ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵏ ⵓⵄⴻⴷⴷⵉ ⴳⴰⵔ ⵍⴷⵣⴰⵢⴻⵔ ⴷ ⵉⵜⵢⵓⵒⵢⴰ: ⴰⵢⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵔⵉⵔⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵍⵇⴻⴹ-ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵍⴻⵕⵢⵓⵢ ⵏ ⴽⵔⴰ ⵏ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴷⵣⴰⵢⴻⵔ ⴽⵔⴰ ⵏ ⵡⵓⵙⵙⴰⵏ ⵓⵇⴱⴻⵍ ⵜⴻⵎⵍⵉⵍⵉⵢⵉⵏ ⴰⴷ ⵜⵓⵔⴰⵔ ⵍⴷⵣⴰⵢⴻⵔ (25 ⴷ 29 ⵎⴻⵖⵔⴻⵙ) ⵎⴳⴰⵍ ⵉⵜⵢⵓⵒⵢⴰ ⵉ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ ⵏ 2017 ⴰⴷ ⴷ-ⵢⵉⵍⵉⵏ ⴷⴻⴳ ⴳⴰⴱⵓⵏ.
ⵡⴰⵍⵉⴷ ⵎⴻⵙⵍⵧⵓⴱ (ⴰⵍⴻⵎⵎⴰⵙ ⴰⵎⵃⴰⴷⴷⵉ/ⴼⵛ ⵍⵧⵔⵉⴻⵏⵜ): « ⵜⵉ ⴷ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⴰⴷ ⵢⴻⵙⵄⵓⵏ ⴷⴷⵓⵕ ⴷ ⴰⵎⴻⵇⵔⴰⵏ ⵉ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ. ⴰⴷ ⵏⴻⴳ ⴰⴽⴽ ⴰⵢⴻⵏ ⵓⵎⵉ ⵏⴻⵣⵎⴻⵔ ⴰⴽⴽⴻⵏ ⴰⴷ ⵏⴻⴹⵎⴻⵏ ⴰⵄⴻⴷⴷⵉ-ⵏⵏⴻⵖ ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ 4 (ⵏ ⵡⵓⵔⴰⵔ). ⵜⵉⵎⵍⵉⵍⵉⵜ ⵏ ⴰⴷⴷⵉⵙ-ⴰⴱⴻⴱⴰ ⴰⴷ ⴷ-ⵜⵉⵍⵉ ⴷⴻⴳ ⵜⴻⴳⵏⵉⵜ ⵉⵡⴻⵄⵕⴻⵏ ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵍⴻⵄⵍⵓ ⵏ ⵜⴻⵎⴷⵉⵏⵜ-ⴰ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵏⵉⵍⵉ ⵏⴻⵡⵊⴻⴷ ⴰⵎ ⵡⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⴷ ⵏⴻⵃⵇⴻⵔ ⵉⵜⵢⵓⵒⵢⴰ. ⴷⴻⴳ ⵡⴰⵢⴻⵏ ⴰⵢ ⵉⵢⵉ-ⵢⴻⵔⵣⴰⵏ, ⵏⴻⴽⴽ ⴷ ⴰⵎⴰⵔⵉⵔ ⴰⴳⵜⴰⵣⴰⵍ (ⵎⵓⵜⴰⵄⴰⴷⴷⵉⴷ ⴰⵍ-ⵎⴰⵡⴰⵀⵉⴱ) ⵢⴻⵔⵏⵓ ⴷⵉⵎⴰ ⵡⴻⵊⴷⴻⵖ ⴰⴷ ⴳⴻⵖ ⴰⵢⴻⵏ ⵢⴻⵃⵡⴰⴵ ⵡⴻⵙⵍⴻⵖⵎⴰⵢ. ⵍⵎⵓⴼⵉⴷ ⵏⴻⵜⵜⴰ ⴷ ⵜⵉⵍⵍⵉⵏ ⴷⴻⴳ ⵡⴻⵏⵔⴰⵔ ⴷ ⵣⵣⵀⵓ ⴷⴻⴳ ⵡⵓⵔⴰⵔ ».
ⵉⵣⵣⴻⴷⵉⵏⴻ ⴷⵧⵓⴽⵀⴰ (ⴰⵄⴻⵙⵙⴰⵙ ⵏ ⵢⴻⵙⵡⵉ/ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ) : "ⵢⴻⵙⵙⴻⴼⴽ ⴰⴷ ⵏⴻⵎⵛⵉⵡⴻⵕ, ⴷⴻⴳ ⵜⴰⵣⵡⴰⵔⴰ-ⴰ, ⵖⴻⴼ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵢⵉⵍⵉⵏ ⴷⴻⴳ ⵍⴻⴱⵍⵉⴷⴰ ⵓⵇⴱⴻⵍ ⵜⵉⵏ ⵏ ⴰⴷⴷⵉⵙ-ⴰⴱⴻⴱⴰ. ⵉⵜⵢⵓⵒⵢⴰ ⵜⴻⵙⵄⴰ ⵜⴰⵖⵍⴰⵎⵜ ⵢⴻⵍⵀⴰⵏ ⵢⴻⵔⵏⵓ ⵓⵔ ⵢⴻⵙⵙⴻⴼⴽ ⴰⴷ ⵜⵜ-ⵏⴻⵃⵇⴻⵔ. ⵉⵙⵡⵉ-ⵏⵏⴻⵖ ⴷ ⵔⵔⴱⴻⵃ ⵏ ⵜⴻⵎⵍⵉⵍⵉⵢⵉⵏ-ⵏⵏⵉ ⴷⴻⴳ ⵙⵏⴰⵜ ⵢⵉⴷ-ⵙⴻⵏⵜ ⴰⴽⴽⴻⵏ ⴰⴷ ⵏⵄⴻⴷⴷⵉ. ⴰⵎⵙⵉⵣⵡⴻⵔ ⴳⴰⵔ ⵢⵉⵄⴻⵙⵙⴰⵙⴻⵏ ⵏ ⵢⴻⵙⵡⵉ ⵢⴻⵔⵥⴻⵎ ⵢⴻⵔⵏⵓ ⵓⵔ ⵢⴻⵔⵣⵉ ⴽⴰⵏ ⵎ’ⴱⵧⵍⵀⵉ ⴷ ⴷⵧⵓⴽⵀⴰ. ⵢⴰⵍ ⵢⵉⵡⴻⵏ ⵙⴻⴳ-ⵏⴻⵖ ⵢⴻⵙⵙⴻⴼⴽ ⴰⴷ ⵢⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⵓⵇⴱⴻⵍ ⵎⴰ ⵖⵔⴰⵏ-ⴰⵙ-ⴷ ».
ⵏⴰⵛⵔⴻⴷⴷⵉⵏⴻ ⴽⵀⵧⵓⴰⵍⴻⴷ (ⴰⵎⵃⴰⴷⴷⵉ/ⵓⵙⵎ ⵍⴷⵣⴰⵢⴻⵔ) : "ⵙⵉⵏ-ⴰ ⵏ ⵜⵜⵉⵄⴰⴷⴰⵜ ⵎⴳⴰⵍ ⵉⵜⵢⵓⵒⵢⴰ ⴰⴷ ⵉⵍⵉⵏ ⵡⴻⵄⵕⴻⵏ, ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ-ⴰ ⵜⴻⵙⵄⴰ ⵉⵎⴰⵔⵉⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴱⴻⴷⴷⵍⴻⵏ ⵜⵉⵖⴰⵡⵙⵉⵡⵉⵏ ⴷⴻⴳ ⵢⴰⵍ ⵜⴰⵙⵡⵉⵄⵜ. ⵢⴻⵙⵙⴻⴼⴽ ⴰⴷ ⵏⴻⵔⴱⴻⵃ ⵙⵏⴰⵜ-ⴰ ⵏ ⵜⴻⵎⵍⵉⵍⵉⵢⵉⵏ ⴰⴽⴽⴻⵏ ⴰⴷ ⵏⴻⴹⵎⴻⵏ ⴰⵄⴻⴷⴷⵉ-ⵏⵏⴻⵖ. ⴷⴻⴳ ⵡⴰⵢⴻⵏ ⴰⵢ ⵉⵢⵉ-ⵢⴻⵔⵣⴰⵏ, ⵙⵜⴻⵄⵕⵉⴼⴻⵖ ⴷⴰⴽⴽⴻⵏ ⵎⴰⵛⵉ ⴷⵉⵎⴰ ⴰⵢ ⵉⵢⵉ-ⴷ-ⵖⵖⴰⵔⴻⵏ ⵖⴻⵔ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ, ⵎⴰⵛⴰ ⴷⵉⵎⴰ ⵓⵎⴰⵔⴻⵖ (ⴼⴻⵕⵃⴻⵖ) ⵎⵉ ⴰⴷ ⵜⵜⴻⴽⴽⵉⵖ ⴷⴻⴳ-ⵙ ».
