⵜ ⵜⴰⵍⴻⵎⵎⴰⵙⵜ.
