ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵍⵉⴱⵉ ⵢⴻⵎⵎⵓⴳⴻⵔ ⵎⴻⵙⵙⴰⵀⴻⵍ ⴷⴻⴳ ⵜⵓⵏⴻⵙ
ⵜⵓⵏⴻⵙ ⵜⴰⵎⴰⵏⴻⵖⵜ– ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⵏ ⵓⵏⴰⴱⴰⴹ ⴰⵍⵉⴱⵉ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⴼⴰⵉⵣ ⴻⵙⵙⴻⵔⵔⴰⴷⵊ, ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵜⵉⵙ 8 ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⴵⴰⵔⴰ) ⵏ ⵍⵉⴱⵢⴰ.
ⴷⴻⴳ ⵡⴻⵎⵢⴰⴳⴻⵔ-ⴰ, ⵙⵙⴰⵡⵍⴻⵏ ⵖⴻⴼ ⵢⴻⴳⵎⴰⴹ ⵏ ⵜⴻⵎⵍⵉⵍⵉⵜ ⵜⵉⵙ 8 ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵏ ⵍⵉⴱⵢⴰ, ⵢⴻⵔⵏⵓ ⵙⵙⴰⵡⵍⴻⵏ ⵢⴻⵎⴹⴻⴱⴱⵔⴻⵏ-ⴰ ⵖⴻⴼ ⵡⴻⵇⴱⴰⵍ ⵏ ⵢⴻⴳⵎⴰⴹ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ « ⴰⴱⴷⴰⴷ ⵖⴻⵔ ⵢⵉⴷⵉⵙ ⵏ ⵓⴽⴰⵍⴰ (ⵎⴰⵙⴰⵔ) ⴰⵙⴻⵔⵜⴰⵏ » ⵉ ⵜⵉⴼⵔⴰⵜ ⵏ ⵜⴰⵍⵓⴼⵜ ⵏ ⵍⵉⴱⵢⴰ ⴷ ⵓⴳⵉⴵⴵⵉ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⵖⴻⵔ ⵟⵔⴰⴱⵍⴻⵙ ⵖⴻⴼ ⵣⵉⴽ ⵍⵃⴰⵍ.
ⵎⴰⵙⵙ ⴻⵙⵙⴻⵔⵔⴰⴷⵊ ⵢⴻⵙⵏⴻⵎⵎⴻⵔ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⴼ ⴷⴷⵓⵕ-ⵏⵏⴻⵙ ⴷⴻⴳ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⴷⴻⴳ ⵍⵉⴱⵢⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵡⴻⴱⴷⴰⴷ ⵉⴵⴻⵀⴷⴻⵏ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ, ⵜⵓⵎⵎⴷⴰ ⵏ ⵡⴰⴽⴰⵍ ⴷ ⵜⵏⴰⵢⴰ (ⵙⵉⵢⴰⴷⴰ) ⵏ ⵍⵉⴱⵢⴰ ⴷ ⵡⴻⵎⵙⴻⴼⵀⴰⵎ ⴳⴰⵔ ⵡⴰⵔⵔⴰⵡ ⵏ ⵡⴻⵖⵔⴻⴼ-ⵏⵏⴻⵙ ⴷⴻⴳ ⵜⴻⴳⵏⵉⵜ-ⴰ ⵢⴻⵎⵛⵓⴱⴱⴰⴽⴻⵏ.
ⵢⴻⵙⵙⵓⵜⴻⵔ ⴷⴰⵖ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵍⵉⴱⵉ ⵙⴻⴳ ⵍⴷⵣⴰⵢⴻⵔ « ⴰⴷ ⵜⴻⴱⴷⴻⴷ ⵉ ⵍⵎⴻⵏⴷ ⵏ ⵜⵎⵓⵔⵜ-ⵏⵏⴻⵙ ⴷⴻⴳ ⵍⴻⴱⵏⵉ ⵏ ⵜⵙⵓⴷⴰ-ⵏⵏⴻⵙ (ⵎⵓ’ⴰⵙⵙⴰⵙⴰⵜ) ⴷ ⵓⵄⴰⵡⴻⵏ-ⵏⵏⴻⵙ ⴷⴻⴳ ⵓⴽⴰⵍⴰ ⵏ ⵜⵓⴽⴽⵉⵜ (ⵉⵏⵜⵉⵇⴰⵍ) ».
« ⵍⴷⵣⴰⵢⴻⵔ ⴰⴷ ⵜⴽⴻⵎⵎⴻⵍ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⴰⵏ ⴰⵍⵉⴱⵉ ⴷ ⵓⴽⴰⵍⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵉⴼⵔⴰⵜ ⵏ ⵜⴰⵍⵓⴼⵜ ⴰⵢⵙⴻⴳ ⵜⴻⵏⴹⴻⵔⵔ ⵍⵉⴱⵢⴰ ⴰⴽⴽⴻⵏ ⴰⴷ ⴷ-ⵢⵓⵖⴰⵍ ⵖⴻⵔ-ⵙ ⵡⴻⵔⴽⴰⴷ ⴷ ⵜⵖⴻⵍⵍⵉⵙⵜ (ⴰⵎⵏ) ⵉⵎⵉ ⴷ ⴰⵢⴰ ⴰⴷ ⵢⴻⴼⴼⵖⴻⵏ ⵖⴻⴼ ⵢⵉⵖⴻⵔⴼⴰⵏ ⵏ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵎⴻⵙⵙⴰⵀⴻⵍ.
