ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴻⵎⵎⴻⵍ ⵏ ⵍⴻⴱⵏⵉ ⵏ ⵡⴻⴱⵔⵉⴷ ⵏ ⵜⵓⵇⵇⵏⴰ ⵏ ⵡⴻⵀⵕⴰⵏ ⵖⴻⵔ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ

ⵡⴻⵀⵕⴰⵏ– ⵉⵡⴻⵚⵚⴰ ⵓⵏⴻⵖⵍⴰⴼ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵡⴻⵀⵕⴰⵏ, ⵖⴻⴼ ⵓⴽⴻⵎⵎⴻⵍ ⵏ ⵡⴻⵏⵢⴰ (ⵡⴰⵜⵉⵔⴰ) ⵏ ⵓⵅⴻⴷⴷⵉⵎ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵡⴻⴱⵔⵉⴷ ⴰⵎⴰⴷⴰⴼ ⴰⴷ ⵢⴻⵇⵇⵏⴻⵏ ⴰⵙⴰⴳⴻⵏ ⵏ ⵡⴻⵀⵕⴰⵏ ⵖⴻⵔ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ.

« ⴰⵏⵢⴰ ⵏ ⵍⴻⴱⵏⵉ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⴰⴽⴽⴰ, ⵢⴻⵔⵏⵓ, ⴰⴷ ⵢⴻⵜⵜⵡⴰⵙⵙⴻⵍⵀⵓ, ⵎⴰ ⵢⴻⵍⵍⴰ ⵡⴰⵎⴻⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵓⵛⴰⵏⵟⵉ ⵏ ⵍⴻⴱⵏⵉ ⵏ ⵡⴻⴱⵔⵉⴷ-ⴰ ⴰⴷ ⵢⴻⵇⵇⵏⴻⵏ ⴰⵙⴰⴳⴻⵏ (ⵎⵉⵏⴰ’) ⵏ ⵡⴻⵀⵕⴰⵏ ⵖⴻⵔ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ. ⴰⴱⵔⵉⴷ-ⴰ ⴰⴷ ⵢⴻⵙⵄⵓ 3 ⵏ ⵜⴻⵙⴼⵉⴼⵉⵏ ⴷⴻⴳ ⵢⴰⵍ ⵉⴷⵉⵙ, ⴰⴷ ⵢⵉⵖⵣⵉⴼ 26 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵔⵏⵓ ⵡⴻⵊⴷⴻⵏ-ⴷ ⵙⴻⴳ-ⵙ 8 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴰⴳⵉ.

« ⵍⴰ ⵏⴻⵙⵙⴰⵔⴰⵎ ⴰⴷ ⵏⴼⴰⴽ ⴰⵙⴻⵏⴼⴰⵔ-ⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵡⴰⴽⵓⴷ ⴰⵢ ⴰⵙ-ⴷ-ⵢⴻⵜⵜⵡⴰⵃⵓⴷⴷⴻⵏ, ⵏⴻⵖ ⴷⴻⴳ ⵎⴰⵢⵓ ⵏ 2017 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵢⵉⵖⴻⴼ ⵏ ⵓⵙⴻⵏⴼⴰⵔ ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵙⴻⵏⴼⴰⵔ-ⴰ ⵙ 3 ⵏ ⵜⴻⵖⵍⴰⵎⵉⵏ ⵏ ⵢⵉⵅⴻⴷⴷⴰⵎⴻⵏ ⴰⴷ ⵉⵅⴻⴷⴷⵎⴻⵏ ⴷⴻⴳ ⵢⵉⴹ, ⴷⴻⴳ ⵡⴰⵙⵙ. ⴰⵙⴻⵏⴼⴰⵔ-ⴰ ⵢⴻⵍⵀⴰ-ⴷ ⵢⵉⴷ-ⵙ ⵢⵉⵡⴻⵏ ⵏ ⵡⴻⵎⵙⴻⴳⵔⴰⵡ ⵏ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵟⴻⵔⴽⵉⵢⵉⵏ.

ⴰⵙⴻⵏⴼⴰⵔ-ⴰ ⵢⴻⵡⵄⴻⵕ ⵙⴻⴳ ⵢⵉⴷⵉⵙ ⴰⵜⵡⵉⵍⴰⵏ, ⵎⴰⵛⴰ ⵢⴻⵙⵙⴰⵡⴻⴹ ⴰⴷ ⵢⴻⴷⴷⵓ ⵙ 38%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⵢⴻⵎⵙⴻⵜⵡⵉⵍⴻⵏ (ⵜⵉⵇⵏⵉⵢⵢⵉⵏ) ⴷⴻⴳ ⵓⵛⴰⵏⵟⵉ.