ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴻⴷⵢⴰⵣ ⴰⵟⴰⵍⵢⴰⵏⵉ ⵛⵍⴰⵓⴷⵉⵧ ⵒⵧⵣⵣⴰⵏⵉ ⴷ ⵉⵏⴻⴱⴳⵉ ⵏ « ⵜⵜⵉⵄⴰⴷ ⴷ ⵜⵎⴻⴷⵢⴻⵣⵜ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵖⵔⴰ-ⴷ ⵓⵎⴻⴷⵢⴰⵣ ⴰⵟⴰⵍⵢⴰⵏⵉ ⵛⵍⴰⵓⴷⵉⵧ ⵒⵧⵣⵣⴰⵏⵉ ⵉⵙⴻⴼⵔⴰ-ⵏⵏⴻⵙ ⵢⴻⵞⵞⵓⵕⴻⵏ ⴷ ⵉⵙⴻⵇⵙⵉⵢⴻⵏ ⵖⴻⴼ ⵜⴻⵍⵇⴻⵢ ⵏ ⵜⵎⴻⴷⴷⵓⵔⵜ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵎⵉ ⴷ-ⵢⴻⵍⵍⴰ ⴷ ⵉⵏⴻⴱⴳⵉ ⵏ ⵡⴻⵎⵢⴰⴳⴻⵔ ⵏ « ⵜⵜⵉⵄⴰⴷ ⴷ ⵜⵎⴻⴷⵢⴻⵣⵜ » ⴰⵢ ⴷ-ⵢⴻⴱⴷⴰ ⵡⴻⵖⵍⵉⴼ ⵏ ⵢⴻⴷⵍⴻⵙ ⵙⴻⴳ ⵎⴻⵍⵎⵉ ⴽⴰⵏ.
ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵉ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ (ⵄⴰⵍⴰⵎⵉ) ⵏ ⵜⵎⴻⴷⵢⴻⵣⵜ ⵙⵉⵏ ⵏ ⵡⵓⵙⵙⴰⵏ ⵓⵇⴱⴻⵍ ⵜⵜⵉⵄⴰⴷ-ⵏⵏⴻⵙ. ⴰⵙⵙ-ⴰ ⴰⴳⵔⴰⵖⵍⴰⵏ ⵜⴻⵙⵏⵓⵍⴼⴰ-ⵜ-ⵉⴷ ⵓⵏⴻⵙⵛⵧ ⴷⴻⴳ 1999.
ⵜⴰⵖⵓⵔⵉ ⵏ ⵢⵉⵙⴻⴼⵔⴰ ⵏ ⵒⵧⵣⵣⴰⵏⵉ ⵜⴻⴵⴵⴰ ⵡⵉⴷ ⵉⵃⴻⴷⵕⴻⵏ ⴰⴷ ⵙⵙⵏⴻⵏ ⴰⵅⴻⴷⴷⵉⵎ ⵏ ⵓⵎⴻⴷⵢⴰⵣ-ⴰ ⴷ-ⵢⴻⴽⴽⴰⵏ ⵙⴻⴳ ⵜⴻⵎⴷⵉⵏⵜ ⵏ ⵊⴻⵏⵡⴰ (ⵟⵟⴰⵍⵢⴰⵏ) ⵢⴻⵔⵏⵓ ⵙⵍⴰⵏ ⵉ ⵢⵉⵙⴻⴼⵔⴰ-ⵏⵏⴻⵙ ⵓⵍⴰ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵉⵎⵉ ⴰⵢ ⵜⴻⵏ-ⵉⴷ-ⵢⴻⵙⵙⵓⵖⴻⵍ ⵓⵣⴻⴼⴼⴰⵏ (ⴼⴰⵏⴰⵏ ⴽⵓⵎⵉⴷⵉ) ⴰⴷⵣⴰⵢⵔⵉ ⵜⴰⵔⴻⴽ ⴱⵧⵓⴰⵔⴰⵔⴰ ⵢⴻⵔⵏⵓ ⵢⴻⵖⵔⴰ-ⵜⴻⵏ-ⵉⴷ ⴷⴻⴳ ⵡⴻⵎⵢⴰⴳⴻⵔ-ⵏⵏⵉ.
ⵜⵜⵡⴻⵖⵔⴻⵏ-ⴷ ⵢⵉⵙⴻⴼⵔⴰ ⵏ ⵒⵧⵣⵣⴰⵏⵉ ⵙ ⵓⵥⴰⵡⴰⵏ ⴰⵢ ⴷ-ⵉⵡⴻⵜ ⵧⴽⴱⴰ ⵀⴰⵎⵎⵧⵓⵛⵀⴻ ⵙ ⵢⵉⵎⵥⴰⴷ-ⵏⵏⴻⵙ. ⴰⵎⴻⴷⵢⴰⵣ-ⴰ ⴰⵟⴰⵍⵢⴰⵏⵉ ⵉⴳⴻⵔⵔⴻⵣ ⴷⴰⵖ ⴷⴻⴳ ⵡⴰⵎⴻⴽ ⴰⵢ ⵢⴻⵜⵜⴰⴽⴼ ⵕⵕⵓⵃ ⵉ ⵢⵉⵙⴻⴼⵔⴰ-ⵏⵏⴻⵙ ⴰⵎⴰ ⵙ ⵜⴰⵖⴻⵛⵜ, ⴰⵎⴰ ⵙ ⵜⵉⴳⴰⵡⵜ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵢⴻⵙⵙⴰⵡⴹⴻⵏ ⵜⴻⵍⵇⴻⵢ ⵏ ⵡⴰⴼⵔⴰⵢⴻⵏ (ⴰⵃⴰⵙⵉⵙ) ⵏ ⵢⵉⵙⴻⴼⵔⴰ-ⵏⵏⴻⵙ ⵉ ⵡⵉⴷ ⴰⵢ ⵉⵃⴻⴷⵕⴻⵏ ⴷⵉⵏ, ⵓⵍⴰ ⵎⴰ ⵢⴻⵖⵔⴰ-ⵜⴻⵏ-ⵉⴷ ⵙ ⵜⵓⵜⵍⴰⵢⵜ ⵜⴰⴱⴻⵕⵕⴰⵏⵉⵜ.
ⵜⵓⴽⵛⵉ ⵏ ⵕⵕⵓⵃ ⵉ ⵜⵖⵓⵔⵉ ⵏ ⵓⵙⴻⴼⵔⵓ ⴷ ⴰⵢⴻⵏ ⴰⵢ ⵢⴻⴼⴽⴰⵏ ⵜⵓⴷⴻⵔⵜ ⵉ ⵓⵀⴰⵏⴰⵢ-ⵏⵏⵉ (ⵄⴰⵔⴹ) ⵢⴻⵔⵏⵓ ⵢⴻⵣⵎⴻⵔ ⵡⴰⵢⴰ ⴰⴷ ⴷ-ⵢⴻⵔⵔ ⵜⴰⵕⵡⵉⵃⵜ ⵉ ⵜⵎⴻⴷⵢⴻⵣⵜ ⵙ ⵓⵎⴰⵜⴰ, ⵍⴰⴷⵖⴰ ⵉⵎⵉ ⵉⴷⵍⵉⵙⴻⵏ ⵏ ⵢⵉⵙⴻⴼⵔⴰ ⵓⵔ ⵍⴰ ⵜⵜⵏⵓⵣⵓⵏ ⵎⵍⵉⵃ ⴷⴻⴳ ⵙⵙⵓⵇ ⴰⵏⵎⴰⴹⴰⵍ ⵏ ⵡⴻⴷⵍⵉⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵒⵧⵣⵣⴰⵏⵉ ⴷⴻⴳ ⵡⴻⵙⴽⴰⵙⵉ ⴰⵢ ⴷ-ⵢⴻⵍⵍⴰⵏ ⵎⵉ ⵜⴼⵓⴽ ⵜⵖⵓⵔⵉ ⵏ ⵢⵉⵙⴻⴼⵔⴰ.
