Asebter amenzawi

Wad Suf: azal n 500 n yemttekiyen deg tfaska taɣelnawt tis 21 n ccna aɣurbiz

WAD SUF– Azal n 500 n yemttekkiyen ad iḥedṛen deg Tfaska Taɣelnawt tis 21 n Ccna Aɣurbiz ay d-yebdan ass n letniyen deg tesdawit n Umeɣrus Hama Lakhdar, deg Wad Suf.

Tafugla (ḥafl) n werẓam qeddmen-d deg-s yiwet n tufiṛat tameẓyant umi semman « Tisutwin n Nwembeṛ », yernu tessken-d tufiṛat-a amek ay iɛedda usafu n Tegrawla n Nwembeṛ i tsutwin n deffir n uzarug (istiqlal) d lebni n tmurt aydeg tasuta tameẓyant tɛuhed ad teḥrez ayen ay as-d-teǧǧa tsuta n Nwembeṛ, yernu aya d « Ldzayer ad yeddren deg tdukli d werkad ».

Imseḍru n tufiṛat-a, Nabil Messai, d umeskar-nnes, Bachir Matredi, nnan-aɣ-d dakken tamezgunt-a tameẓyant tesskanay-d « assaɣ ujhid d wemtawa meɣɣren yellan gar tsutwin n Nwembeṛ d tin n deffir uzarug yellan daɣ d zzux yernu d tamanegt n Ldzayer ».

Ad ttekkint deg tfaska-a 30 n tlilin (maǧmuɛa ṣawtiyya), yal yiwet deg-sent ad tesɛu 16 n yemttekkiyen seg 3 n yeswiren (amenzu, alemmas d tesnawit) seg 30 n twilayin n tmurt.

S waya, ad d-tili temsizwert n 4 n wussan gar tlilin n ccna aɣurbiz (seg 21 ɣer 24 Meɣres) sakkin ala 3 n tlilin ad irebḥen seg yal aswir.

Tadyant-a tadelsant tella-d s uberriḥ n « Temsetlelt (taḍamun), tagmat d wemɛawen », yernu iswi-nnes d tukci n wazal n wuẓwiren ay la d-yettenkaren deg ccna deg yiɣerbazen yemgerraden, am wakken ad d-yesduqqes daɣ waya timetti akken ad tesmel (turawwiǧ) ccna aɣurbiz.