ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴼⴽⴰⵏ « ⴰⵣⴰⵍ » ⵉ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⵍⴻⵎⵛⴰⵡⵕⴰⵜ ⴰⵢ ⴷ-ⴱⴷⴰⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵇⵙⴻⵏⵟⵉⵏⴰ– ⵜⴻⵏⵏⴰ-ⴷ ⵜⴻⵏⵎⴰⵀⴰⵍⵜ (ⵙⴰⴼⵉⵔⴰ) ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ ⴷⴻⴳ ⵍⴻⵣⵣⴰⵢⴻⵔ, ⵊⵧⴰⵏ ⴰ. ⵒⵧⵍⴰⵙⵛⵀⵉⴽ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵇⵙⴻⵏⵟⵉⵏⴰ, ⴷⴰⴽⴽⴻⵏ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴼⴽⴰⵏ ⴰⵣⴰⵍ ⵉ ⵡⴻⴱⴷⴰⴷ ⴰⵢ ⵜⴻⴱⴷⴻⴷ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⴽⴰⵍⴰ (ⵎⴰⵙⴰⵔ) ⵏ ⵜⴰⵍⵡⵉⵜ ⴰⵢ ⴷ-ⵜⴻⴱⴷⴰ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⴰⵎⴱⴰⴷⴷⴻⵍ ⵖⴻⴼ ⵜⴻⵎⵙⴰⵍⵜ-ⴰ ⵢⴻⵣⴳⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴷⵉⵒⵍⵓⵎⴰⵜⵉⵜ-ⴰ ⵜⴰⵎⴰⵔⵉⴽⴰⵏⵉⵜ ⴰⵢ ⴷ-ⵉⵅⴻⴱⴱⵔⴻⵏ ⴷⴰⵖ ⴷⴰⴽⴽⴻⵏ ⵜⴻⴱⴷⴰ ⴷⴷⵓⵕⵜ ⵜⴰⴷⴻⵍⵙⴰⵏⵜ ⵜⴰⵎⴰⵔⵉⴽⴰⵏⵉⵜ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 ». ⵜⵡⴻⴽⴽⴻⴷ-ⴷ ⴷⴰⵖ ⵎⴰⵙⵙⴰ ⵒⵧⵍⴰⵙⵛⵀⵉⴽ ⴷⴰⴽⴽⴻⵏ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ « ⵔⵔⴰⵏ ⵜⴰⵊⵎⵉⵍⵜ ⵉ ⵜⴻⵏⵚⵉⵃⵉⵏ ⴷ ⵜⵎⵓⵖⵍⵉⵡⵉⵏ ⵏ ⵜⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ».
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⵜⴻⵏⵎⴰⵀⴰⵍⵜ ⴷⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ « ⵢⴻⵙⵄⴰⵏ ⴷ ⴰⵎⴻⵇⵔⴰⵏ ⵖⴻⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵎⵏⴰⴹⴰⵏⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵙⵄⴰ ⵜⵜⴻⵊⵕⵉⴱⴰ ⵖⴻⵣⵣⵉⴼⴻⵏ ⵢⴻⵔⵏⵓ ⵜⴻⵡⵄⴻⵕ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵔⵏⵓ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵜⵜⴰⵔⵔⴰⵏ ⵜⴰⵊⵎⵉⵍⵜ ⵉ ⵜⵎⵓⵔⵜ-ⴰ ⵖⴻⴼ ⴷⴷⵓⵕ ⴰⵢ ⵜⵓⵔⴰⵔ ⴷⴻⴳ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ ⴷ ⵓⵙⵙⴻⵍⵡⵉ ⴰⵢ ⵜⴻⵙⵙⴻⵍⵡⵉ ⴰⵙⴻⵇⵇⴰⵎⵓ ⵏ ⵡⴻⴹⴼⴰⵔ ⵏ ⵡⴻⵎⵜⴰⵡⴰ ⵉ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ ».
ⵎⵉ ⴷ-ⵜⴻⵜⵜⵡⴰⵜⵜⴻⵔ ⵖⴻⴼ ⵡⴰⴷⴷⵓⴷ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵅⴰⵣⵣⴰⴱⵉⵢⵉⵏ ⵏ ⵡⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⵔⵓⵅⴻⵍⵍⴻⵙ (ⵜⴰⵎⴰⵏⴻⵖⵜ ⵏ ⴱⵉⵍⵊⵉⴽ), ⵜⴻⵏⵏⴰ-ⴷ ⴷⴰⴽⴽⴻⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵜⵜⵖⵉⵎⵉ-ⴷ ⴷ « ⵉⵎⴻⵏⵖⵉ ⴰⵏⵎⴰⴹⴰⵍ » ⵢⴻⵔⵏⵓ ⵓⵍⴰ ⴷ ⵢⵉⵡⴻⵜ ⵏ ⵜⵎⵓⵔⵜ ⵓⵔ ⵜⴻⴹⵎⵉⵏ ⵉⵎⴰⵏ-ⵏⵏⴻⵙ ⵙⴻⴳ ⵔⵔⴻⴱⵔⴰⴱ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴵⵀⴻⴷ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴻⴳⵏⵉⵜ-ⴰ ⵜⴰⵏⵎⴰⴹⴰⵍⵜ ⵢⴻⴼⴼⵖⴻⵏ ⵉ ⵍⴻⵄⵡⴰⵢⴻⴷ, ⵜⴻⵏⵏⴰ-ⴷ ⵜⴻⵏⵎⴰⵀⴰⵍⵜ ⴷⴰⴽⴽⴻⵏ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ « ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⵏⴻⵡⵡⴻⵄ ⵜⴰⴷⴰⵎⵙⴰ-ⵏⵏⴻⵙ ».
