ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴳⴻⵏⵙⴰ ⴰⵛⵉⵏⵡⴰⵜ ⵏ ⵡⴻⵣⵔⴰⵡ ⵏ ⵜⴻⵏⴳⴰ ⵜⴰⴱⴻⵔⴽⴰⵏⵜ ⵉⴼⵓⴽ ⵉⴽⴰⵢⴰⴷⴻⵏ-ⵏⵏⴻⵙ (ⵉⵎⵏⴰⴷⵉⵢⴻⵏ)

ⵒⵉⴽⵉⵏ- ⵉⴼⵓⴽ ⵓⴳⴻⵏⵙⴰ (ⵇⴰⵎⴰⵔ ⵚⵉⵏⴰⵄⵉ) ⴰⵛⵉⵏⵡⴰⵜ ⴰⵎⴻⵣⵡⴰⵔⵓ ⵏ ⵡⴻⵣⵔⴰⵡ ⵏ ⵜⴻⵏⴳⴰ ⵜⴰⴱⴻⵔⴽⴰⵏⵜ ⵉⴽⴰⵢⴰⴷⴻⵏ-ⵏⵏⴻⵙ ⴰⵢ ⵢⴻⴹⴹⴼⴻⵏ 3 ⵏ ⵡⴰⵢⵢⵓⵔⴻⵏ. ⵉⴳⵎⴰⴹ ⵉⵎⴻⵣⵡⵓⵔⴰ ⵏ ⵢⵉⴽⴰⵢⴰⴷⴻⵏ-ⴰ ⴰⴷ ⴷ-ⴼⴼⵖⴻⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴽⴰⴷⵉⵎⵉⵜ ⵏ ⵜⵓⵙⵙⵏⵉⵡⵉⵏ ⵏ ⵛⵛⵉⵏⵡⴰ.

ⴰⴳⴻⵏⵙⴰ-ⴰ ⵏ ⵡⴻⵙⵏⵉⵔⴻⵎ (ⵉⵙⵜⵉⴽⵛⴰⴼ) ⵏ ⵜⵣⴻⵍⵖⵉⵡⵉⵏ ⵏ ⵜⴻⵏⴳⴰ ⵜⴰⴱⴻⵔⴽⴰⵏⵜ (ⵎⴰⴷⴷⴰ ⵙⴰⵡⴷⴰ’) ⵙⴻⵎⵎⴰⵏ-ⴰⵙ ⵡⵓⴽⵉⵏⴳ ⵙ ⵜⵛⵉⵏⵡⴰⵜ, ⵢⴻⵔⵏⵓ ⵢⴻⴹⴹⴻⴼ-ⴷ 460 ⵏ ⵢⵉⵎⴻⵍⵢⵓⵏⴻⵏ ⵏ ⵜⵣⴻⵍⵖⵉⵡⵉⵏ ⵢⴻⵙⵄⴰⵏ ⵜⴰⵥⵡⴻⵔⵜ ⵉⴵⴻⵀⴷⴻⵏ. ⴰⴳⴻⵏⵙⴰ-ⴰ ⵢⴻⵇⵇⵉⵎ 92 ⵏ ⵡⵓⵙⵙⴰⵏ ⴷⴻⴳ ⵡⴻⵃⴱⵓ ⵢⴻⵔⵏⵓ ⵢⵓⵣⴻⵏ-ⴷ 2,4 ⵏ ⵢⵉⵜⵉⵕⴰⴱⵉⵜ ⵏ ⵢⵉⵙⴻⴼⴽⴰ ⵖⴻⵔ ⵡⴰⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⵓⵖⴷⴰⴹⵜ-ⴰ ⵜⵓⵙⵙⵏⴰⵏⵜ, ⵛⵀⴰⵏⴳ ⵊⵉⵏ.

« ⵡⵓⴽⵧⵏⴳ » ⵢⴻⵜⵜⵡⴰⵣⴻⵏ ⴰⵙⵙ ⵏ 17 ⴷⵓⵊⴻⵎⴱⴻⵕ 2015 ⵙ ⵢⵉⵡⴻⵜ ⵏ ⵜⵎⴻⵥⴷⵉⵜ (ⵚⴰⵔⵓⵅ) ⵏ « ⵜⵉⴷⴷⵉⵜ ⵜⴰⵖⴻⵣⴼⴰⵏⵜ 2-ⴷ », ⵢⴻⵔⵏⵓ ⵢⵓⵣⴻⵏ-ⴷ ⵓⴳⴻⵏⵙⴰ-ⴰ ⵉⵙⴻⴼⴽⴰ-ⵏⵏⴻⵙ (ⵎⵓⵄⵟⴰⵢⴰⵜ) ⵉ ⵢⵉⵡⴻⵏ ⵏ ⵓⵙⴰⵏⴰⵢ ⴷ-ⵢⵓⵙⴰⵏ ⴷⴻⴳ ⵡⴻⴷⵔⴰⵔ ⵢⴻⵔⵏⵓ ⵢⴻⴹⴼⴻⵔ ⵖⴻⵔ ⵜⴽⴰⴷⵉⵎⵉⵜ ⵏ ⵜⵓⵙⵙⵏⵉⵡⵉⵏ ⵏ ⵛⵛⵉⵏⵡⴰ.

ⴰⴳⴻⵏⵙⴰ-ⴰ ⵢⴻⵙⵄⴰ 4 ⵏ ⵢⴻⵃⵔⵉⵛⴻⵏ ⵏ ⵜⵎⴰⵛⵉⵏⵉⵏ ⵢⴻⵔⵏⵓ ⴷⴷⴰⵏⵜ ⴰⴽⴽ ⴰⴽⴽⴻⵏ ⵉⴳⴻⵔⵔⴻⵣ. ⴰⴳⴻⵏⵙⴰ-ⴰ ⵉⴳⴰ ⴰⴽⴽ ⵉⴽⴰⵢⴰⴷⴻⵏ ⵢⴻⵜⵜⵡⴰⵙⵙⴻⴼⵔⴰⵏ ⴰⴷ ⵜⴻⵏ-ⵢⴻⴳ, ⵢⴻⵔⵏⵓ ⴰⴽⴽ ⵉⵎⴰⵜⴰⵔⴻⵏ-ⵏⵏⴻⵙ (ⵎⵓ’ⴰⵛⵛⵉⵔⴰⵜ) ⴷⴷⴰⵏ ⴰⴽⴽⴻⵏ ⵉⵡⴰⵜⴰ.

« ⵡⵓⴽⵧⵏⴳ » ⴳⴰⵏ-ⵜ-ⵉⴷ ⴰⴽⴽⴻⵏ ⴰⴷ ⵢⴻⴳ ⵢⵉⵡⴻⵜ ⵏ ⵜⵓⵖⴷⴰⴹⵜ ⵏ 3 ⵏ ⵢⵉⵙⴻⴳⴳⴰⵙⴻⵏ. ⴰⴳⴻⵏⵙⴰ-ⴰ ⴰⴷ ⵢⴻⵜⵜⵎⵓⵇⵇⵓⵍ ⵜⴰⵍⵍⵓⵏⵜ (ⴼⴰⴹⴰ’) ⵡⴰⵔ ⴰⵃⴱⴰⵙ ⴷⴻⴳ 2 ⵏ ⵢⵉⵙⴻⴳⴳⴰⵙⴻⵏ ⵉⵎⴻⵣⵡⵓⵔⴰ ⵏ ⵓⵅⴻⴷⴷⵉⵎ-ⵏⵏⴻⵙ, ⵙⴰⴽⴽⵉⵏ, ⴷⴻⴳ ⵓⵙⴻⴳⴳⴰⵙ-ⵏⵏⴻⵙ ⵡⵉⵙ 3, ⴰⴷ ⵢⵓⵖⴰⵍ ⴰⴷ ⵢⴻⵜⵜⵎⵓⵇⵇⵓⵍ ⵜⵉⵎⵏⴰⴹⵉⵏ ⵏ ⵜⴰⵍⵍⵓⵏⵜ ⴰⵢⴷⴻⴳ ⵜⴻⵣⵎⴻⵔ ⴰⴷ ⵜⵉⵍⵉ ⵜⴻⵏⴳⴰ ⵜⴰⴱⴻⵔⴽⴰⵏⵜ.

ⵜⴰⴽⴰⴷⵉⵎⵉⵜ ⵏ ⵜⵓⵙⵙⵏⵉⵡⵉⵏ ⵏ ⵛⵛⵉⵏⵡⴰ ⵜⴻⵙⵙⵓⴼⴼⴻⵖ-ⴷ ⵢⵉⵡⴻⵏ ⵏ ⵓⵕⴰⴱⵓⵍ ⵖⴻⴼ ⵢⵉⵎⴰⵍ ⵏ ⵜⴻⵙⵏⴰⵍⵍⵓⵏⵜ (ⴼⴰⵍⴰⴽ) « ⵢⴻⵔⵏⵓ ⵜⵕⴻⴳⴳⴻⵎ-ⴷ ⴷⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵙⵓⵔⵉⴼⴻⵏ ⴷ ⵉⵎⴻⵇⵔⴰⵏⴻⵏ ⵖⴻⵔ ⵙⴷⴰⵜ » ⵙⴻⴳ-ⴰ ⵖⴻⵔ 2030 ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴰⴷⵉ ⵖⴻⴼ ⵡⴰⵍⵍⵓⵖ (ⵜⴰⵛⴰⴽⴽⵓⵍ) ⴷ ⵡⴻⵎⵀⴰⵣ ⵏ ⵓⵎⴻⵖⵔⴰⴷ ⴷ ⵓⵏⴰⴷⵉ ⵖⴻⴼ ⵜⵎⴻⴷⴷⵓⵔⵜ ⵜⴰⴼⵖⴰⴳⵏⵉⵜ.