Asebter amenzawi

Abran n yisura n « Ahmed Bey » d « Ben Badis » uqbel wextam n Qsenṭina « tamaneɣt taɛṛabt »

LEZZAYER TAMANEɣT– Yenna-d uneɣlaf n yedles, Azzedine Mihoubi, ass n letniyen deg Lezzayer Tamaneɣt, dakken yebda-d webran n yisura iɣezfanen n « Ḥmed Bay » d « Ben Badis », yernu yella-d waya uqbel wextam n tedyant n Qsenṭina, tamaneɣt n yedles aɛṛab 2915. Asaru n « Ḥmed Bay » d Yahia Mouzahem ay d imseḍru-nnes, ma d « Ben Badis » ad t-id-yeg yemseḍru asuri Bassil Al Khatib.

Sin-a n yisura ad d-ttwasseḍrun deg ukatar n tedyant n « Qsenṭina, tamaneɣt n yedles aɛṛab n 2015 ». Win n Yahia Mouzahem ad d-yessken imenɣi n Ḥmed Bay mgal tuḍḍfa tafṛensist deg Qsenṭina, yernu d Said Boulmerka ay as-d-yuran asinaṛyu.

Ma d asaru n « Ben Badis », d Rabah Drif ay as-d-yuran asinaṛyu aydeg ay d-yeḥka tameddurt n umassan-a mechuṛen n temdint n Qsenṭina (1889-1940) yernu ad d-yesseddu deg-s daɣ assikel n umassan-a ɣer tmura n wezɣar.

Tadyant n « Qsenṭina, tamaneɣt n yedles aɛṛab 2015 » ad tfak ass n 16 Yebrir, yernu seg-a ar imir-nni, yella wahil d anesbaɣur aydeg ad d-tili yiwet n ssehṛa tamɣarbit ɣef wakken ay d-yenna Mass Mihoubi deg yijifeṛ n tedyant n « Tefsut Tadelsant » ay d-yebdan deg Lezzayer Tamaneɣt.

« Dduṛt tadelsant n Qsenṭina » ad d-tili deg-s tsehṛa tadzayrit-tatunsit ass n 19 Yebrir, d tin aydeg ad sɛeddin asafu n tmaneɣt n yedles aɛṛab n i temdint n Sfaqs, ɣef wakken ay d-yenna uneɣlaf.

Ad d-tili daɣ tedyant tadelsant deg Lezzayer Tamaneɣt deg tezwara n dduṛt ay d-yetteddun, d tin aydeg ad d-qeddmen agzul n tfugliwin tidelsanin timeqranin ay d-yellan deg tedyant n « Qsenṭina tamaneɣt n yedles aɛṛab n 2015 ».