Asebter amenzawi

Assebded n yinegmi aɣelnaw i ussefqed n wučči n leḥlal (Bouchouareb)

LEZZAYER TAMANEɣT– Yenna-d uneɣlaf n temguri (ṣinaɛa), Abdesselam Bouchouareb, ass n letniyen, dakken ad d-yettwassebded yinegmi (maxbar) i ussefqed n wučči n « leḥlal ».

Mass Bouchouareb ixebber-d s waya mi d-yerra i tuttriwin n yimazanen (nuwwab) deg wayen yerzan assefqed n wučči n « leḥlal » deffir ma yettwaqeddem-d usenfar n lqanun n ussagnu deg Wegraw Aɣerfan Aɣelnaw. Nnig waya, yenna-d Mass Bouchouareb dakken iḥezziben imaynuten n lqanun-a ssefrayen assuffeɣ n tsentut tatwilant (waraqa tiqniyya) i wučči n leḥlal.

Seg yidis niḍen, yenna-d uneɣlaf dakken inegmi-a ad d-yawi ttesriḥ-nnes sɣur Wudus Adzayri n Uwekkel (ALGERAC) yernu yenna-d dakken, deg tazwara, inegmi-a ad d-yelhu s ussefqed n wučči, sakkin, ad d-yelhu ula s ussefqed n yifarisen niḍen am tnegwa n ucebbeḥ.