ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ: ⵜⵄⴻⴷⴷⴰ ⵛⵙ ⵇⵙⴻⵏⵟⵉⵏⴰ ⵖⴻⵔ ⵜⵉⵙ 8 ⵏ ⵜⵏⴻⴳⴳⴰⵔⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵄⴻⴷⴷⴰ ⵛⵙ ⵇⵙⴻⵏⵟⵉⵏⴰ ⵖⴻⵔ ⵜⵉⵙ 8 ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵉ ⵜⴻⵔⵏⴰ ⵜⴰⵖⵍⴰⵎⵜ ⵜⴰⵏⵉⵊⵉⵔⵢⴰⵏⵜ ⵏ ⵏⴰⵙⴰⵔⴰⵡⴰ ⵓⵏⵉⵜⴻⴷ ⵙ 4 ⵏ ⵢⴻⵙⵡⴰⵏ ⵖⴻⵔ 1 ⴷⴻⴳ ⵜⴻⵎⵍⵉⵍⵉⵜ ⵏ ⵡⵓⵖⴰⵍ ⵏ ⵜⵉⵙ 16 ⵏ ⵜⵏⴻⴳⴳⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵓⵙⴰⵔⵉⵔ ⵏ ⵓⵎⴻⵖⵔⵓⵙ ⵀⴰⵎⵍⴰⵧⵓⵉ ⵏ ⵇⵙⴻⵏⵟⵉⵏⴰ. ⵉ ⵡⴻⵙⵎⴻⴽⵜⵉ, ⵜⵉⵎⵍⵉⵍⵉⵜ ⵏ ⵜⵡⴰⴷⴷⴰ (ⵕⵕⵡⴰⵃ) ⵜⴻⵅⵚⴻⵔ ⴷⴻⴳ-ⵙ ⵍⴻⵣⵣⴰⵢⴻⵔ ⵙ 1 ⵖⴻⵔ 0.

ⵉⵙⵡⵉ ⴰⵎⴻⵣⵡⴰⵔⵓ ⵢⴻⵙⵙⴰⴷⴻⴼ-ⵉⵜ ⵢⴰⵛⵉⵏⴻ ⴱⴻⵣⵣⴰⵣ ⵙ ⵜⵢⵉⵜⴰ ⵏ ⵜⴻⵎⵇⴰⵙⵉⵜ ⴷⴻⴳ ⵜⴻⴷⵇⵉⵇⵜ ⵜⵉⵙ 45+1. ⴷⴻⴳ ⵜⴻⴷⵇⵉⵇⵜ ⵜⵉⵙ 67, ⴷ ⴰⵎⴰⵔⵉⵔ ⴰⵏⵉⵊⵉⵔⵢⴰⵏ ⵎⴰⵜⵓⵔⴻ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⴰⵡⵃⵉⴷ ⵏ ⵜⴻⵖⵍⴰⵎⵜ-ⵏⵏⴻⵙ.

ⵎⴰⵛⴰ ⵉⵇⵙⴻⵏⵟⵉⵏⵉⵢⴻⵏ ⵓⵖⴰⵍⴻⵏ-ⴷ ⵙ 3 ⵏ ⵢⴻⵙⵡⴰⵏ. ⴰⵎⴻⵣⵡⴰⵔⵓ ⵢⴻⵙⵙⴰⴷⴻⴼ-ⵉⵜ ⵎⴻⵙⵙⴰⴷⵉⴰ ⴷⴻⴳ ⵜⵉⵙ 76, ⵡⵉⵙ ⵙⵉⵏ ⴷ ⵎⴻⴳⵀⵏⵉ ⴷⴻⴳ ⵜⵉⵙ 79, ⵎⴰ ⴷ ⵡⵉⵙ 3 ⵉⴳⴻⵔ-ⵉⵜ ⵠⵧⴰⵠⵢ ⴷⴻⴳ ⵜⵉⵙ 83.

ⴷⴻⴳ ⵜⴻⵎⵍⵉⵍⵉⵜ ⵏ ⵜⵡⴰⴷⴷⴰ ⴰⵢ ⴷ-ⵢⴻⵍⵍⴰⵏ ⴷⴻⴳ 13 ⵎⴻⵖⵔⴻⵙ ⴷⴻⴳ ⴰⴱⵓⵊⴰ (ⵜⴰⵎⴰⵏⴻⵖⵜ ⵏ ⵏⵉⵊⵉⵔⵢⴰ), ⵙⵙⴰⵡⴹⴻⵏ ⵢⴻⵇⵙⴻⵏⵟⵉⵏⵉⵢⴻⵏ ⴰⴷ ⵙⴻⵍⵍⴽⴻⵏ ⵉⵖⴼⴰⵡⴻⵏ-ⵏⵙⴻⵏ ⵙ ⵍⴻⵅⵚⴰⵔⴰ ⵏ ⵢⵉⵡⴻⵏ ⴽⴰⵏ ⵖⴻⵔ 0, ⵍⴰⴷⵖⴰ ⵉⵎⵉ ⴰⵢ ⵢⴻⵜⵜⵡⴰⵥⵥⴻⵄ ⵀⴰⵎⵣⴰ ⴱⵧⵓⵍⴻⵎⴷⴰⵉⵙ ⴷⴻⴳ ⵜⴻⴷⵇⵉⵇⵜ ⵜⵉⵙ 55 ⴷ ⵓⴽⴻⵎⵎⴻⵍ ⵏ ⵜⴻⵎⵍⵉⵍⵉⵜ 10 ⴽⴰⵏ ⵏ ⵢⵉⵎⴰⵔⵉⵔⴻⵏ. ⵉⵙⵡⵉ ⴰⵡⵃⵉⴷ ⵏ ⵜⴻⵎⵍⵉⵍⵉⵜ-ⵏⵏⵉ ⵢⴻⵙⵙⴰⴷⴻⴼ-ⵉⵜ ⵒⵀⵉⵍⵉⵒⵒⴻ ⴰⵣⵧⵏⴳⵧ ⵏ ⵏⴰⵙⴰⵔⴰⵡⴰ ⵓⵏⵉⵜⴻⴷ ⴷⴻⴳ ⵜⴻⴷⵇⵉⵇⵜ ⵜⵉⵙ 87.