Asebter amenzawi

Tamzizzelt usexdem n wugar n 28.000 iselmaden tettwawexxeṛ

LEZZAYER TAMANAɣT- Taneɣlaft usegmi aɣelnaw, Nouria Benghebrit, twekked-d ass n letniyen di Lezzayer tamanaɣt awexxeṛ n temzizzelt usexdem n yiselmaden, tella niqal ad d-tili ass n 23 yebrir, mebla ma nnan-d ass amaynut yettuɛeggnen i wugar n 28.000 iselmaden deg wannagen yemxallafen.

Lawan n yiwet n temlilit d yimawlan isallen ɣer yidis n yiwen wass azerwan yerzan "ahilen iɣurbizen n tsuta tis snat", Massa Benghebrit tessefhem-d belli "awexxeṛ n temzizzelt-agi mači d ayen n dir", acku ayagi "d tagnitt I yemkeyden akken ad d-swejden iman-nsen".

Imkeyden teɛna temsalt zemmren ad walin igerdasen yettwaḍelben, neɣ ad ẓṛen ahil n temzizzelt seg wass n ttlata d afella deg wadeg internet n weɣlif (www.education.gov.dz), id-tenna tneɣlaft.

Ajerred ad yebdu ass n 28 maɣṛeṣ armi d 17 yebrir d-iteddun deg wadeg-agi (www.onec.dz).