Asebter amenzawi

Aselway n Useqqamu aselwayan alibi yemmuger Messahel deg Tunes

TUNES TAMANEɣT– Yemmuger uselway n Useqqamu Aselwayan n unabaḍ alibi n tdukli taɣelnawt, Faiz Esserradj, aneɣlaf adzayri n tɣawsiwin n wezɣar, Abdelkader Messahel, deg tgara n temlilit tis 8 n tmura tinaragin (ǧara) n Libya.

Deg wemyager-a, ssawlen ɣef yegmaḍ n temlilit tis 8 n tmura tinaragin n Libya, yernu ssawlen yemḍebbren-a ɣef weqbal n yegmaḍ-a, ladɣa deg wayen yerzan « abdad ɣer yidis n ukala (masar) asertan » i tifrat n taluft n Libya d ugiǧǧi n Useqqamu aselwayan ɣer Ṭrables ɣef zik lḥal.

Mass Esserradj yesnemmer aselway n tegduda, Abdelaziz Bouteflika, ɣef dduṛ-nnes deg tifrat tasertit d wemsuɣal aɣelnaw deg Libya, am wakken ay yerra tajmilt i webdad iǧehden n Ldzayer ɣer yidis n tdukli, tummda n wakal d tnaya (siyada) n Libya d wemsefham gar warraw n weɣref-nnes deg tegnit-a yemcubbaken.

Yessuter daɣ umasay-a (mas’ul) alibi seg Ldzayer « ad tebded i lmend n tmurt-nnes deg lebni n tsuda-nnes (mu’assasat) d uɛawen-nnes deg ukala n tukkit (intiqal) ».

« Ldzayer ad tkemmel abdad-nnes ɣer yidis n wemtawa (ittifaq) asertan alibi d ukala n Yeɣlanen Yeddukklen i tifrat n taluft ayseg tenḍerr Libya akken ad d-yuɣal ɣer-s werkad d tɣellist (amn) imi d aya ad yeffɣen ɣef yiɣerfan n temnaḍt », ɣef wakken ay d-iwekked Mass Messahel.