ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⵡⵡⴻⵜ ⴷⵉ ⵜⵅⴰⵣⴰⴱⵉⵢⵉⵏ ⵏ ⴱⵔⵓⵅⴻⵍⵍⴻⵙ ⵖⴻⴼ ⵜⴻⵏⵏⴰ "ⴷ ⵔⵔⴻⴱⵔⴰⴱ ⴰⵡⴰⵃⵛⵉ "
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵍⴻⵣⵣⴰⵢⴻⵔ ⵜⴻⵡⵡⴻⵜ ⵙ "ⵍⴻⵇⵙⴻⵃ" ⵜⵉⵅⴰⵣⴰⴱⵉⵢⵉⵏ ⵢⴻⵡⵜⴻⵏ ⴰⵙⵙ ⵏ ⵜⵜⵍⴰⵜⴰ ⵜⴰⵙⴻⴱⵃⵉⵜ ⵜⴰⵎⴰⵏⴰⵖⵜ ⵜⴰⴱⵉⵍⵊⵉⴽⵉⵜ, ⴱⵔⵓⵅⴻⵍⵍⴻⵙ, ⵖⴻⴼ ⵜⴻⵏⵏⴰ ⴱⴻⵍⵍⵉ "ⴷ ⵜⵉⵅⴰⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵜⵉⵡⴰⵃⵛⵉⵢⵉⵏ", ⵉⴷ-ⵉⵡⴻⴽⴽⴻⴷ ⵢⵉⵡⴻⵏ ⵏ ⵡⵓⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ.
"ⵜⵉⵅⴰⵣⴰⴱⵉⵢⵉⵏ ⵢⴻⵡⵜⴻⵏ, ⵜⴰⵙⴻⴱⵃⵉⵜ-ⴰⴳⵉ, ⵜⴰⵎⴰⵏⴰⵖⵜ ⵜⴰⴱⵉⵍⵊⵓⴽⵉⵜ ⴱⵔⵓⵅⴻⵍⵍⴻⵙ ⴷ ⵜⵉⵅⴰⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵜⵉⵡⴰⵃⵛⵉⵢⵉⵏ ⴷⴻⴳ ⴰⵔⴰ ⵜⴻⵡⵡⴻⵜ ⵍⴻⵣⵣⴰⵢⴻⵔ ⵙ ⵍⴻⵇⵙⴰⵃ",ⵉⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰⴳⵉ.
"ⵜⵉⵢⵉⵜⴰ-ⵢⴰⴳⵉ ⵜⴻⵜⵜⴱⴻⴳⴳⵉⵏ-ⴷ ⵜⵉⴽⴽⴻⵍⵜ-ⵏⵏⵉⴹⴻⵏ, ⵓⴷⴻⵎ ⴰⵡⴰⵃⵛⵉ ⵏ ⵔⵔⴻⴱⵔⴰⴱ ⴰⴷⴻⵔⵖⴰⵍ ⵢⴻⵞⵞⵓⵕⴻⵏ ⴷ ⴽⴰⵕⵓⵀ ⵓⵔ ⵏⴻⵙⵄⵉ ⴰⵎⴷⵢⴰ ⴷⵉ ⵜⴰⵍⵙⴰ",ⵉⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ.
"ⵍⴻⵣⵣⴰⵢⴻⵔ, ⵜⴱⴻⴷⴷ ⵖⴻⵔ ⵢⵉⴷⵉⵙ ⵏ ⵜⴳⴻⵍⴷⴰ ⵜⴰⴱⵉⵍⵊⵉⴽⵉⵜ ⴰⴽⴽ ⴷ ⵡⴻⵖⵕⴻⴼ ⴰⴱⵉⵍⵊⵉⴽⵉ, ⴰⴷ ⵜⴻⵏ- ⵉⵄⴻⵣⵣⵉ ⴰⵎ ⵡⴰⴽⴽⴻⵏ ⴰⴷ ⵏⵄⴻⵣⵣⵉ ⵜⵉⵡⴰⵛⵓⵍⵉⵏ ⴷ ⵢⵉⵎⴰⵡⵍⴰⵏ ⵏ ⵡⵉⴷ ⵢⴻⵜⵜⴻⵡⵜⴻⵏ ⴰⵎ ⵡⴰⴽⴽⴻⵏ ⴰⵔⴰ ⴷ-ⵏⴰⵍⴻⵙ ⵉ ⵢⵉⴱⴻⴷⴷⵉ-ⵏⵏⴻⵖ ⵎⴳⴰⵍ ⵔⵔⴻⴱⵔⴰⴱ ⴷ ⵡⴻⵡⵊⴰⴷ-ⵏⵏⴻⵖ ⵉ ⵡⴻⵎⵄⴰⵡⴻⵏ ⴰⴳⴻⵔⴰⵖⵍⴰⵏ ⴰⴽⴽⴻⵏ ⴰⴷ ⵜ-ⵏⴻⵙⴼⴻⴹ ⵙⴻⴳ ⵡⵥⴰⵕ",ⵉ ⵜⴻⵏⵏⴰ ⵜⴻⵖⴱⴰⵍⵓⵜ-ⴰⴳⵉ .
