ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵜⵜⵀⴻⵎ ⵎⴻⵕⵕⵓⴽ ⵙ ⵡⴻⵔⴽⴰⴹ ⵏ ⵡⴻⵔⴽⴰⵡⴰⵍ ⵏ ⵢⴻⵖⵍⴰⵏⴻⵏ
ⵡⴰⵛⵉⵏⵜⵏ – ⵜⴻⵜⵜⵀⴻⵎ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵙⵙ ⵏ ⵍⴻⵜⵏⵉⵢⴻⵏ, ⵎⴻⵕⵕⵓⴽ ⵙ « ⵡⴻⵔⴽⴰⴹ ⵏ ⵡⴻⵔⴽⴰⵡⴰⵍ (ⵎⵉⵜⴰⵇ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵢⴻⵔⵏⵓ ⵜⴳⴻⵔ-ⴷ ⵜⵉⵖⵔⵉ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵊⴽⴽⴻⵏ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉ ⵡⴻⵃⴱⴰⵙ ⵏ ⵜⵓⴼⴼⵖⵉⵡⵉⵏ ⵏ ⵡⴻⴱⵔⵉⴷ ⵏ ⵎⴻⵕⵕⵓⴽ.
ⵢⴻⵏⵏⴰ-ⴷ ⴼⴰⵔⵀⴰⵏ ⵀⴰⵇ, ⴰⵎⴰⵍⴰⵍ ⵏ ⵓⵎⵓⵜⵍⴰⵢ (ⵏⴰⵟⵉⵇ) ⵏ ⴱⴰⵏ ⴽⵉ-ⵎⵧⵧⵏ, ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ, ⴷⴰⴽⴽⴻⵏ ⵉⵎⵉ ⴰⵢ ⵜⴻⵥⵥⴻⵄ ⵎⴻⵕⵕⵓⴽ ⵉⵅⴻⴷⴷⴰⵎⴻⵏ ⵏ ⵎⵉⵏⵓⵔⵙⵧ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, « ⵜⴻⵔⴽⴻⴹ ⴰⵔⴽⴰⵡⴰⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⵎⴰⵙⵙ ⵀⴰⵇ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⵅⴻⴷⴷⴰⵎⴻⵏ ⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⴼⴼⵖⴻⵏ-ⴷ ⵙⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵙⴻⴳ ⴳⴰⵔ « 84 ⵏ ⵢⵉⵅⴻⴷⴷⴰⵎⴻⵏ ⵏ ⵎⵉⵏⵓⵔⵙⵧ ⴰⵢ ⵜⴻⵔⵣⴰ ⵜⴻⵎⵙⴰⵍⵜ… 72 ⴼⴼⵖⴻⵏ ⵙⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ, 11 ⵜⴼⵓⴽ ⵍⴻⵡⵚⴰⵢⴰ-ⵏⵙⴻⵏ, ⵎⴰ ⴷ ⵢⵉⵡⴻⵏ ⵙⴻⴳ ⵢⵉⵅⴻⴷⴷⴰⵎⴻⵏ-ⴰ ⵢⴻⵇⵇⵉⵎ ⴷⵉⵏ ⵉ ⵍⵎⴻⵏⴷ ⵏ ⵓⴷⴰⵡⵉ ».
ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵀⴰⵇ ⴷⴰⴽⴽⴻⵏ ⵎⴻⵕⵕⵓⴽ ⵜⵓⵎⴻⵕ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵎⴻⴷⵍⴻⵏ ⵜⴰⵏⴰⵔⵉⵜ-ⵏⵙⴻⵏ (ⵎⴰⴽⵜⴰⴱ) ⵜⴰⵙⴻⵔⴷⴰⵙⴰⵏⵜ ⴷⴻⴳ ⵜⴻⵎⴷⵉⵏⵜ ⵏ ⴷⴻⵅⵍⴰ.
ⵎⴰⵙⵙ ⵀⴰⵇ ⵉⵄⴻⵢⵢⴻⵏ-ⴷ ⴷⴰⴽⴽⴻⵏ ⴰⵢⴰ ⵢⴻⵣⵎⴻⵔ ⴰⴷ ⴷ-ⵢⴰⵡⵉ ⴰⵢⴻⵏ ⵏ ⴷⵉⵔⵉ ⵉ ⵎⴻⵕⵕⵓⴽ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⴻⵎⵎⴻⵔ ⵓⵔ ⵜⵜⵉⵍⵉⵏ ⵢⵉⵖⴰⵍⵍⴻⵏ ⵉⵎⴻⵍⵍⵉⵍⴻⵏ (ⴼⴰⵄⵄⴰⵍⴰ) ⵉ ⵡⴻⵃⵔⴰⵣ ⵏ ⵜⴰⵍⵡⵉⵜ, ⵢⴻⵣⵎⴻⵔ ⴰⴷ ⵢⴻⵔⵏⵓ ⵛⵛⵡⴰⵍ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.
ⴰⴽⴽ ⵉⵅⴻⴷⴷⴰⵎⴻⵏ ⵉⵖⴰⵔⵉⵎⴻⵏ ⴷ ⵢⵉⵙⴻⵔⵜⴰⵏⴻⵏ ⵏ ⵎⵉⵏⵓⵔⵙⵧ ⴼⴼⵖⴻⵏ ⵙⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⴰⵍⴰ ⴽⵉⵎ ⴱⵧⵍⴷⵓⵛ, ⵜⴰⴳⴻⵏⵙⴰⵙⵜ ⵜⵓⵣⵣⵉⴳⵜ ⵏ ⵓⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⵓ ⴷ ⵜⵉⵖⴻⴼⵜ ⵏ ⵎⵉⵏⵓⵔⵙⵧ, ⴷ ⵢⵉⵡⴻⵏ ⵏ ⵓⵅⴻⴷⴷⴰⵎ ⵢⵉⴹⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
