ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷⴷⵓⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵣⴰⵔⵓⴳ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵢⴻⵙⵙⴻⵔⴼⴰ ⵎⴻⵕⵕⵓⴽ (ⵧⵓⵍⴷ ⵙⴰⵍⴻⴽ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵎⵧⵀⴰⵎⴻⴷ ⵙⴰⵍⴻⵎ ⵧⵓⵍⴷ ⵙⴰⵍⴻⴽ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⴰⵢⴻⵏ ⴰⵢ ⵢⴻⵙⵙⴻⵔⴼⴰⵏ ⵎⴻⵕⵕⵓⴽ ⵢⴻⵔⵏⵓ ⵢⴻⴵⴵⴰ-ⵜⵜ ⴰⴷ ⴷ-ⵜⴻⴱⴷⵓ ⵜⴰⵃⴻⵎⵍⴰ ⴷ « ⵜⴰⵡⴻⵃⵛⵉⵜ ».
ⵎⴰⵙⵙ ⵧⵓⵍⴷ ⵙⴰⵍⴻⴽ ⵢⴻⵏⵏⴰ-ⴷ ⴰⵢⴰ ⴷⴻⴳ ⵡⴻⵏⵎⴰⴳⴻⵔ ⵏ ⵡⴻⵖⵎⵉⵙ ⴰⵢⴰⵍⵍⴰⵙ ⵏ « ⴻⵛⵀⴰⴰⴱ », ⵢⴻⵔⵏⵓ ⵢⴻⵔⵏⴰ-ⴷ ⴷⴰⴽⴽⴻⵏ « ⴰⵛⵃⴰⵏ-ⴰ ⵢⴻⵙⵙⴽⴰⵏⴰⵢ-ⴷ ⵜⴰⵖⴻⵔⵜ ⵏ ⵢⵉⵖⴻⴼ » ⵏ ⵎⴻⵕⵕⵓⴽ ⴰⵢ ⵢⴻⵣⵣⵉⵏ ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ. ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵧⵓⵍⴷ ⵙⴰⵍⴻⴽ ⴷⴰⴽⴽⴻⵏ ⴰⵢⴰ ⴷ ⵜⵜⴱⵓⵜ ⴷⴰⴽⴽⴻⵏ ⵜⴻⵅⵚⴻⵔ ⵎⴻⵕⵕⵓⴽ ⴷⴻⴳ ⵍⴻⵃⵙⴰⴱⴰⵜ-ⵏⵏⴻⵙ ⴰⵎ ⵡⴰⴽⴽⴻⵏ ⴰⵢ ⴷ-ⵜⵓⴼⴰ ⵉⵎⴰⵏ-ⵏⵏⴻⵙ ⵜⴻⵜⵜⵡⴰⵄⵣⴻⵍ.
ⵢⴻⵙⵜⴻⵕⵃⴻⴱ ⵢⴻⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ ⵙ ⵡⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴰⵎⴰ ⵉⴹⴻⵍⵍⵉ, ⴰⵎⴰ ⴰⵙⵙ-ⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵣⵔⴻⴼ ⵏ ⵢⵉⵖⴻⵔⴼⴰⵏ ⴰⵢ ⵍⴰ ⵢⴻⴽⴽⴰⵜⴻⵏ ⵖⴻⴼ ⵜⵍⴻⵍⵍⵉ-ⵏⵙⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵇⵓⵔⴻⵏ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵖⴻⵔ ⵡⴻⵏⵀⵉⵍ (ⵏⵉⴹⴰⵎ) ⵏ ⴰⵒⴰⵔⵜⵀⴻⵉⴷ ⵢⴻⵍⵍⴰⵏ, ⵣⵉⴽ, ⴷⴻⴳ ⵜⴻⴼⵔⵉⵇⵜ ⵏ ⵡⴻⵏⵥⵓⵍ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵏⵀⵉⵍ ⵏ ⴰⵒⴰⵔⵜⵀⴻⵉⴷ ⵢⴻⵍⵍⴰ ⵢⴻⵜⵜⵡⴰⵍⵉ ⴰⵙⵡⵉⵔ ⴰⵖⴻⵍⵏⴰⵡ ⴰⴼⵔⵉⵇⵉ ⴷ ⴰⵎⵓⵙⵙⵓ ⴰⵔⴻⴱⵔⴰⴱ, ⵎⴰ ⴷ ⵜⵉⵎⵓⵔⴰ ⴰⵢ ⵢⴻⵜⵜⵄⴰⵡⴰⵏⴻⵏ ⴰⵙⵡⵉⵔ-ⴰ, ⵢⴻⵍⵍⴰ ⵢⴻⵜⵜⵡⴰⵍⵉ-ⵜⴻⵏⵜ ⵜⵄⴻⴷⴷⴰⵏⵜ ⵖⴻⴼ « ⵜⵓⵎⵎⴷⴰ ⵏ ⵡⴰⴽⴰⵍ ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ ».
ⵎⴻⵕⵕⵓⴽ ⵓⵔ ⵜⴻⵙⵜⴻⵄⵕⴻⴼ ⵙ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⵎⴰⵛⴰ ⵏⵏⵉⴳ ⵡⴰⵢⴰ, ⵜⴻⵣⴳⴰ ⵜⴻⵜⵜⵀⴰⵎⴰⵢ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵢⴻⵍⵍⴰⵏ ⴷ ⴰⴳⴻⵏⵙⴰⵙ (ⵎⵓⵍⴰⵜⵜⵉⵍ) ⴰⵡⵃⵉⴷ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰⵙⵙ ⵧⵓⵍⴷ ⵙⴰⵍⴻⴽ ⵉⵡⴻⵜ-ⴷ ⴷⴰⵖ ⴷⴻⴳ ⵎⴻⵕⵕⵓⴽ ⵉⵎⵉ « ⴰⵢ ⵜⴳⴰ ⵉⴼⴰⴷⴷⴻⵏ ⵉ ⵢⵉⵎⵉⵏⵉⴳⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⴽⴽⴻⵏ ⴰⴷ ⴷ-ⴰⵙⴻⵏ ⵖⴻⵔ ⵜⴻⵎⵏⴰⴹⵜ-ⴰ, ⵢⴻⵔⵏⵓ ⵜⴻⵙⵙⴻⵖⵔⴻⵙ-ⴷ ⴰⵃⴻⵎⵎⴰⵍ ⵏ ⵜⴻⵀⵢⵓⴼⵉⵏ ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ ».
