Asebter amenzawi

Talɣuɣa n Tefriqt n Uhareg (ilemẓiyen): d Maṣer ay d-yefrurin

LEZZAYER TAMANEɣT – D Maṣer ay d-yefrurin deg wass amezwaru n telɣuɣa n Tefriqt n uhareg (ǧumbaz) anaẓuran d wayṛubik (ilemẓiyen) ay d-yellan ass n laṛebɛa deg tqubbet n Mohamed-Boudiaf (Lezzayer Tamaneɣt) yernu wwin-d yinaddalen imaṣriyen 3 n tzalɣiwin n wureɣ.

Ass-nni amezwaru yella-d i yikayaden n teqcicin yernu terbeḥ-d deg-s Maṣer 148.300 n tenqiḍin. Tafriqt n Wenẓul tusa-d d tis snat s 146.400 n tenqiḍin), ma d Meṛṛuk d tis kraḍt s 119.400 n tenqiḍin. Lezzayer tusa-d d tis 4 s 116.850 n tenqiḍin.

Deg wemsizwer amatu s teɣlamt n yeqcicen, ala snat n teɣlamin ay yettekkan yernu ti d Maṣer (ay irebḥen) d Meṛṛuk.

Deg wemsizwer amatu aterrasan n teqcicin, d Tamaṣrit Hussein Ahmed Farah ay d-yusan d tamezwarut (50,550 n tenqiḍin), sakkin teḍfer-itt-id Caitlin Rooskrantz (49,450 n tenqiḍin) d Tmaṣrit Mahmoud Sayed Farah (48,750 n tenqiḍin).

Ass-nni amezwaru llan-d daɣ deg-s yikayaden n uɛeddi n wayṛubik n yilemẓiyen d yimeqranen deg 3 n tmezzugin: anaddal awḥid, sin n yinaddalen d 3 n yinaddalen.