ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
2017 ⴷ ⴰⵙⴻⴳⴳⴰⵙ ⵏ ⵓⵇⴻⵢⵢⴻⵎ ⵏ ⵡⴰⵀⵉⵍⴻⵏ ⵏ ⵡⴻⵙⵏⴻⴼⵍⵉ ⵏ ⵜⵎⵓⵔⵜ (ⴰⵏⴻⵖⵍⴰⴼ)
ⴵⵉⴵⴻⵍ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ-ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⴵⵉⴵⴻⵍ, ⴷⴰⴽⴽⴻⵏ ⴰⵙⴻⴳⴳⴰⵙ ⵏ 2017 ⴰⴷ ⵢⵉⵍⵉ ⴷ ⵡⵉⵏ ⵏ ⵓⵇⴻⵢⵢⴻⵎ ⵏ ⵢⵉⵙⴻⵏⴼⴰⵔⴻⵏ ⵏ ⵡⴻⵙⵏⴻⴼⵍⵉ ⵡⴻⵙⵏⴻⴼⵍⵉ ⵢⴻⵏⵏⵓⵎⵎⴷⴻⵏ (ⵜⴰⵏⵎⵉⵢⴰ ⵎⵓⴷⵎⴰⴵⴰ) ⵏ ⵜⵎⵓⵔⵜ ⴰⵢ ⴷ-ⵉⵃⵓⵣⴰⵏ 11.000 ⵏ ⵢⵉⵎⴻⵙⴼⴰⵢⴷⵉⵢⴻⵏ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.
ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴰⵢⴰ ⴷⴻⴳ ⵜⴳⴰⵔⴰ ⵏ ⵢⵉⵡⴻⵏ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵉ « ⵓⵜⵜⴻⴽⴽⵉ ⵏ ⵜⵥⴻⴳⵡⴰ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ », ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵏ ⵜⵥⴻⴳⵡⴰ ⵏ ⴽⵉⵙⵙⵉⵔ (ⴰⵜⴰⵔⴰⵎ ⵏ ⴵⵉⴵⴻⵍ) ⵢⴻⵔⵏⵓ ⵜⴻⵙⵙⵓⴷⴷⴻⵙ-ⵉⵜ ⵜⵎⴻⴳⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵥⴻⴳⵡⴰ (21 ⵎⴻⵖⵔⴻⵙ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⵙⴻⵏⴼⴰⵔⴻⵏ-ⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵇⴻⵢⵢⵎⴻⵏ ⴰⴽⴽⴻⵏ ⴰⴷ ⵥⵔⴻⵏ ⵍⴼⴰⵢⴷⴰ ⴰⵢ ⴷ-ⵡⵡⵉⵏ ⴷ ⵡⴰⵛⵓ ⴰⵢⴷⴻⴳ ⵅⵓⵚⵚⴻⵏ.
ⵢⵓⵎⴰⵔ (ⵢⴻⴼⵕⴻⵃ) ⵎⴰⵙⵙ ⴼⴻⵔⵔⵧⵓⴽⵀⵉ ⵉⵎⵉ ⴰⵢ ⴷ-ⵢⴻⵍⵍⴰ ⵡⴻⵎⵢⴰⴳⴻⵔ-ⴰ ⵖⴻⴼ ⵜⵥⴻⴳⵡⴰ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵥⴳⵉ ⵜⴻⵍⵍⴰ-ⴷ ⴷ ⵜⴰⵍⵍⵓⵏⵜ ⵉ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵔⵏⵓ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⴰⴷ ⴷ-ⵜⵜⴻⴽⴽⵉⵏⵜ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴰⴽⴽⴻⵏ ⴰⴷ ⴷ-ⵜⴻⵙⴼⴰⵢⴷⵉ ⵜⵎⵓⵔⵜ ⵙⴻⴳ ⵜⵥⴻⴳⵡⴰ-ⵏⵏⴻⵙ.
ⴰⵖⴻⵍⵍⴻⵜ ⵏ ⵜⵥⴻⴳⵡⴰ ⴷ ⴰⵢⴻⵏ ⵢⴻⵃⵡⴰⴵⴻⵏ ⵜⵜⴰⵡⵉⵍⴰⵜ ⵉ ⵍⵎⴻⵏⴷ ⵏ ⵓⵙⵙⵉⴷⴻⴼ ⵏ ⵜⴻⴷⵔⵉⵎⵜ ⴷ ⵡⴻⵙⵏⵓⵍⴼⵓ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵉⴱⴻⴷⵔⴻⵏ ⵉⴼⴻⵔⴽⵉ ⴷ ⵢⵉⵡⴻⵜ ⵙⴻⴳ ⵍⵖⴻⵍⵍⴰⵜ ⵜⵉⵎⴻⵇⵔⴰⵏⵉⵏ ⴰⵢ ⵍⴰ ⴷ-ⵢⴻⵜⵜⵡⴰⴽⴽⴰⵙⴻⵏ ⵙⴻⴳ ⵜⵥⴻⴳⵡⴰ ⵢⴻⵔⵏⵓ ⵢⴻⵜⵜⵏⵓⵣⵓ ⵓⵍⴰ ⴷⴻⴳ ⵍⴻⵙⵡⴰⵇ ⵉⴱⴻⵕⵕⴰⵏⵉⵢⴻⵏ.
ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⴳⴻⵎⵎⵉ (ⵜⵓⵔⴰⵜ) ⵜⴰⵥⴻⴳⵡⴰⵏⵜ ⵜⴰⴷⵣⴰⵢⵔⵉⵜ ⵢⴻⵙⵙⴻⴼⴽ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷⴻⴳ ⵡⴻⵙⵏⴻⴼⵍⵉ ⴰⴷⵓⵎⴰⵏ.
