Asebter amenzawi

Arraz Ameqran n vo-vinam-viet-vo-dao: 50 n yinaddalen ay iɛeddan ɣer tneggarut

LEZZAYER TAMANEɣT – 50 n yinaddalen ay iɛeddan ɣer tneggarut n Warraz Ameqran n vo-vinam-viet-vo-dao deffir temliliyin n uɛeddi ay d-yellan ussan n ljemɛa d ssebt deg tzeqqa takkaddalt n Ddaṛ Lbiḍa (Lezzayer Tamaneɣt) aydeg ttekkan 320 n yinaddalen.

Aselway n temɣunt (rabiṭa) n Lezzayer Tamaneɣt, Bilel Bounedjma, yumar s webrid amaynu ay yettwaḍefren deg ussuddes n wemsizwer-a, imi abrid-a yerẓem tawwurt i uttekki n wugar n yinaddalen ɣef leḥsab n teẓrigin (ṭabɛat) yezrin.

« Nesseqdec yiwet n tsemselt (tackila) tamaynut i uɛeddi, d tin ad yeǧǧen inaddalen ad msizewren deg snat n tmezzugin (imenɣi d yikaṭaten) akken ad nesɛu ugar n yemttekkiyen deg tneggarut yernu ad nessen uẓwiren imaynuten », ɣef wakken ay d-yenna Bounedjma i Tnegga n Yisalan n Lezzayer.

Imenɣiyen n tneggarut ad d-ilin ass n 25 Meɣres deg Kalitus (tawilayt n Lezzayer). 50-nni n yinaddalen ad yettekkin deg-sent kkan-d seg 11 n teɣlamin n Lezzayer Tamaneɣt, 3 seg Bumerdas, ma d Sḍif d Tizi Wezzu ad ttekkin s yiwen n unaddal i yal yiwet.

Tafidiṛalit tadzayrit n waddal-a ad tefk idrimen (gar 100.000 d 400.000 n yidinaṛen) i wid ad irebḥen deg Warraz-a Ameqran.