ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴼⴰⵍⴻⵙⵟⵉⵏ: ⵢⴻⵔⵖⴰ ⵢⵉⵡⴻⵏ ⵏ ⵡⴻⵅⵅⴰⵎ ⵏ ⵢⵉⵡⴻⵜ ⵏ ⵜⵡⴰⵛⵓⵍⵜ ⵜⴰⴼⴰⵍⴻⵙⵟⵉⵏⵉⵜ ⴰⵢ ⵙⵏⴻⴳⵔⴻⵏ ⵢⵉⵎⴻⵟⵟⵓⵔⴼⴰ ⵓⴷⴰⵢⴻⵏ
ⵏⴰⴱⵍⵓⵙ (ⴰⴳⴻⵎⵎⴰⴹ ⵓⵜⵔⵉⵎ) – ⵜⴻⵔⵖⴰ ⵡⴻⵅⵅⴰⵎ ⵏ ⵓⵏⴰⴳⵉ ⴰⴳⴻⵊⴷⴰⵏ ⴷⴻⴳ ⵜⴻⵎⵙⴰⵍⵜ ⵏ ⵜⵎⴻⵏⵖⵉⵡⵜ ⵏ ⵜⴰⴷⴷⴰⵔⵜ ⵏ ⴷⵓⵎⴰ ⴰⵢⴷⴻⴳ ⵉⵎⴻⴹⴹⵓⵔⴼⴰ ⵓⴷⴰⵢⴻⵏ ⵙⵙⴻⵔⵖⴻⵏ, ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ, ⵢⵉⵡⴻⵏ ⵏ ⵓⵍⵓⴼⴰⵏ ⴰⴼⴰⵍⴻⵙⵟⵉⵏⵉ ⴷ ⵢⵉⵎⴰⵡⵍⴰⵏ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ, ⴰⵙⵙ ⵍⵃⴻⴷⴷ ⵢⵉⵎⴻⵣⴷⴰⵖⴻⵏ ⵏ ⵜⴰⴷⴷⴰⵔⵜ-ⴰ.
ⵉⴱⵔⴰⵀⵉⵎ ⴷⴰⵡⴰⴱⵛⵀⴻⵀ ⴷ ⵜⵎⴻⵟⵟⵓⵜ-ⵏⵏⴻⵙ ⵓⴽⵉⵏ-ⴷ, ⵓⴼⴰⵏ-ⴷ ⴰⵅⵅⴰⵎ-ⵏⵙⴻⵏ ⵢⴻⵞⵞⵓⵕ ⴷ ⴰⵡⵡⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⴰⴳⴰⵏ ⴰⵢ ⴷ-ⴱⴻⴷⵔⴻⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.
ⴰⵅⵅⴰⵎ ⵏ ⵎⴰⵙⵙ ⴷⴰⵡⴰⴱⵛⵀⴻⵀ ⴷ ⵜⵎⴻⵟⵟⵓⵜ-ⵏⵏⴻⵙ ⵢⵓⵙⴰ-ⴷ ⵜⴰⵎⴰ ⵏ ⵡⴻⵅⵅⴰⵎ ⵏ ⵙⴰⴰⴷ ⴷⴰⵡⴰⴱⵛⵀⴻⵀ ⴰⵢ ⵙⵙⴻⵔⵖⴻⵏ ⵢⵉⵎⴻⴹⴹⵓⵔⴼⴰ ⴷⴻⴳ ⵢⵓⵍⵢⵓ ⵏ 2015, ⴰⵢⴷⴻⴳ ⵢⴻⵎⵎⵓⵜ ⴰⵍⵉ ⴷⴰⵡⴰⴱⵛⵀⴻⵀ, ⴷ ⴰⵍⵓⴼⴰⵏ ⵏ 18 ⵏ ⵡⴰⵢⵢⵓⵔⴻⵏ, ⵙⴰⴽⴽⵉⵏ ⵎⵎⵓⵜⴻⵏ ⵢⵉⵎⴰⵡⵍⴰⵏ-ⵏⵏⴻⵙ ⴽⵔⴰ ⵏ ⵍⴻⴷⵡⴰⵕ ⵙⴰⴽⴽⵉⵏ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴷⴰⵡⴰⴱⵛⵀⴻⵀ, ⵢⴻⵍⵍⴰⵏ ⴷⴻⴳ ⵡⴻⵙⴱⵉⵟⴰⵔ, ⵢⴻⵙⵍⴰ ⵉ ⵟⵟⴰⵇ ⵢⴻⵔⵔⴻⵥ, ⵙⴰⴽⴽⵉⵏ, ⴷⵉⵏⴷⵉⵏ ⴽⴰⵏ ⵢⴻⵞⵞⵓⵕ-ⴷ ⵡⴻⵅⵅⴰⵎ ⴷ ⴰⵡⵡⵓ.
ⵖⴻⴼ ⵍⴻⵃⵙⴰⴱ ⵏ ⵢⵉⵎⴻⵣⴷⴰⵖⴻⵏ ⵏ ⵜⴰⴷⴷⴰⵔⵜ ⵏ ⴷⵓⵎⴰ, ⵢⵓⵖⴰⵍⴻⵏ ⴷ ⴰⵣⴰⵎⵓⵍ ⵏ ⵍⴱⴰⵟⴻⵍ ⵏ ⵢⵉⵎⴻⴹⴹⵓⵔⴼⴰ ⵓⴷⴰⵢⴻⵏ, ⵜⵓⵎⵎⵖⴰ ⴰⵎ ⵜⴰ ⵜⵛⵓⴱⴰ ⵜⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵓⵍⵢⵓ ⵢⴻⵣⵔⵉⵏ, ⵢⴻⵔⵏⵓ ⵜⴱⴰⵏ ⵜⴻⴽⴽⴰ-ⴷ ⵙⵖⵓⵔ ⵢⵉⵎⴻⴹⴹⵓⵔⴼⴰ ⵉⵙⵕⴰⵢⵉⵍⵉⵢⴻⵏ.
