ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵢⴻⵏ ⴰⵢ ⵜⴳⴰ ⵎⴻⵕⵕⵓⴽ ⵎⴳⴰⵍ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ « ⵓⵔ ⵢⴻⵙⵄⵉ ⵜⴰⵎⵜⵉⵍⵜ » (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)
ⵡⴰⵛⵉⵏⵜⵏ – ⵜⴻⵏⵏⴰ-ⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵙⵙ ⵏ ⵍⴻⵅⵎⵉⵙ ⴷⴰⴽⴽⴻⵏ ⵉⵃⴻⵣⵣⵉⴱⴻⵏ ⵏ ⵡⴻⵃⵕⴰⵙ ⴰⵢ ⵜⴳⴰ ⵎⴻⵕⵕⵓⴽ ⵎⴳⴰⵍ ⵜⵓⵖⴷⴰⴹⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⴷ ⴰⵢⴻⵏ « ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ » ⴷⴻⴳ ⵡⴰⵢⴻⵏ ⵢⴻⵣⵔⵉⵏ, ⵢⴻⵔⵏⵓ ⴰⵢⴰ ⵢⴻⵙⵡⴰⵖ ⵜⵉⵣⴻⵎⵎⴰⵔ ⵏ ⵜⵓⵖⴷⴰⴹⵜ-ⴰ ⴰⴽⴽⴻⵏ ⴰⴷ ⵜⴻⴳ ⵍⴻⵛⵖⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵡⵚⴰⵢⴰ-ⵏⵏⴻⵙ.
« ⵎⵉⵏⵓⵔⵙⵧ ⵜⴻⵜⵜⵓⵏⴻⴼⴽ-ⴰⵙ-ⴷ ⵍⴻⵡⵚⴰⵢⴰ ⵙⵖⵓⵔ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ). ⴰⵢⴻⵏ ⴰⵢ ⵍⴰ ⵏⴻⵜⵜⵡⴰⵍⵉ ⴷⴰ ⴷ ⵜⴰⵖⴰⵡⵙⴰ ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ ⴷⴻⴳ ⵡⴰⵢⴻⵏ ⴰⴽⴽⴰ ⵢⴻⵣⵔⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵜⴻⵒⵀⴰⵏⴻ ⴷⵓⵊⴰⵔⵔⵉⵛ, ⴰⵎⵓⵜⵍⴰⵢ (ⵏⴰⵟⵉⵇ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵎⴰⵙⵙ ⴷⵓⵊⴰⵔⵔⵉⵛ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⵓⵖⴷⴰⴹⵜ ⵜⴰⵎⴻⵖⵍⴰⵍⵜ (ⴷⴰ’ⵉⵎⴰ) ⵏ ⵎⴻⵕⵕⵓⴽ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⴼⴽⴰ, ⴰⵙⵙ ⵏ ⵍⴻⵅⵎⵉⵙ, ⵉ ⵎⴰⵙⵙ ⴱⴰⵏ ⴷ ⵜⴷⵓⴽⵍⵉ ⵜⵓⵕⵓⴼⵉⵜ, ⵢⵉⵡⴻⵏ ⵏ ⵡⵓⵎⵓⵖ (ⵇⴰ’ⵉⵎⴰ) ⵏ 84 ⵏ ⵢⵉⵎⴰⵙⵍⴰⴹⴻⵏ ⵉⴳⵔⴰⵖⵍⴰⵏⴻⵏ ⵉⵖⴰⵔⵉⵎⴻⵏ ⵏ ⵎⵉⵏⵓⵔⵙⵧ ⴰⵢ ⵢⴻⵙⵙⴻⴼⴽⴻⵏ ⴰⴷ ⴼⴼⵖⴻⵏ ⵙⴻⴳ ⵜⴳⴻⵍⴷⴰ ⵏ ⵎⴻⵕⵕⵓⴽ ⵙⴻⴳ-ⴰ ⵖⴻⴼ 3 ⵏ ⵡⵓⵙⵙⴰⵏ ».
ⵎⴻⵕⵕⵓⴽ ⵜⴻⵄⵔⴻⴹ ⵏⴰⵇⴰⵍ ⴰⴷ ⵜⴻⵃⵕⴻⵙ ⴱⴰⵏ ⴽⵉ-ⵎⵧⵧⵏ ⴰⴽⴽⴻⵏ ⴰⴷ ⵉⴱⴻⴷⴷⴻⵍ ⴰⴷⴷⵓⴷ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵎⴰⵛⴰ ⵓⵔ ⵜⴻⵙⵙⴰⵡⴻⴹ. ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⴰⴷ ⵜⴻⵙⵙⴻⵏⵇⴻⵙ ⴰⵟⴰⵙ ⵙⴻⴳ ⵢⵉⵅⴻⴷⴷⴰⵎⴻⵏ ⵉⵖⴰⵔⵉⵎⴻⵏ ⵏ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ, ⵍⴰⴷⵖⴰ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⴼⵓⵔⴽ ⴰⵙⴻⵔⵜⴰⵏ ⵏ ⵜⵓⵖⴷⴰⴹⵜ-ⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵃⴱⴻⵙ, ⵡⴰⵔ ⵍⴻⵄⴹⵉⵍ, ⴰⴱⵣⴰⵔ ⵏ ⵢⴻⴷⵔⵉⵎⴻⵏ ⵉ ⵜⵓⵖⴷⴰⴹⵜ-ⴰ.
ⴰⵖⵍⵉⴼ ⴰⵎⴻⵕⵕⵓⴽⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵢⴻⵏⵏⴰ-ⴷ ⴷⴰⵖ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ, ⴷⴰⴽⴽⴻⵏ ⴰⴷ ⴷ-ⵢⴻⵊⴱⴻⴷ ⵉⵖⴰⵍⵍⴻⵏ-ⵏⵏⴻⵙ ⵢⴻⵜⵜⴻⴽⴽⴰⵢⴻⵏ ⴷⴻⴳ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
