Asebter amenzawi

Lbanka n Lezzayer terra lwelha i tmerniwt n tedrimt usikkel

LEZZAYER TAMANAɣT- Lbanka n Lezzayer (BA) terra lwelha ɣef yiberdan n tmerniwt n wazal yettwaqeymen i tedrimt usikkel, n walmud neɣ udawi di tmura n beṛṛa, akken ad ilint s lfayda n twaculin mebla ma glan-d s lexṣaṛa, id-yenna ass n laṛebɛa wemnabaḍ Mas Mohamed Laksaci.

"Sqef azerfayan ubeddel yerzan tadrimt usikkel ɣer tmura n beṛṛa u gmin ara tura-yaki, ad d-ilin laṛyuy ad d-yeglun s tmerniwt ad yesnernin di sqef-agi akken ad ssifsusen tagnitt i twaculin yettṛuḥun ɣer lbeṛṛani mebla ma yegla-d wayagi s usexṛeb n lmizan n tedrimt n tmurt", id-yenna zdat iɛeggalen n useqqamu aɣerfan aɣelnaw lawan n temlilit yesselwi Mas Larbi Ould Khelifa, aselway useqqamu aɣerfan aɣelnaw, yerzan tiririt i tuttriwin iɛeggalen n wemni yerzan tadamsa.

Amnabaḍ ur d-yenna yara ugar di temsalt-agi yerzan melmi ara d-yeḍṛu wayagi neɣ s wacḥal ara yernu.