Asebter amenzawi

Sḍif: beddu n wussan iɣelnawen n umezgun arraman ass n lḥedd

ṢṬIF – Ussan iɣelnawen n umezgun arraman (taǧribi) ad bdun ass n lḥedd deg temdint n Lɛelma (Ṣṭif), ɣef wakken ay d-yenna unemhal n yedles, Zitouni Aribi, ass n laṛebɛa.

Tadyant-a tebda-tt-id tkebbanit n Milev n umezgun d tẓuriwin n uhanay n Lɛelma s uɛawen n tmehla (mudiriyya) n yedles, ad teḍḍef 5 n wussan yernu ad d-tili deg umezgun amnaḍan n temdint-a s uberriḥ n « umezgun yessemqarab-aɣ, taferfant (waṭan) yesdukkul-aɣ ».

Tadyant-a ad d-tebdu deg wass agraɣlan n umezgun (27 Meɣres) yernu ad ttekkint deg-s aṭas n tekra (firaq) n umezgun, gar-asent tin n Maraya n Qsenṭina, tiddukla n Milev 86 n Mila d tiddukla n Afaq n Tbatent.

Ad d-yili daɣ usarag ɣef umezgun arraman deg Lezzayer, d win aydeg ad ttekkin kra n yesdawanen, ɣef wakken ay d-tenna tmehla-a.

Wid ad d-yerzun fell-as ad d-afen daɣ tazikkent n tẓuri ad d-yilin i wudmawen imeqranen n umezgun aɣelnaw, d tin ad d-heyyin yinaẓuren Nadia Hadjress d Khaled Fouaz.