Asebter amenzawi

Asenfar n usarir amaynu n Ṣṭif ur yettwabṭel (aneɣlaf)

ṢṬIF, – Yenna-d uneɣlaf n yilemẓiyen d waddal, El-Hadi Ould Ali, ass n lḥedd, deffir temlilit n ES Ṣṭif mgal Etoile du Congo, dakken asenfar n usarir (malɛab) amaynu n Ṣṭif ur yettwabṭel, wanag yettwaḥbes kan am yisenfaren niḍen.

Asenfar n usarir amaynu n Ṣṭif « ur yettwabṭel i lebda wanag yettwaḥbes am yisenfaren niḍen », ɣef wakken ay d-yenna uneɣlaf deg yiwet n tseɣrut i tɣemsa deg tmesrit (ṣalun) n yiseɣ n usarir n 8 Mayu 1945, yernu yenna-d dakken yettwasseqneɛ dakken « mi ad telhu tegnit tadamsant n tmurt, ad ɛawden ad d-ttwasduqqsen yisenfaren iḥebsen ».

Yerza uneɣlaf n yilemẓiyen d waddal ɣef Ṣṭif anda ay ifeṛṛeǧ timlilit n ES Ṣṭif mgal Etoile du Congo ɣer yidis n yiduba idiganen (suluṭat maḥalliyya).