ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵎⴻⵙⵙⴰⵀⴻⵍ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵜⵉⵙ 8 ⵏ ⵜⵎⵓⵔⴰ ⵜⵉⵊⵉⵔⴰⵜⵉⵏ ⵏ ⵍⵉⴱⵢⴰ (ⵎⴰⴻ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⴰⴱⵉⵢⵉⵏ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵜⵎⵓⵔⴰ ⵜⵉⵄⵔⴰⴱⵉⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⴷ ⵢⴻⵜⵜⵉⴽⴽⵉ ⴷⵉ ⵍⴻⵛⵖⴰⵍ ⵏ ⵜⴻⵎⵍⵉⵍⵉⵜ ⵜⵉⵙ 8 ⵏ ⵜⵎⵓⵔⴰ ⵜⵉⵊⵉⵔⴰⵜⵉⵏ ⵏ ⵍⵉⴱⵢⴰ, ⴰⵔⴰ ⴷ-ⵢⵉⵍⵉⵏ ⴰⵙⵙ ⵜⵜⵍⴰⵜⴰ ⵉⴷ-ⵢⴻⵜⵜⴻⴷⴷⵓⵏ ⴷⴻⴳ ⵜⵓⵏⴻⵙ, ⵖⴻⴼ ⴰⴽⴽⴻⵏ ⵉⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷ ⵢⵉⵡⴻⵏ ⵏ ⵡⵓⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ (ⴱⴻⵕⵕⴰ).

ⵖⴻⵔ ⵜⴰⵎⴰ ⵏ ⵍⵉⴱⵢⴰ ⴷ ⵜⵓⵏⴻⵙ ⵉ ⵢⴻⵍⵍⴰⵏ ⴷ ⵜⵉⵎⵓⵔⴰ ⵜⵉⵎⵙⵓⴷⴷⴻⵙⵉⵏ, ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷⵉ ⵜⵎⵓⵔⴰ ⵏ ⵎⴰⵚⴻⵕ, ⵏ ⵜⵛⵀⴰⴷ, ⵏ ⵏⵉⴳⴻⵔ ⴰⴽⴽⴻⴷ ⵙⵧⵓⴷⴰⵏ.

ⴰⵎⴰⵔⴰⵢ ⴰⵎⴰⵜⵓ ⵏ ⵜⴻⵎⵖⵓⵏⵜ ⵜⴰⵄⵔⴰⴱⵜ , ⵏⴰⴱⵉⵍ ⴰⵍ ⴰⵔⴰⴱⵉ, ⴰⴳⴻⵏⵙⴰⵙ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ) ⴷⵉ ⵜⵎⵓⵔⵜ ⵏ ⵍⵉⴱⵢⴰ ⵎⴰⵔⵜⵉⵏ ⴽⵧⴱⵍⴻⵔ, ⴰⴽⴽⴻⴷ ⵢⵉⴳⴻⵏⵙⴰⵙⴻⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴷⵓⴽⵍⵉ ⵜⵓⵔⵓⴱⵉⵜ, ⴰⴷ ⵃⴻⴹⵕⴻⵏ ⴷⴰⵖ ⴷⴻⴳ ⵜⴻⵎⵍⵉⵍⵉⵜ-ⴰ, ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴷ-ⵢⵓⵙⵙⴰⵏ ⴷⴻⴳ ⵡⵓⵍⵖⵓ-ⴰⵢⵉ.

ⵜⵉⵎⵍⵉⵍⵉⵜ-ⴰ ⵜⵉⵙ 8, ⴰⵔⴰ ⴷ-ⵢⴻⵔⵏⵓⵏ ⵙⴷⴻⴼⴼⵉⵔ ⵜⵉⵏ ⵉ ⴷ-ⵢⴻⵍⵍⴰⵏ ⴰⵙⵙ ⵓⵎⴻⵏⵣⵓ ⵏ ⴷⵓⵊⴻⵎⴱⴻⵕ 2015 ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⴷ ⴷ-ⵢⵉⵍⵉ ⴷⴻⴳ-ⵙ ⵓⵙⴽⴰⵙⵉ ⵖⴻⴼ ⴰⵢⴻⵏ ⵢⴻⵔⵣⴰⵏ “ⵜⵉⵏⴻⴼⵍⵉⵢⵉⵏ ( ⵜⵜⴰⵟⴰⵡⵡⵓⵕⴰⵜ) ⵜⵉⵏⴻⴳⴳⵓⵔⴰ ⵉ ⵜⴻⵜⵜⵉⴷⵉⵔ ⵍⵉⴱⵢⴰ, ⴰⴽⴽⴻⴷ ⵡⵓⵙⵙⵉⵙⴻⵏ (ⵍⵎⴰⴵⵀⵓⴷⴰⵜ) ⵉ ⵜⵜⴳⴰⵏⵜ ⵜⵎⵓⵔⴰ ⵜⵉⵊⵉⵔⴰⵜⵉⵏ-ⵉⵏⴻⵙ ⵉ ⵓⵙⵙⴻⴷⴷⵓ ⵏ ⵓⴽⴰⵍⴰ ⴰⵙⴻⵔⵜⴰⵏ ⵉ ⵜⴻⵙⵙⴻⵍⵃⵓⵢ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵎⵔⴻⵙ ⵏ ⵓⵎⵜⴰⵡⴰ ⴰⵙⴻⵔⵜⴰⵏ ⴰⵍⵉⴱⵉ ⵉ ⵢⴻⵜⵜⵡⴰⵙⴻⵏⵢⴰⵏ ⴷⵉ 17 ⴷⵓⵊⴻⵎⴱⴻⵕ 2015 ; ⴷ ⵓⵙⵙⴻⵔⵙⵉ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⵉ ⵟⵕⴰⴱⵍⵓⵙ “, ⵖⴻⴼ ⴰⴽⴽⴻⵏ ⴷ-ⵢⵓⵙⵙⴰ ⴷⴻⴳ ⵡⵓⵍⵖⵓ.

ⵉⵍⵎⴻⵏⴷ ⵏ ⵜⴻⵎⵍⵉⵍⵉⵜ-ⴰ, ⵎⴰⵙⵙ ⵎⴻⵙⵙⴰⵀⴻⵍ ⴰⴷ ⵢⴻⵎⴷⵉⵡⴻⵏⵏⵉ ⴰⴽⴽⴻⴷ ⵓⵏⴻⵖⵍⴰⴼ ⴰⵜⵓⵏⵙⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ ⴽⵀⴻⵎⴰïⵙ ⵊⵉⵀⵏⴰⵧⵓⵉ, ⴰⴽⴽⴻⵏ ⴰⵔⴰ ⵢⴻⵎⵍⵉⵍ ⴷⴰⵖ ⴰⵏⴻⵖⵍⴰⴼ ⵏ ⵎⴰⵚⴻⵕ, ⴷ ⵓⵏⴻⵖⵍⴰⴼ ⵏ ⵜⵛⵀⴰⴷ, ⵖⴻⵔ ⵜⴰⵎⴰ ⵏ ⵜⴻⵎⵍⵉⵍⵉⵜ ⴰⵔⴰ ⵜ-ⵉⵊⴻⵎⵄⴻⵏ ⴷ ⵎⴰⵙⵙ ⴽⵧⴱⵍⴻⵔ, ⵖⴻⴼ ⴰⴽⴽⴻⵏ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⴻⵖ.