ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⵔⴰⵏ ⵏ ⵢⵉⵙⵓⵔⴰ ⵏ « ⴰⵀⵎⴻⴷ ⴱⴻⵢ » ⴷ « ⴱⴻⵏ ⴱⴰⴷⵉⵙ » ⵓⵇⴱⴻⵍ ⵡⴻⵅⵜⴰⵎ ⵏ ⵇⵙⴻⵏⵟⵉⵏⴰ « ⵜⴰⵎⴰⵏⴻⵖⵜ ⵜⴰⵄⵕⴰⴱⵜ »

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⴱⴷⴰ-ⴷ ⵡⴻⴱⵔⴰⵏ ⵏ ⵢⵉⵙⵓⵔⴰ ⵉⵖⴻⵣⴼⴰⵏⴻⵏ ⵏ « ⵃⵎⴻⴷ ⴱⴰⵢ » ⴷ « ⴱⴻⵏ ⴱⴰⴷⵉⵙ », ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵓⵇⴱⴻⵍ ⵡⴻⵅⵜⴰⵎ ⵏ ⵜⴻⴷⵢⴰⵏⵜ ⵏ ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ 2915. ⴰⵙⴰⵔⵓ ⵏ « ⵃⵎⴻⴷ ⴱⴰⵢ » ⴷ ⵢⴰⵀⵉⴰ ⵎⵧⵓⵣⴰⵀⴻⵎ ⴰⵢ ⴷ ⵉⵎⵙⴻⴹⵔⵓ-ⵏⵏⴻⵙ, ⵎⴰ ⴷ « ⴱⴻⵏ ⴱⴰⴷⵉⵙ » ⴰⴷ ⵜ-ⵉⴷ-ⵢⴻⴳ ⵢⴻⵎⵙⴻⴹⵔⵓ ⴰⵙⵓⵔⵉ ⴱⴰⵙⵙⵉⵍ ⴰⵍ ⴽⵀⴰⵜⵉⴱ.

ⵙⵉⵏ-ⴰ ⵏ ⵢⵉⵙⵓⵔⴰ ⴰⴷ ⴷ-ⵜⵜⵡⴰⵙⵙⴻⴹⵔⵓⵏ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 ». ⵡⵉⵏ ⵏ ⵢⴰⵀⵉⴰ ⵎⵧⵓⵣⴰⵀⴻⵎ ⴰⴷ ⴷ-ⵢⴻⵙⵙⴽⴻⵏ ⵉⵎⴻⵏⵖⵉ ⵏ ⵃⵎⴻⴷ ⴱⴰⵢ ⵎⴳⴰⵍ ⵜⵓⴹⴹⴼⴰ ⵜⴰⴼⵕⴻⵏⵙⵉⵙⵜ ⴷⴻⴳ ⵇⵙⴻⵏⵟⵉⵏⴰ, ⵢⴻⵔⵏⵓ ⴷ ⵙⴰⵉⴷ ⴱⵧⵓⵍⵎⴻⵔⴽⴰ ⴰⵢ ⴰⵙ-ⴷ-ⵢⵓⵔⴰⵏ ⴰⵙⵉⵏⴰⵕⵢⵓ.

ⵎⴰ ⴷ ⴰⵙⴰⵔⵓ ⵏ « ⴱⴻⵏ ⴱⴰⴷⵉⵙ », ⴷ ⵔⴰⴱⴰⵀ ⴷⵔⵉⴼ ⴰⵢ ⴰⵙ-ⴷ-ⵢⵓⵔⴰⵏ ⴰⵙⵉⵏⴰⵕⵢⵓ ⴰⵢⴷⴻⴳ ⴰⵢ ⴷ-ⵢⴻⵃⴽⴰ ⵜⴰⵎⴻⴷⴷⵓⵔⵜ ⵏ ⵓⵎⴰⵙⵙⴰⵏ-ⴰ ⵎⴻⵛⵀⵓⵕⴻⵏ ⵏ ⵜⴻⵎⴷⵉⵏⵜ ⵏ ⵇⵙⴻⵏⵟⵉⵏⴰ (1889-1940) ⵢⴻⵔⵏⵓ ⴰⴷ ⴷ-ⵢⴻⵙⵙⴻⴷⴷⵓ ⴷⴻⴳ-ⵙ ⴷⴰⵖ ⴰⵙⵙⵉⴽⴻⵍ ⵏ ⵓⵎⴰⵙⵙⴰⵏ-ⴰ ⵖⴻⵔ ⵜⵎⵓⵔⴰ ⵏ ⵡⴻⵣⵖⴰⵔ.

ⵜⴰⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ 2015 » ⴰⴷ ⵜⴼⴰⴽ ⴰⵙⵙ ⵏ 16 ⵢⴻⴱⵔⵉⵔ, ⵢⴻⵔⵏⵓ ⵙⴻⴳ-ⴰ ⴰⵔ ⵉⵎⵉⵔ-ⵏⵏⵉ, ⵢⴻⵍⵍⴰ ⵡⴰⵀⵉⵍ ⴷ ⴰⵏⴻⵙⴱⴰⵖⵓⵔ ⴰⵢⴷⴻⴳ ⴰⴷ ⴷ-ⵜⵉⵍⵉ ⵢⵉⵡⴻⵜ ⵏ ⵙⵙⴻⵀⵕⴰ ⵜⴰⵎⵖⴰⵔⴱⵉⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵉⵀⵧⵓⴱⵉ ⴷⴻⴳ ⵢⵉⵊⵉⴼⴻⵕ ⵏ ⵜⴻⴷⵢⴰⵏⵜ ⵏ « ⵜⴻⴼⵙⵓⵜ ⵜⴰⴷⴻⵍⵙⴰⵏⵜ » ⴰⵢ ⴷ-ⵢⴻⴱⴷⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

« ⴷⴷⵓⵕⵜ ⵜⴰⴷⴻⵍⵙⴰⵏⵜ ⵏ ⵇⵙⴻⵏⵟⵉⵏⴰ » ⴰⴷ ⴷ-ⵜⵉⵍⵉ ⴷⴻⴳ-ⵙ ⵜⵙⴻⵀⵕⴰ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ ⴰⵙⵙ ⵏ 19 ⵢⴻⴱⵔⵉⵔ, ⴷ ⵜⵉⵏ ⴰⵢⴷⴻⴳ ⴰⴷ ⵙⵄⴻⴷⴷⵉⵏ ⴰⵙⴰⴼⵓ ⵏ ⵜⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ ⵉ ⵜⴻⵎⴷⵉⵏⵜ ⵏ ⵙⴼⴰⵇⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴰⴷ ⴷ-ⵜⵉⵍⵉ ⴷⴰⵖ ⵜⴻⴷⵢⴰⵏⵜ ⵜⴰⴷⴻⵍⵙⴰⵏⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵜⴻⵣⵡⴰⵔⴰ ⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴷ ⵜⵉⵏ ⴰⵢⴷⴻⴳ ⴰⴷ ⴷ-ⵇⴻⴷⴷⵎⴻⵏ ⴰⴳⵣⵓⵍ ⵏ ⵜⴼⵓⴳⵍⵉⵡⵉⵏ ⵜⵉⴷⴻⵍⵙⴰⵏⵉⵏ ⵜⵉⵎⴻⵇⵔⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 ».