ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⵜⴰⵡⴰⵢⴻⵏ ⵏ ⴻⵠⵉⴰⵏ ⵓⵍⴰⵛ ⴷⴻⴳ-ⵙⴻⵏ ⵛⵛⵓⵔⵓⴹ ⵓⴼⴼⵉⵔⴻⵏ

ⴱⴳⴰⵢⴻⵜ – ⵢⴻⵏⵏⴰ-ⴷ ⴱⴻⵔⵏⴰⵔⴷ ⴷⴻⵙⵛⵀⴰⵎⵒⵙ, ⵉⵎⵙⴻⴱⴷⴻⴷ ⵏ ⵜⵉⴷⴷⵓⴽⵍⴰ ⵏ ⴼⵕⴰⵏⵙⴰ-ⵍⴻⵣⵣⴰⵢⴻⵔ, ⴰⵙⵙ ⵏ ⵙⵙⴻⴱⵜ ⴷⴻⴳ ⴱⴳⴰⵢⴻⵜ, ⴷⴰⴽⴽⴻⵏ ⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵏ ⴻⵠⵉⴰⵏ ⵓⵔ ⵢⴻⵍⵍⵉ ⴷⴻⴳ-ⵙⴻⵏⵜ ⴽⵔⴰ ⵏ ⵛⵛⴻⵔⴹ ⵓⴼⴼⵉⵔ ⵏⴻⵖ ⵛⵛⴻⵔⴹ ⵓⵔ ⵢⴻⵜⵜⵡⴰⵔⵓⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ « ⵉⵏⴻⵎⵛⵉⵡⵕⴻⴱⵏ ⵉⴷⵣⴰⵢⵔⵉⵢⴻⵏ ⵓⵔ ⵙⴻⵎⵎⵃⴻⵏ ⵓⵍⴰ ⴷⴻⴳ ⵢⵉⵡⴻⵜ ⵏ ⵜⴻⵎⵙⴰⵍⵜ ».

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ-ⴰⵙⴽⴰⵙⵉ ⴰⵢ ⴷ-ⵢⴻⵍⵍⴰⵏ ⵖⴻⴼ « ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⵏ ⵍⵎⵉⵏⴰⵜ ⵏ ⵛéⵠⴻⵏⵏⴻⵙ », ⵢⴻⵏⵏⴰ-ⴷ ⵎⴰⵙⵙ ⴷⴻⵙⵛⵀⴰⵎⵒⵙ ⴷⴰⴽⴽⴻⵏ ⵉⴷⵣⴰⵢⵔⵉⵢⴻⵏ ⵓⵔ ⵙⴻⵎⵎⵃⴻⵏ ⵓⵍⴰ ⴷⴻⴳ ⵢⵉⵡⴻⵜ ⵏ ⵜⴻⵎⵙⴰⵍⵜ ⴷⴻⴳ ⵍⴻⵎⵛⴰⵡⵕⴰⵜ, ⵙ ⵡⴰⵢⴰ, ⵓⵔ ⵇⴱⵉⵍⴻⵏ ⵍⴰ ⴰⴼⵔⴰⵇ ⵏ ⵓⵏⴻⵥⵔⵓⴼ (ⵚⴰⵃⵔⴰ’) ⵖⴻⴼ ⵓⴳⴰⴼⴰ ⵏ ⵜⵎⵓⵔⵜ, ⵡⴰⵍⴰ ⴰⵙⵙⴻⴱⴷⴻⴷ ⵏ ⵓⴱⴰⵏⴷⵓ ⵓⵕⵓⴼⵉ ⴷⴻⴳ ⵓⴳⴰⴼⴰ ⵏ ⵍⴻⵣⵣⴰⵢⴻⵔ, ⵡⴰⵍⴰ ⵍⴻⵅⵚⴰⵚ ⴷⴻⴳ ⵜⵏⴰⴽⴰ (ⵙⵉⵢⴰⴷⴰ) ⵏ ⵍⴻⵣⵣⴰⵢⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⴼⵕⴻⵏⵙⵉⵙⴻⵏ ⴰⵢ ⵢⴻⴼⴼⵖⴻⵏ ⵙⴻⴳ ⵍⴻⵣⵣⴰⵢⴻⵔ ⴰⵙⵎⵉ ⴰⵢ ⵜⴻⵡⵡⵉ ⴰⵣⴰⵔⵓⴳ-ⵏⵏⴻⵙ (ⵉⵙⵜⵉⵇⵍⴰⵍ) « ⵔⴻⵡⵍⴻⵏ ⵖⴻⴼ ⵜⴻⴽⵔⵉⴹⵜ (ⵄⵓⵏⴼ) ⴷ ⵜⵎⴻⵏⵖⵉⵡⵉⵏ ⵏ ⵜⵓⴷⴷⵙⴰ ⵏ ⵢⵉⴳⴻⵏ ⵓⴼⴼⵉⵔ (ⵧⴰⵙ) » ⴰⵢ ⵉⵄⴻⵔⴹⴻⵏ ⴰⴷ ⵜⴻⵙⵙⴻⵅⵚⴻⵔ ⵍⴻⵎⵛⴰⵡⵕⴰⵜ ⵏ ⴻⵠⵉⴰⵏ.

« 800.000 ⵏ ⵢⴻⴼⵕⴻⵏⵙⵉⵙⴻⵏ ⴰⵢ ⵢⴻⴼⴼⵖⴻⵏ ⴰⴽⴽⴻⵏ ⴰⴷ ⵔⴻⵡⵍⴻⵏ ⵖⴻⴼ ⵍⴻⵛⵖⴰⵍ ⴷ ⵜⴻⴽⵔⵉⴹⵜ ⵏ ⵜⵓⴷⴷⵙⴰ ⵏ ⵢⵉⴳⴻⵏ ⵓⴼⴼⵉⵔ (ⵧⴰⵙ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⵜ ⴷⴻⴳ ⵓⵢⴻⴼⴼⵓⵙ ⴰⵎⴻⴹⴹⴰⵔⴼⵓ ⴰⵢ ⵢⴻⵍⵍⴰⵏ ⵢⴻⵜⵜⵡⴰⵍⵉ « ⵉⵎⵜⴰⵡⴰⵢⴻⵏ ⵏ ⴻⵠⵉⴰⵏ ⴷ ⵜⴰⵖⴰⵡⵙⴰ ⵏ ⴷⵉⵔⵉ ⵉ ⴼⵕⴰⵏⵙⴰ, ⵜⵓⴳⵉ ⴰⴷ ⵜⴻⵙⵜⴻⵄⵕⴻⴼ ⵢⴻⵙ-ⵙⴻⵏ ⵢⴻⵔⵏⵓ ⵎⴰⵣⴰⵍ-ⵉⵜⵜ ⴰⴽⴽⴰ ⴰⵔ ⴰⵙⵙ-ⴰ ». ⵢⵉⵡⴻⵜ ⵙⴻⴳ ⵜⵖⴰⵡⵙⵉⵡⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴰⵢⴰ ⴷ ⵕⵕⴰⵢ ⴰⵢ ⵜⴻⴷⴷⴻⵎ ⵢⵉⵡⴻⵜ ⵏ ⵜⵖⵉⵡⴰⵏⵜ ⵏ ⵓⵢⴻⴼⴼⵓⵙ ⴰⵎⴻⴹⴹⴰⵔⴼⵓ ⴰⵢ ⴰⵙ-ⵉⴱⴻⴷⴷⵍⴻⵏ ⵉⵙⴻⵎ ⵉ ⵢⵉⵡⴻⵏ ⵏ ⵡⴻⵣⵏⵉⵇ ⵓⵎⵉ ⵍⵍⴰⵏ, ⵏⴰⵇⴰⵍ, ⵜⵜⵉⵏⵉⵏ « ⴰⵣⵏⵉⵇ ⵏ 19 ⵎⴻⵖⵔⴻⵙ ».

ⵖⴻⴼ ⵍⴻⵃⵙⴰⴱ ⵏ ⵓⵎⴰⵣⴰⵏ-ⴰ (ⵏⴰ’ⵉⴱ) ⴰⵇⴱⵓⵔ ⵏ ⴼⵕⴰⵏⵙⴰ, « ⵉⵎⵜⴰⵡⴰⵢⴻⵏ ⵏ ⴻⵠⵉⴰⵏ ⵍⵍⴰⵏ-ⴷ ⴷ ⴰⵎⵙⴻⴼⵀⴰⵎ ⴰⵙⴻⵔⵜⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ ⴰⴽⴽⴻⵏ ⴰⴷ ⵉⴼⴰⴽ ⵡⴻⵎⴳⴰⵔⵓ (ⵃⴰⵔⴱ) », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⵎⴰ ⵉⵎⵜⴰⵡⴰⵢⴻⵏ-ⴰ ⵜⴻⵎⴳⴻⵔⵔⴰⴷ ⵜⵖⵓⵔⵉ-ⵏⵙⴻⵏ, ⵎⴰⵛⴰ ⵍⴼⴰⵢⴷⴰ-ⵏⵙⴻⵏ ⵏⴻⵜⵜⴰ ⴷ « ⴰⵙⵜⴻⵄⵕⴻⴼ ⵙ ⵓⵡⴰⵏⴰⴽ ⴰⴷⵣⴰⵢⵔⵉ ⵉⵎⵣⵉⵔⴻⴳ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ ».

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴷⴻⵙⵛⵀⴰⵎⵒⵙ, ⵕⵕⴰⵢ ⴰⵏⴰⴳⴷⵓⴷ ⴰⴼⵕⴻⵏⵙⵉⵙ ⵢⴻⵍⵍⴰ ⵢⴻⵄⵢⴰ ⵙⴻⴳ 7 ⵏ ⵢⵉⵙⴻⴳⴳⴰⵙⴻⵏ ⵏ ⵡⴻⵎⴳⴰⵔⵓ ⴷ ⵜⵎⴻⵜⵜⴰⵏⵜ ⵏ ⵡⴰⵟⴰⵙ ⵙⴻⴳ ⵢⵉⵍⴻⵎⵥⵉⵢⴻⵏ-ⵏⵏⴻⵙ ⴷⴻⴳ ⵢⵉⵎⴻⵏⵖⵉ, ⴷⵖⴰ ⵓⵍⴰⵛ ⴰⵟⴰⵙ ⵏ ⵢⴻⴼⵕⴻⵏⵙⵉⵙⴻⵏ ⴰⵢ ⵢⵓⴳⵉⵏ ⵉⵎⵜⴰⵡⴰⵢⴻⵏ-ⴰ. ⵖⴻⴼ ⵡⴰⵢⴰ, ⵜⵓⴷⴷⵙⴰ ⵏ ⵢⵉⴳⴻⵏ ⵓⴼⴼⵉⵔ ⵜⴻⵏⴽⴻⵔ-ⴷ ⵙ ⵡⵓⵔⴼⴰⵏ ⵢⴻⵔⵏⵓ ⵜⴻⵛⵃⴻⵏ, ⵙ ⵍⴻⵎⵄⴰⵡⵏⴰ ⵏ ⵢⵉⵊⵉⵏⵉⵕⴰⵍⴻⵏ « ⵢⴻⴼⴼⵖⴻⵏ ⵉ ⵡⴻⴱⵔⵉⴷ », ⴰⴽⴽⴻⵏ ⴰⴷ ⵜⴻⵏⵏⴰⵖ ⵉ ⵡⴰⵢⴻⵏ ⵓⵎⵉ ⵙⴻⵎⵎⴰⵏ « ⵍⴻⵣⵣⴰⵢⴻⵔ ⵜⴰⴼⵕⴻⵏⵙⵉⵙⵜ ».