Asebter amenzawi

Ugar n 2000 n yimukan n uxeddim ay d-yennulfan deg weḥric n waman deg Suq Ahṛas

SUQ AHṚAS- 2000 n yimukan n uxeddim ay d-yennulfan deg weḥric n waman deg twilayt n Suq Ahṛas deg ukatar n wahilen yemgerraden n uɛawen deg uxeddim, ɣef wakken ay d-yenna ass n ttlata uwali n twilayt-a, Abdelghani Filali.

S waya, nnulfant-d 65 n tnemsal (waracat) yetteddun n uṣeggem n yijeɛbuben, 65 n tegrawin n ussersi n yiḥessaben n waman d 17 n teṛmisin (carikat) niḍen ixeddmen deg weḥric n waman, yernu isenfaren-a akk sxedmen aṭas n medden ɣef wakken ay d-yenna Mass Filali deg yijifeṛ n yermuden ay d-yellan i wesfugel n wass anmaḍal n waman ay d-yellan deg tzeqqa n yisaragen n temdint n Sedṛata.

Yenna-d daɣ, deg temsalt-a, dakken isenfaren imeqranen ay la yettwabnayen ass-a deg weḥric n waman deg twilayt n Suq Ahṛas d ayen ad yeǧǧen imnadiyen n uxeddim ad afen axeddim deg weḥric-a yernu ad yeǧǧ wiyaḍ ad d-snulfun tiṛmisin akken ad xedmen deg waya.

I lmend n wesfugel n wass anmaḍal n waman, tella-d yiwet n tzikkent ɣef yermuden (nacaṭat) n teṛmisin d-yelhan s waman, am wakken ay d-llan yisaragen ɣef wanda ay yessaweḍ weḥric n waman deg twilayt-a.