Asebter amenzawi

Amerreḥ ɣef uḍar deg Ǧerǧer yettaǧǧa-d later deg wallaɣen

TIZI WEZZU – Yella-d yiwen n umerreḥ ɣef uḍar deg udrar n yiseɣ adrar n Ǧerǧer, d win i iḥurben zik-nni ɣef yimezdaɣ-is imaziɣen seg yimnekcamen yeffer daɣen imǧuhad deg umgaru n uslelli, yettaǧǧa later deg wallaɣen, akken bɣun ilin, yessizdig iman n umdan yectaqen talwit, abeḥri aṣemmaḍ akked ugama.

Akken ad zemren yilemẓiyen ad issinen, ad walin idgen-a ucbiḥen akked tuɣalin n yimsaduren, Tamehla n yilemẓiyen akked waddalen n twilayt n Tizi Wezzu tessuddes melmi kan yiwet n tufɣa deg temnaḍt n at Wasif deg ubrid n uḍar iɛeddan ddaw Tleṭṭaṭ, icudd Tigemmunin ɣer at Ɛebdlali.

Akken kan i d-ḍallen waqqaren n yiṭij yebdan sseḥmuyen tudrin, ssulin s igenni agu i yellan yeslufu i uṣlaḍ n Ǧerǧer, azal n 300 imekkiyen deg umerreḥ-a ɣef uḍar bdan ttheyyin iman-nsen deg umraḥ n taddart i umi ttininTignatin, adeg ideg ara d-msegrawen, akken ad bdun tikli. Ma d amnir n tikli-a d Farid Chelouaou.