ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⴰⵔ ⵏ 2000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ ⵡⴻⵃⵔⵉⵛ ⵏ ⵡⴰⵎⴰⵏ ⴷⴻⴳ ⵙⵓⵇ ⴰⵀⵕⴰⵙ
ⵙⵓⵇ ⴰⵀⵕⴰⵙ- 2000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ ⵡⴻⵃⵔⵉⵛ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵄⴰⵡⴻⵏ ⴷⴻⴳ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵡⴰⵍⵉ ⵏ ⵜⵡⵉⵍⴰⵢⵜ-ⴰ, ⴰⴱⴷⴻⵍⴳⵀⴰⵏⵉ ⴼⵉⵍⴰⵍⵉ.
ⵙ ⵡⴰⵢⴰ, ⵏⵏⵓⵍⴼⴰⵏⵜ-ⴷ 65 ⵏ ⵜⵏⴻⵎⵙⴰⵍ (ⵡⴰⵔⴰⵛⴰⵜ) ⵢⴻⵜⵜⴻⴷⴷⵓⵏ ⵏ ⵓⵚⴻⴳⴳⴻⵎ ⵏ ⵢⵉⵊⴻⵄⴱⵓⴱⴻⵏ, 65 ⵏ ⵜⴻⴳⵔⴰⵡⵉⵏ ⵏ ⵓⵙⵙⴻⵔⵙⵉ ⵏ ⵢⵉⵃⴻⵙⵙⴰⴱⴻⵏ ⵏ ⵡⴰⵎⴰⵏ ⴷ 17 ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵏⵉⴹⴻⵏ ⵉⵅⴻⴷⴷⵎⴻⵏ ⴷⴻⴳ ⵡⴻⵃⵔⵉⵛ ⵏ ⵡⴰⵎⴰⵏ, ⵢⴻⵔⵏⵓ ⵉⵙⴻⵏⴼⴰⵔⴻⵏ-ⴰ ⴰⴽⴽ ⵙⵅⴻⴷⵎⴻⵏ ⴰⵟⴰⵙ ⵏ ⵎⴻⴷⴷⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⵉⵍⴰⵍⵉ ⴷⴻⴳ ⵢⵉⵊⵉⴼⴻⵕ ⵏ ⵢⴻⵔⵎⵓⴷⴻⵏ ⴰⵢ ⴷ-ⵢⴻⵍⵍⴰⵏ ⵉ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵡⴰⵎⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⵏ ⵜⴻⵎⴷⵉⵏⵜ ⵏ ⵙⴻⴷⵕⴰⵜⴰ.
ⵢⴻⵏⵏⴰ-ⴷ ⴷⴰⵖ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴰⵙⵙ-ⴰ ⴷⴻⴳ ⵡⴻⵃⵔⵉⵛ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ ⴷ ⴰⵢⴻⵏ ⴰⴷ ⵢⴻⴵⴵⴻⵏ ⵉⵎⵏⴰⴷⵉⵢⴻⵏ ⵏ ⵓⵅⴻⴷⴷⵉⵎ ⴰⴷ ⴰⴼⴻⵏ ⴰⵅⴻⴷⴷⵉⵎ ⴷⴻⴳ ⵡⴻⵃⵔⵉⵛ-ⴰ ⵢⴻⵔⵏⵓ ⴰⴷ ⵢⴻⴵⴵ ⵡⵉⵢⴰⴹ ⴰⴷ ⴷ-ⵙⵏⵓⵍⴼⵓⵏ ⵜⵉⵕⵎⵉⵙⵉⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵡⴰⵢⴰ.
ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵡⴰⵎⴰⵏ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵖⴻⴼ ⵢⴻⵔⵎⵓⴷⴻⵏ (ⵏⴰⵛⴰⵟⴰⵜ) ⵏ ⵜⴻⵕⵎⵉⵙⵉⵏ ⴷ-ⵢⴻⵍⵀⴰⵏ ⵙ ⵡⴰⵎⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵍⵍⴰⵏ ⵢⵉⵙⴰⵔⴰⴳⴻⵏ ⵖⴻⴼ ⵡⴰⵏⴷⴰ ⴰⵢ ⵢⴻⵙⵙⴰⵡⴻⴹ ⵡⴻⵃⵔⵉⵛ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵜ-ⴰ.
