ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴹⵉⴼ: ⴱⴻⴷⴷⵓ ⵏ ⵡⵓⵙⵙⴰⵏ ⵉⵖⴻⵍⵏⴰⵡⴻⵏ ⵏ ⵓⵎⴻⵣⴳⵓⵏ ⴰⵔⵔⴰⵎⴰⵏ ⴰⵙⵙ ⵏ ⵍⵃⴻⴷⴷ

ⵚⵟⵉⴼ – ⵓⵙⵙⴰⵏ ⵉⵖⴻⵍⵏⴰⵡⴻⵏ ⵏ ⵓⵎⴻⵣⴳⵓⵏ ⴰⵔⵔⴰⵎⴰⵏ (ⵜⴰⴵⵔⵉⴱⵉ) ⴰⴷ ⴱⴷⵓⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴻⵎⴷⵉⵏⵜ ⵏ ⵍⵄⴻⵍⵎⴰ (ⵚⵟⵉⴼ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵢⴻⴷⵍⴻⵙ, ⵣⵉⵜⵧⵓⵏⵉ ⴰⵔⵉⴱⵉ, ⴰⵙⵙ ⵏ ⵍⴰⵕⴻⴱⵄⴰ.

ⵜⴰⴷⵢⴰⵏⵜ-ⴰ ⵜⴻⴱⴷⴰ-ⵜⵜ-ⵉⴷ ⵜⴽⴻⴱⴱⴰⵏⵉⵜ ⵏ ⵎⵉⵍⴻⵠ ⵏ ⵓⵎⴻⵣⴳⵓⵏ ⴷ ⵜⵥⵓⵔⵉⵡⵉⵏ ⵏ ⵓⵀⴰⵏⴰⵢ ⵏ ⵍⵄⴻⵍⵎⴰ ⵙ ⵓⵄⴰⵡⴻⵏ ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⴻⴷⵍⴻⵙ, ⴰⴷ ⵜⴻⴹⴹⴻⴼ 5 ⵏ ⵡⵓⵙⵙⴰⵏ ⵢⴻⵔⵏⵓ ⴰⴷ ⴷ-ⵜⵉⵍⵉ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵜⴻⵎⴷⵉⵏⵜ-ⴰ ⵙ ⵓⴱⴻⵔⵔⵉⵃ ⵏ « ⵓⵎⴻⵣⴳⵓⵏ ⵢⴻⵙⵙⴻⵎⵇⴰⵔⴰⴱ-ⴰⵖ, ⵜⴰⴼⴻⵔⴼⴰⵏⵜ (ⵡⴰⵟⴰⵏ) ⵢⴻⵙⴷⵓⴽⴽⵓⵍ-ⴰⵖ ».

ⵜⴰⴷⵢⴰⵏⵜ-ⴰ ⴰⴷ ⴷ-ⵜⴻⴱⴷⵓ ⴷⴻⴳ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⵎⴻⵣⴳⵓⵏ (27 ⵎⴻⵖⵔⴻⵙ) ⵢⴻⵔⵏⵓ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⴰⵟⴰⵙ ⵏ ⵜⴻⴽⵔⴰ (ⴼⵉⵔⴰⵇ) ⵏ ⵓⵎⴻⵣⴳⵓⵏ, ⴳⴰⵔ-ⴰⵙⴻⵏⵜ ⵜⵉⵏ ⵏ ⵎⴰⵔⴰⵢⴰ ⵏ ⵇⵙⴻⵏⵟⵉⵏⴰ, ⵜⵉⴷⴷⵓⴽⵍⴰ ⵏ ⵎⵉⵍⴻⵠ 86 ⵏ ⵎⵉⵍⴰ ⴷ ⵜⵉⴷⴷⵓⴽⵍⴰ ⵏ ⴰⴼⴰⵇ ⵏ ⵜⴱⴰⵜⴻⵏⵜ.

ⴰⴷ ⴷ-ⵢⵉⵍⵉ ⴷⴰⵖ ⵓⵙⴰⵔⴰⴳ ⵖⴻⴼ ⵓⵎⴻⵣⴳⵓⵏ ⴰⵔⵔⴰⵎⴰⵏ ⴷⴻⴳ ⵍⴻⵣⵣⴰⵢⴻⵔ, ⴷ ⵡⵉⵏ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⴽⵔⴰ ⵏ ⵢⴻⵙⴷⴰⵡⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ-ⴰ.

ⵡⵉⴷ ⴰⴷ ⴷ-ⵢⴻⵔⵣⵓⵏ ⴼⴻⵍⵍ-ⴰⵙ ⴰⴷ ⴷ-ⴰⴼⴻⵏ ⴷⴰⵖ ⵜⴰⵣⵉⴽⴽⴻⵏⵜ ⵏ ⵜⵥⵓⵔⵉ ⴰⴷ ⴷ-ⵢⵉⵍⵉⵏ ⵉ ⵡⵓⴷⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵓⵎⴻⵣⴳⵓⵏ ⴰⵖⴻⵍⵏⴰⵡ, ⴷ ⵜⵉⵏ ⴰⴷ ⴷ-ⵀⴻⵢⵢⵉⵏ ⵢⵉⵏⴰⵥⵓⵔⴻⵏ ⵏⴰⴷⵉⴰ ⵀⴰⴷⵊⵔⴻⵙⵙ ⴷ ⴽⵀⴰⵍⴻⴷ ⴼⵧⵓⴰⵣ.