Asebter amenzawi

Asmekti n 19 maɣṛeṣ 1962 uselway afṛansawi Hollande tegla-d s tmegla n kra di Fṛansa

PARIS- Asmekti ass n ssebt sɣuṛ uselway afṛansawi, François Hollande, n umulli n weḥbas n umennuɣ di 19 maɣṛeṣ 1962, yettusemman deg wemtawi n Evian d tigejdit n timmunent n Lezzayer, tegla-d di Fṛansa s yiwet n tmegla n kra ifṛansawiyen.

François Hollande ad d-yebder ass n ssebt, zdat "Usebdad aɣelnaw n wemgaru n Lezzayer akk d yimenɣan n Lmeṛṛuk akk d Tunes", d-izgan di Quai Branly (Paris), inaw almend n wass-agi yettwasemman di Lezzayer "Ass n rbaḥ" akk d Fṛansa "Ass aɣelnaw n wesmekti n Lezzayer-Lmeṛṛuk- Tunes", azemz ay ɣunzan iḥerkiyen, iḍaṛṛen iberkanen di Fṛansa, yeqqimen mgal azarug n Lezzayer.

Asmekti-yagi yellan d amezwaru i uselway afṛansawi, ad yettwajerred s yinaw-agi ur nettili-yara, ɣef laḥsab n yiwet n teɣbalut n Elysée, kan almend n tuttra yerzan cfaya ger Lezzayer d Fṛansa, maca ad tezdi amezruy ucrik n Fṛansa akk d kṛaḍ n tmura n tefriqt ugafa.

Tiɣbalutin-agi nnant-d daɣen belli Hollande ad yemmeslay deg usurrif n weḥbas imenɣan ,ači kan ɣef "yemtawiyen n Evian", yettwasenyan di 18 maɣṛeṣ 1962 sɣuṛ unabaḍ afṛansawi akk d unabaḍ n laɛḍil n tegduda tazzayrit (GPRA).