Asebter amenzawi

Ahil n tsuta tis 2 : Asnefli n yiketturen n weɛqal, n ulmad akked tid n tesleḍt n ubalmud

LEZZAYER TAMANEɣT – Mmezgen-d yimsensegmiyen sakin nnan-d dakken ahilen isensegmanen n tsuta tis snat, yersen ɣef usnefli n yiketturen n weɛqal, n ulmad akked tid n tesleḍt akked usegmi n ubalmud d anemgal n wahilen-a yellan tura yebnan ɣef ulmad s uskatu, ass n ttlata deg Lezzayer.

Aselway n tesqamut taɣelnawt n wahilen deg uɣlif n Usegmi aɣelnaw, Farid Adel, yenna-d deg yiwet n tseɣrut i Tnegga dakken ahilen-a n tsuta tis snat, ara nesseddu deg unekcum aɣurbiz (2016-2017), ‘’iswi-s d asnefli n n yiketturen n weɛqal, n ulmad akked tid n tesleḍt akked usegmi n ubalmud aya d anemgal n wahilen yellan tura yebnan ɣef ulmad s uskatu’’.

Iswi yersen deg nnican n wahilen-a d aseɣnew ucri deg tneɣrit, s umahil n tegrawin, akken ad nallel asnefli n tezmirin n ubalmud’’, i yerna yenna-d.