Asebter amenzawi

Bedoui yesselwi timlilit tamezwarut n Usanay Aɣelnaw n Umeẓlu Anagdud

LEzZAYER TAMANEɣT- Yesselwi uneɣlaf n tɣawsiwin n daxel, Nouredine Bedoui, ass n ttlata deg Ldzayer Tamaneɣt, timlilit tamezwarut n Usanay (marṣad) Aɣelnaw n Umeẓlu Anagdud ay d-yettwasbedden ass n ssebt, ɣef wakken ay d-yenna yiwen n welɣu (bayan) n weɣlif.

Yessawel-d Mass Bedoui, deg temlilt-a, ɣef « uɣawas (muxaṭṭaṭ) n uxeddim n usanay-a d yeswan wuɣur yessefk ad yaweḍ », am wakken ay d-yenna dakken asanay-a d « taxelxalt yesɛan azal yernu yessefk ad tili gar uɣerman (muwaṭin) d tedbelt ».

Seg yidis niḍen, yenna-d dakken timlilit-a tella-d deg « ukatar n lewṣayat n uselway n tegduda i bedden n uxeddim n usanay-a d ussefɛel n uɣawas ad yekksen iɛewwiqen yernu ad as-d-yeg i uɣerman ayen yebɣa deg wakk timnaḍin n tmurt, ladɣa deg wayen yerzan iḥricen n llsas yerzan srid neɣ s webrid arusrid tameddurt n uɣerman ».

Aselway n Usanay Aɣelnaw n Umeẓlu Anagdud (maṣlaḥa ɛumumiyya) d aneɣlaf n tɣawsiwin n daxel, yernu ad ttekkin deg-s wudmawen iɣelnawen, igensasen (mumattilin) seg yeɣlifen niḍen, ufrinen d yigensasen n tiddukliwin.