ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⴷⵧⵓⵉ ⵢⴻⵙⵙⴻⵍⵡⵉ ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴰⵏⴰⵢ ⴰⵖⴻⵍⵏⴰⵡ ⵏ ⵓⵎⴻⵥⵍⵓ ⴰⵏⴰⴳⴷⵓⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴰⵏⴰⵢ (ⵎⴰⵔⵚⴰⴷ) ⴰⵖⴻⵍⵏⴰⵡ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⴰⵙⵙ ⵏ ⵙⵙⴻⴱⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ.
ⵢⴻⵙⵙⴰⵡⴻⵍ-ⴷ ⵎⴰⵙⵙ ⴱⴻⴷⵧⵓⵉ, ⴷⴻⴳ ⵜⴻⵎⵍⵉⵍⵜ-ⴰ, ⵖⴻⴼ « ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵅⴻⴷⴷⵉⵎ ⵏ ⵓⵙⴰⵏⴰⵢ-ⴰ ⴷ ⵢⴻⵙⵡⴰⵏ ⵡⵓⵖⵓⵔ ⵢⴻⵙⵙⴻⴼⴽ ⴰⴷ ⵢⴰⵡⴻⴹ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴰⵏⴰⵢ-ⴰ ⴷ « ⵜⴰⵅⴻⵍⵅⴰⵍⵜ ⵢⴻⵙⵄⴰⵏ ⴰⵣⴰⵍ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵜⵉⵍⵉ ⴳⴰⵔ ⵓⵖⴻⵔⵎⴰⵏ (ⵎⵓⵡⴰⵟⵉⵏ) ⴷ ⵜⴻⴷⴱⴻⵍⵜ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⴷⴻⴳ « ⵓⴽⴰⵜⴰⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⴱⴻⴷⴷⴻⵏ ⵏ ⵓⵅⴻⴷⴷⵉⵎ ⵏ ⵓⵙⴰⵏⴰⵢ-ⴰ ⴷ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⴰⴷ ⵢⴻⴽⴽⵙⴻⵏ ⵉⵄⴻⵡⵡⵉⵇⴻⵏ ⵢⴻⵔⵏⵓ ⴰⴷ ⴰⵙ-ⴷ-ⵢⴻⴳ ⵉ ⵓⵖⴻⵔⵎⴰⵏ ⴰⵢⴻⵏ ⵢⴻⴱⵖⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵃⵔⵉⵛⴻⵏ ⵏ ⵍⵍⵙⴰⵙ ⵢⴻⵔⵣⴰⵏ ⵙⵔⵉⴷ ⵏⴻⵖ ⵙ ⵡⴻⴱⵔⵉⴷ ⴰⵔⵓⵙⵔⵉⴷ ⵜⴰⵎⴻⴷⴷⵓⵔⵜ ⵏ ⵓⵖⴻⵔⵎⴰⵏ ».
ⴰⵙⴻⵍⵡⴰⵢ ⵏ ⵓⵙⴰⵏⴰⵢ ⴰⵖⴻⵍⵏⴰⵡ ⵏ ⵓⵎⴻⵥⵍⵓ ⴰⵏⴰⴳⴷⵓⴷ (ⵎⴰⵚⵍⴰⵃⴰ ⵄⵓⵎⵓⵎⵉⵢⵢⴰ) ⴷ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵢⴻⵔⵏⵓ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵡⵓⴷⵎⴰⵡⴻⵏ ⵉⵖⴻⵍⵏⴰⵡⴻⵏ, ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵙⴻⴳ ⵢⴻⵖⵍⵉⴼⴻⵏ ⵏⵉⴹⴻⵏ, ⵓⴼⵔⵉⵏⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⵉⴷⴷⵓⴽⵍⵉⵡⵉⵏ.
