ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ ⵜⵙⵓⵜⴰ ⵜⵉⵙ 2 : ⴰⵙⵏⴻⴼⵍⵉ ⵏ ⵢⵉⴽⴻⵜⵜⵓⵔⴻⵏ ⵏ ⵡⴻⵄⵇⴰⵍ, ⵏ ⵓⵍⵎⴰⴷ ⴰⴽⴽⴻⴷ ⵜⵉⴷ ⵏ ⵜⴻⵙⵍⴻⴹⵜ ⵏ ⵓⴱⴰⵍⵎⵓⴷ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵎⴻⵣⴳⴻⵏ-ⴷ ⵢⵉⵎⵙⴻⵏⵙⴻⴳⵎⵉⵢⴻⵏ ⵙⴰⴽⵉⵏ ⵏⵏⴰⵏ-ⴷ ⴷⴰⴽⴽⴻⵏ ⴰⵀⵉⵍⴻⵏ ⵉⵙⴻⵏⵙⴻⴳⵎⴰⵏⴻⵏ ⵏ ⵜⵙⵓⵜⴰ ⵜⵉⵙ ⵙⵏⴰⵜ, ⵢⴻⵔⵙⴻⵏ ⵖⴻⴼ ⵓⵙⵏⴻⴼⵍⵉ ⵏ ⵢⵉⴽⴻⵜⵜⵓⵔⴻⵏ ⵏ ⵡⴻⵄⵇⴰⵍ, ⵏ ⵓⵍⵎⴰⴷ ⴰⴽⴽⴻⴷ ⵜⵉⴷ ⵏ ⵜⴻⵙⵍⴻⴹⵜ ⴰⴽⴽⴻⴷ ⵓⵙⴻⴳⵎⵉ ⵏ ⵓⴱⴰⵍⵎⵓⴷ ⴷ ⴰⵏⴻⵎⴳⴰⵍ ⵏ ⵡⴰⵀⵉⵍⴻⵏ-ⴰ ⵢⴻⵍⵍⴰⵏ ⵜⵓⵔⴰ ⵢⴻⴱⵏⴰⵏ ⵖⴻⴼ ⵓⵍⵎⴰⴷ ⵙ ⵓⵙⴽⴰⵜⵓ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ.

ⴰⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵡⴰⵀⵉⵍⴻⵏ ⴷⴻⴳ ⵓⵖⵍⵉⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⴼⴰⵔⵉⴷ ⴰⴷⴻⵍ, ⵢⴻⵏⵏⴰ-ⴷ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⴷⴰⴽⴽⴻⵏ ⴰⵀⵉⵍⴻⵏ-ⴰ ⵏ ⵜⵙⵓⵜⴰ ⵜⵉⵙ ⵙⵏⴰⵜ, ⴰⵔⴰ ⵏⴻⵙⵙⴻⴷⴷⵓ ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ (2016-2017), ‘’ⵉⵙⵡⵉ-ⵙ ⴷ ⴰⵙⵏⴻⴼⵍⵉ ⵏ ⵏ ⵢⵉⴽⴻⵜⵜⵓⵔⴻⵏ ⵏ ⵡⴻⵄⵇⴰⵍ, ⵏ ⵓⵍⵎⴰⴷ ⴰⴽⴽⴻⴷ ⵜⵉⴷ ⵏ ⵜⴻⵙⵍⴻⴹⵜ ⴰⴽⴽⴻⴷ ⵓⵙⴻⴳⵎⵉ ⵏ ⵓⴱⴰⵍⵎⵓⴷ ⴰⵢⴰ ⴷ ⴰⵏⴻⵎⴳⴰⵍ ⵏ ⵡⴰⵀⵉⵍⴻⵏ ⵢⴻⵍⵍⴰⵏ ⵜⵓⵔⴰ ⵢⴻⴱⵏⴰⵏ ⵖⴻⴼ ⵓⵍⵎⴰⴷ ⵙ ⵓⵙⴽⴰⵜⵓ’’.

ⵉⵙⵡⵉ ⵢⴻⵔⵙⴻⵏ ⴷⴻⴳ ⵏⵏⵉⵛⴰⵏ ⵏ ⵡⴰⵀⵉⵍⴻⵏ-ⴰ ⴷ ⴰⵙⴻⵖⵏⴻⵡ ⵓⵛⵔⵉ ⴷⴻⴳ ⵜⵏⴻⵖⵔⵉⵜ, ⵙ ⵓⵎⴰⵀⵉⵍ ⵏ ⵜⴻⴳⵔⴰⵡⵉⵏ, ⴰⴽⴽⴻⵏ ⴰⴷ ⵏⴰⵍⵍⴻⵍ ⴰⵙⵏⴻⴼⵍⵉ ⵏ ⵜⴻⵣⵎⵉⵔⵉⵏ ⵏ ⵓⴱⴰⵍⵎⵓⴷ’’, ⵉ ⵢⴻⵔⵏⴰ ⵢⴻⵏⵏⴰ-ⴷ.