ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ⴷⴻⴳ 10 ⵢⴻⴱⵔⵉⵔ (ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)

ⵏⵢⵓ ⵢⵓⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ), – ⵢⴻⵏⵏⴰ-ⴷ ⵡⴻⴱⴷⴰⵎⵎⴰⵙ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⴰⵎⴰⵏ, ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵃⴱⴰⵙ ⵏ ⵢⵉⵎⴻⵏⵖⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵢⴰⵎⴰⵏ ⴰⵙⵙ ⵏ 10 ⵢⴻⴱⵔⵉⵔ, ⵢⴻⵔⵏⵓ ⴰⴷ ⴽⴻⵎⵎⵍⴻⵏⵜ ⵍⴻⵎⵛⴰⵡⵕⴰⵜ ⴷⴻⴳ ⵍⴻⴽⵡⵉⵜ ⴷⴻⴳ 18 ⵢⴻⴱⵔⵉⵔ.

« ⵇⴻⴱⵍⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴰⴷ ⵃⴻⴱⵙⴻⵏ ⵉⵎⴻⵏⵖⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵙⴻⴳ 10 ⵢⴻⴱⵔⵉⵔ ⴷ ⴰⵙⴰⵡⴻⵏ ⵖⴻⴼ 12 ⵏ ⵢⵉⴹ, ⵙⴰⴽⴽⵉⵏ ⴰⴷ ⴽⴻⵎⵎⵍⴻⵏⵜ ⵍⴻⵎⵛⴰⵡⵕⴰⵜ ⴰⵙⵙ ⵏ 18 ⵢⴻⴱⵔⵉⵔ ⴷⴻⴳ ⵍⴻⴽⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ.

« ⴰⴽⴽ ⵉⴷⵉⵙⴰⵏ (ⵉⵢⴰⵎⴰⵏⵉⵢⴻⵏ) ⴰⴷ ⵜⵜⴻⴽⴽⵉⵏ, ⵍⴻⵎⵎⴻⵔ ⴷ ⵍⴻⴱⵖⵉ » ⴷⴻⴳ ⵍⴻⵎⵛⴰⵡⵕⴰⵜ-ⴰ ⴰⴷ ⴷ-ⵢⵉⵍⵉⵏ ⵓⵙⴻⵎ ⵖⴻⵔ ⵡⵓⴷⴻⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵙⵙⴰⵡⴹⴻⵏ ⵖⴻⵔ ⵡⴻⵎⵙⴻⴼⵀⴰⵎ-ⴰ ⴷⴻⴼⴼⵉⵔ ⵡⴻⵎⵛⵉⵡⴻⵕ ⴷ ⴰⵎⴻⵇⵔⴰⵏ, ⵍⴰⴷⵖⴰ ⴷⴻⴳ ⵚⴻⵏⵄⴰ (ⵜⴰⵎⴰⵏⴻⵖⵜ ⵜⴰⵢⴰⵎⴰⵏⵉⵜ ⴰⵢ ⴹⴹⴼⴻⵏ ⵢⵉⵃⵓⵜⵉⵢⴻⵏ) ⴷ ⵔⵉⵢⴰⴹ, ⴰⵏⴷⴰ ⴰⵢ ⴰⵙ-ⵜⵜⵓⵏⴻⴼⴽⴻⵏⵜ ⴹⴹⵎⴰⵏⴰⵜ ⵉ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴰⵔⴻⵎ ⵡⴻⴱⴷⴰⵎⵎⴰⵙ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ⴰⴽⴽⴻⵏ « ⴰⴷ ⵜⴰⵡⴻⴹ ⵍⴻⵎⵄⴰⵡⵏⴰ ⴷⴻⴳ ⵍⴰⵎⴰⵏ ⵢⴻⵔⵏⵓ ⵡⴰⵔ ⵉⵄⴻⵡⵡⵉⵇⴻⵏ » ⵉ ⵢⵉⵎⴻⵍⵢⵓⵏⴻⵏ ⵏ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵉⵢⴰⵎⴰⵏⵉⵢⴻⵏ ⴰⵢ ⵜⵜ-ⵢⴻⵃⵡⴰⴵⴻⵏ.

ⵉⵙⵡⵉ ⵏ ⵍⴻⵎⵛⴰⵡⵕⴰⵜ-ⴰ ⴷ « ⴰⵙⵙⵉⵡⴻⴹ ⵖⴻⵔ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴰⴷ ⵉⴼⴰⴽⴻⵏ ⵜⴰⵍⵓⴼⵜ-ⴰ ⵢⴻⵔⵏⵓ ⴰⴷ ⵢⴻⴵⴵ ⴰⵎⵛⵉⵡⴻⵕ ⴰⴷ ⴷ-ⵢⵓⵖⴰⵍ ⴳⴰⵔ ⴰⴽⴽ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴳⴰⵔ-ⴰⵙⴻⵏⵜ ⵜⴰⵏⴻⵖⵜⵓⵙⵜ 2216 » ⴰⵢ ⴷ-ⵢⴻⵙⵙⴻⴼⵔⴰⵏ ⴰⴷ ⵊⴻⴱⴷⴻⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵜⴻⵎⵏⴰⴹⵉⵏ ⴰⵢ ⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⵜⵉⵖⵉⵎⵉⵜ ⵜⴰⵏⴻⴳⴳⴰⵔⵓⵜ ⵏ ⵍⴻⵎⵛⴰⵡⵕⴰⵜ ⴳⴰⵔ ⵓⵏⴰⴱⴰⴹ (ⵃⵓⴽⵓⵎⴰ) ⴰⵢⴰⵎⴰⵏⵉ ⴷ ⵢⵉⵖⴻⵡⵡⴰⵖⴻⵏ ⵜⴻⵍⵍⴰ-ⴷ ⴳⴰⵔ 15 ⴷ 20 ⴷⵓⵊⴻⵎⴱⴻⵕ 2015 ⴷⴻⴳ ⵙⵙⵡⵉⵙ, ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.