Asebter amenzawi

Astenyi n tebṛat n wemsefham i useggas n 2016 gar Lezzayer d Wahil Anmaḍal n Tuččit

LEZZAYER TAMANEɣT– Ass n letniyen ad yestenyi Abdelhamid Senouci Bereksi, amaru amatu n weɣlif n tɣawsiwin n wezɣar, tabṛat n wemsefham gar Lezzayer d Wahil Anmaḍal n Tuččit, ɣer yidis n Romain Sirois. Tabṛat-a n wemsefham n 2016 d tin aydeg ad yettwaḍmen ussiweḍ n tuččit i yezrazaɣen (laǧi’in) iṣeḥrawiyen.

Lemɛawna-a n Yiṣeḥrawiyen terza 125.000 n medden ixuṣṣen yeddren deg yegriren n yezrazaɣen, yernu llan daɣ sin n wahilen i wessmad n lemɛawna-a. Amezwaru yerza igerdan yelluẓen n ddaw 5 n yiseggasen, ma d wis sin yerza tisednan s tadist (s ujemmal, 22.500 n yigerdan d tsednan), am wakken ad d-iḥaz waya lemɛawna n 32.500 n yigerdan ay yettetten deg uɣerbaz, ɣef wakken ay d-yenna yiwen n welɣu (bayan) n weɣlif n tɣawsiwin n wezɣar.

Azal n lemɛawna-a yewweḍ ɣer 25.235.022 n yidulaṛen, ɣef wakken ay d-yenna welɣu-a.

Ahil Anmaḍal n Tuččit yella deg Lezzayer seg 1963 yernu yesɛa tanarit (maktab) deg Tinduf seg 1985. Tanarit-a xeddmen deg-s yixeddamen ibeṛṛaniyen ay la yettɛassan afraq n lemɛawna ɣef yezrazaɣen iṣeḥrawiyen.