ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵥⴰⵎ ⵏ ⵜⴻⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ « ⵜⴻⴼⵙⵓⵜ ⵜⴰⴷⴻⵍⵙⴰⵏⵜ »

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵜⵜⵡⴰⵔⵥⴻⵎ ⵜⴻⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ « ⵜⴻⴼⵙⵓⵜ ⵜⴰⴷⴻⵍⵙⴰⵏⵜ » ⵙ ⵓⵙⴻⵏⵜⴻⵍ ⵏ « ⴰⵣⵔⴻⴼ ⵉ ⵢⴻⴷⵍⴻⵙ ⴷ ⵡⴻⵙⵏⵓⵍⴼⵓ » ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵢⴻⵔⵏⵓ ⵜⴻⵍⵍⴰ-ⴷ ⴷ ⵜⴰⵊⵎⵉⵍⵜ ⵉ ⵡⴰⴳⴳⴰⴳ ⴰⴷⵣⴰⵢⵔⵉ ⵜⴰⵀⴰⵔ ⴱⴻⵏ ⴰⵉⵛⵀⴰ (1925-2016).

ⵜⴰⴼⵓⴳⵍⴰ (ⵃⴰⴼⵍ) ⵏ ⵡⴻⵔⵥⴰⵎ ⵜⴻⵍⵍⴰ-ⴷ ⴷⴻⴳ ⵡⴻⵎⵕⴰⵃ ⵏ ⵔⵉⴰⴷⵀ ⴻⵍ ⴼⴻⵜⵀ ⵢⴻⵔⵏⵓ ⵢⴻⵔⵥⴻⵎ ⴷⴻⴳ-ⵙ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⴻⴷⴷⵉⵏⴻ ⵎⵉⵀⵧⵓⴱⵉ, ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵢⴻⴷⵍⵉⵙⴻⵏ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ), ⵎⵧⵀⴰⵎⴻⴷ ⵎⴻⴱⴰⵔⴽⵉ, ⴷ ⵡⵉⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ.

ⵓⴳⴰⵔ ⵏ 50 ⵏ ⵢⵉⵎⴰⵥⵔⴰⴳⴻⵏ (ⵏⴰⵛⵉⵔⵉⵏ) ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴷⵢⴰⵏⵜ-ⴰ ⵜⴰⴷⴻⵍⵙⴰⵏⵜ ⴰⵢⴷⴻⴳ ⴷ-ⵔⵙⴻⵏ ⴰⵎⴰ ⴷ ⵉⴷⵍⵉⵙⴻⵏ ⵏ ⵜⵙⴻⴽⵍⴰ, ⴰⵎⴰ ⴷ ⵉⴷⵍⵉⵙⴻⵏ ⵉ ⵢⵉⴳⴻⵔⴷⴰⵏ.

ⴰⴷ ⴷ-ⵉⵍⵉⵏⵜ ⴷⴰⵖ ⵙⵙⴻⵀⵕⴰⵜ ⵏ ⵜⵎⴻⴷⵢⴻⵣⵜ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴰⵎⴰ ⴷ ⵉⵎⴻⴷⵢⴰⵣⴻⵏ ⵉⴷⵣⴰⵢⵔⵉⵢⴻⵏ, ⴰⵎⴰ ⴷ ⵉⴱⴻⵕⵕⴰⵏⵉⵢⴻⵏ.

ⴰⴷ ⴷ-ⵉⵍⵉⵏ ⴷⴰⵖ ⵢⵉⵙⴰⵔⴰⴳⴻⵏ ⴰⵢⵖⴻⴼ ⴰⴷ ⴷ-ⵙⵙⵉⵡⵍⴻⵏ ⵖⴻⴼ ⵜⵎⴻⴷⵢⴻⵣⵜ, ⵓⵏⴳⴰⵍ ⴷⴻⴳ ⵍⴻⵣⵣⴰⵢⴻⵔ ⴷ ⵜⵙⴻⴽⵍⴰ ⵜⴰⵎⴰⵣⵉⵖⵜ.

ⴽⵔⴰ ⵙⴻⴳ ⵢⵉⵙⴰⵔⴰⴳⴻⵏ-ⴰ ⴰⴷ ⴷ-ⵉⵍⵉⵏ ⴷⴰⵖ ⴰⵢⴷⴻⴳ ⵡⴰⵙⵙⵉⵏⵉ ⵍⴰⴰⵔⴻⴷⵊ, ⴰⵎⵉⵏⴻ ⵣⴰⵧⵓⵉ ⴷ ⵔⴰⴱⵉⴰ ⴷⵊⴻⵍⵜⵉ ⴰⴷ ⴷ-ⵇⴻⴷⴷⵎⴻⵏ ⵉⴷⵍⵉⵙⴻⵏ-ⵏⵙⴻⵏ ⵉⵏⴻⴳⴳⵓⵔⴰ.

ⴰⵙⵙ ⵏ 24 ⵎⴻⵖⵔⴻⵙ ⴰⴷ ⴷ-ⵢⵉⵍⵉ ⴷ ⴰⵙⵙ ⵏ ⵓⵎⴻⵣⴳⵓⵏ ⴰⵢⴷⴻⴳ ⴰⴷ ⴷ-ⵇⴻⴷⴷⵎⴻⵏ ⵜⴰⵎⴻⵣⴳⵓⵏⵜ ⵏ « ⵍⵍⴰⵚ » ⴰⵢ ⴷ-ⵢⴻⵜⵜⵡⴰⴳⵎⴻⵏ ⵙⴻⴳ ⵡⴻⴷⵍⵉⵙ ⵏ ⵜⴰⵀⴰⵔ ⵧⵓⴰⵜⵜⵔ ⵢⴻⵔⵏⵓ ⵢⵓⵔⴰⵔ-ⵉⵜⵜ-ⵉⴷ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵙⵓⵇ ⴰⵀⵕⴰⵙ.

ⵜⴰⴷⵢⴰⵏⵜ-ⴰ ⵉⴳⴰ-ⵜⵜ ⵡⴻⵏⵎⴰⵍⵓ ⴰⵖⴻⵍⵏⴰⵡ ⵏ ⵢⵉⵎⴰⵥⵔⴰⴳⴻⵏ ⵙ ⵡⴻⵎⵄⴰⵡⴻⵏ ⴷ ⵓⴷⵉⵡⴰⵏ ⵏ ⵔⵉⴰⴷⵀ ⴻⵍ ⴼⴻⵜⵀ ⵢⴻⵔⵏⵓ ⴰⴷ ⵜⴽⴻⵎⵎⴻⵍ ⴰⵔⵎⴰ ⴷ 26 ⵎⴻⵖⵔⴻⵙ.