Asebter amenzawi

Yebda-d Obama tirzi-nnes tamezruyant ɣef Kuba

HAVANA – Yewweḍ Barack Obama ass n lḥedd tamedit ɣer Havana, tamaneɣt n Kuba, yernu d tikkelt tamezwarut aydeg ad d-yerzu uselway amarikani ɣef tmurt-a eg lqern.

Asafag aselwayan n Air Force One yers-d ɣef s4:15 (n s8:15 s wakud n Greenwich) deg unafag n Jose Marti yettwasemman ɣef baba-s n uzarug (istiqlal) n Kuba.

Ta d tadyant ad yadfen deg umezruy, ɣef wakken ay d-yenna uwennat (muɛalliq) n tliẓri takubit ay d-yesseknen tadyant-a srid.

Tawacult n Obama mmuggren-tt aṭas n yemḍebbren ikubiyen mi d-ters seg usafag, yernu yella gar-asen uneɣlaf akubi n tɣawsiwin n wezɣar, Bruno Rodriguez.

Tettunefk tmeqqunt n yijeǧǧigen imellalen i tmeṭṭut n Obama, d tjeǧǧigin tiweṛdiyin i yessi-s.

S terzi-a, yebɣa Obama ad yesseǧhed assaɣen gar Washington d Kuba i lebda.