Asebter amenzawi

Ulac amlellay ɣef tifrat tasertant i usseḥbes n taluft talibit ( Messahel)

TUNES- Iwekked-d uneɣlaf n tɣawsin timaɣrabiyin, n tdukli tafriqit akk d temɣunt taɛrabt, Mass Abdelkader Messahel, ass n Ttlata di Tunes, dakken ur yelli umlellay nniḍen i yzemren ad yawi adeg n tifrat tasertant ɣef acu i yqeddec umɣiwan agraɣlan, i wakken ad tekfu taluft di Libya. Deg wakud ideg d-iḥettet uneɣlaf ɣef akken tarusi di Ṭṛables, n unabaḍ i d-yessumer Useqqamu Aselwayan Alibi, d tifrat i yzemren i yiman-is kan ad teǧǧ tamurt ad d-tɛiwed ad d-tebded ɣef yiḍarren-is.

« Aya yeɛna asebded n tmurt i tikelt tamaynut, i yettraǧu uɣref alibi, di tegnit ideg yettidir taluft tadamsant akked d yir addaden n tmeddurt n wemdan, ladɣa imi yerna uswir n umihi n rrebrab di temnaḍt” i d-yenna Mass Messahel deg yiwet n tinawt i d-yefka deg temlilit tis 8 n tmura tijiratin n Libya.