Asebter amenzawi

Falesṭin: yerɣa yiwen n wexxam n yiwet n twacult tafalesṭinit ay snegren yimeṭṭurfa udayen

NABLUS (Agemmaḍ Utrim) – Terɣa wexxam n unagi agejdan deg temsalt n tmenɣiwt n taddart n Duma aydeg imeḍḍurfa udayen sserɣen, deg unebdu yezrin, yiwen n ulufan afalesṭini d yimawlan-nnes, ɣef wakken ay d-nnan, ass lḥedd yimezdaɣen n taddart-a.

Ibrahim Dawabcheh d tmeṭṭut-nnes ukin-d, ufan-d axxam-nsen yeččuṛ d awwu, ɣef wakken ay d-nnan yinagan ay d-bedren ttawilat n yisalan.

Axxam n Mass Dawabcheh d tmeṭṭut-nnes yusa-d tama n wexxam n Saad Dawabcheh ay sserɣen yimeḍḍurfa deg Yulyu n 2015, aydeg yemmut Ali Dawabcheh, d alufan n 18 n wayyuren, sakkin mmuten yimawlan-nnes kra n ledwaṛ sakkin.

ɣef leḥsab n Mass Dawabcheh, yellan deg wesbiṭar, yesla i ṭṭaq yerreẓ, sakkin, dindin kan yeččuṛ-d wexxam d awwu.

ɣef leḥsab n yimezdaɣen n taddart n Duma, yuɣalen d azamul n lbaṭel n yimeḍḍurfa udayen, tummɣa am ta tcuba tin ay d-yellan deg Yulyu yezrin, yernu tban tekka-d sɣur yimeḍḍurfa isṛayiliyen.