ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵀⴻⵔⵜ: ⵜⵉⵖⵔⵉ ⵉ ⵡⵓⴳⴰⵔ ⵏ ⵓⵅⴻⴷⴷⵉⵎ ⵉ ⵓⵄⴰⵡⴻⵏ ⵏ ⵢⵉⴳⴻⵔⴷⴰⵏ ⵉⵎⴻⵄⴷⴰⵕ ⵏ ⵍⴻⵄⵇⴻⵍ ⴷⴻⴳ ⵓⵖⴻⵔⴱⴰⵣ ⴷ ⵜⵎⴻⵜⵜⵉ
ⵜⵉⵀⴻⵔⵜ – ⴳⵔⴻⵏ-ⴷ ⵜⵉⵖⵔⵉ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵖⴻⴼ ⵢⵉⴳⴻⵔⴷⴰⵏ ⵉⵎⴻⵄⴷⴰⵕ ⵏ ⵍⴻⵄⵇⴻⵍ (ⵜⴰⵜⵔⵉⵣⵓⵎⵉⵜ 21), ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵉⵀⴻⵔⵜ, ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⵓⴳⴰⵔ ⵏ ⵓⵅⴻⴷⴷⵉⵎ ⵉ ⵓⵄⴰⵡⴻⵏ ⵏ ⵢⵉⴳⴻⵔⴷⴰⵏ-ⴰ ⴰⴽⴽⴻⵏ ⴰⴷ ⴰⴼⴻⵏ ⴰⵎⴽⴰⵏ-ⵏⵙⴻⵏ ⴰⵎⴰ ⴷⴻⴳ ⵓⵖⴻⵔⴱⴰⵣ, ⴰⵎⴰ ⴷⴻⴳ ⵜⵎⴻⵜⵜⵉ.
ⵜⴻⵏⵏⴰ-ⴷ ⵜⵙⴻⵍⵡⴰⵢⵜ ⵏ ⵜⵉⴷⴷⵓⴽⵍⴰ ⵏ ⵜⵡⵉⵍⴰⵢⵜ ⵏ ⵢⵉⴳⴻⵔⴷⴰⵏ ⵉⵜⵔⵉⵣⵓⵎⵉⵢⴻⵏ, ⵍⴻⵉⵍⴰ ⵎⵧⴽⵀⵜⴰⵔⵉ, ⴷⴻⴳ ⵜⴻⵣⵡⴰⵔⴰ ⵏ ⵡⴻⵎⵢⴰⴳⴻⵔ-ⴰ, ⴷⴰⴽⴽⴻⵏ 24 ⵙⴻⴳ ⵢⵉⴳⴻⵔⴷⴰⵏ-ⴰ (ⵙⴻⴳ ⴳⴰⵔ 47 ⴰⵢ ⵜⴻⵙⵙⴻⵏ ⵜⵉⴷⴷⵓⴽⵍⴰ-ⴰ) ⵓⵔ ⵓⴼⵉⵏ ⴰⵎⴽⴰⵏ ⴷⴻⴳ ⵓⵖⴻⵔⴱⴰⵣ ⴰⵛⴽⵓ ⵓⵍⴰⵛ ⵉⵎⵓⴽⴰⵏ ⴷⴻⴳ ⵜⵏⴻⵖⵔⵓⵜ (ⵇⵉⵙⵎ) ⵓⵣⵣⵉⴳ ⵏ ⵓⵖⴻⵔⴱⴰⵣ ⴰⵎⴻⵏⵣⵓ ⵢⴻⵍⵍⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵜⵉⵀⴻⵔⵜ.
ⴰⵔⵥⴰⵎ ⵏ ⵜⵏⴻⵖⵔⵉⵜ ⵉ ⵢⵉⴳⴻⵔⴷⴰⵏ ⵉⵜⵔⵉⵣⵓⵎⵉⵢⴻⵏ, ⵙ ⵡⴻⵎⵄⴰⵡⴻⵏ ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵙⵙⴻⴳⵎⵉ ⵏ ⵜⵡⵉⵍⴰⵢⵜ ⴷ ⵜⵎⴻⵀⵍⴰ ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ « ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴻⵙⴱⴰⵏ ⵜⵉⵣⴻⵎⵎⴰⵔ ⵏ ⵢⴰⵍ ⴰⴳⵔⵓⴷ ⴰⴽⴽⴻⵏ ⴰⴷ ⵢⴻⴹⴼⴻⵔ ⵜⵉⵣⵔⴰⵡⵉⵏ ⴷ ⵢⵉⴳⴻⵔⴷⴰⵏ ⵏ ⵎⴻⵏⵡⴰⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴳⴻⵔ-ⴷ ⵎⴰⵙⵙⴰ ⵎⵧⴽⵀⵜⴰⵔⵉ ⵜⵉⵖⵔⵉ ⵉ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵊⴻⵔⵔⴷⴻⵏ ⴰⴽⴽ ⵉⴳⴻⵔⴷⴰⵏ ⵉⵎⴻⵄⴷⴰⵕ ⵉⵎⴻⵥⵔⵉⵎⴰⵏⴻⵏ ⴷ ⵢⴻⵜⵔⵉⵣⵓⵎⵉⵢⴻⵏ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵜⴰⵡⵉⵍⴰⵜ ⵉⵡⴰⵜⴰⵏ ⴰⴷ ⵜⴻⵏ-ⵉⵄⴰⵡⵏⴻⵏ ⴷⴻⴳ ⵡⵓⴳⵓⵔⴻⵏ ⴰⵢ ⴷ-ⵜⵜⵎⴰⴳⴰⵔⴻⵏ ⴷⴻⴳ ⵜⵎⴻⴷⴷⵓⵔⵜ-ⵏⵙⴻⵏ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ-ⵏⵙⴻⵏ.
ⵎⴰ ⴷ ⴰⵎⴰⵔⵓ ⴰⵎⴰⵜⵓ ⵏ ⵜⵡⵉⵍⴰⵢⵜ, ⴰⵀⵎⴻⴷ ⴱⴻⵍⵀⴰⴷⴷⴰⴷ, ⵉⵄⵓⵀⴻⴷ ⴰⴷ ⵢⴻⴳ ⵓⴳⴰⵔ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⵙ ⵢⵉⵖⴻⴱⵍⴰⵏ ⵏ ⵜⵡⴰⵛⵓⵍⵉⵏ ⵢⴻⵙⵄⴰⵏ ⵉⴳⴻⵔⴷⴰⵏ ⵉⵜⵔⵉⵣⵓⵎⵉⵢⴻⵏ ⵙ ⵍⴻⵎⵄⴰⵡⵏⴰ ⵏ ⵜⴻⴷⵔⵉⵎⵜ ⴰⴽⴽⴻⵏ ⴰⴷ ⵜⵜⵡⴰⴹⴻⴼⵔⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ.
