Asebter amenzawi

Mass Lamamra yermes anmazul n umaray n Uwanek aṭalyani deg uɣlif n Tɣawsiwin n berra

LEZZAYER TAMANEɣT – Aneɣlaf n Uwanek, aneɣlaf n tɣawsiwin n berra akked Umedhel agraɣlan, Ramtane Lamamra, yermes ass n lexmis deg Lezzayer anmazul n umaray n Uwanek aṭalyani deg uɣlif n Tɣawsiwin n berra akked Umedhel agraɣlan, Vincenzo Amendola, yusa-d deg yiwet n tirzi n umahil ɣer lezzayer.

Deg yiwet n tseɣrut i tɣamsa, Mass Amendola yenna-d dakken assaɣen n tegmat i yesduklen Lezzayer akked Ṭalyan ‘’ur rzan ara kan ferru n yigna n tura, maca aya ad yessiweḍ snat tmura-a akken ad sneẓren iman-nsent ɣer sdat.

’Nesɛa isenfaren n umedhel adamsan rnu-as necrek igna yellan deg temnaḍt, dɣa liḥala deg Libya, akked yimal n temnaḍt n Ssaḥel akked Tefriqt’’, i yerna yenna-d Mass Amendola.

Tirzi n Mass Amendola tekcem deg ukatar n ’’umciwer asertan alugnan i ssemrasent snat tmura, i lmend n umtawa n tegmat, n tilin n snat tmura d tijiratin akked umedhel i yettwastenyan gar Lezzayer akked Ṭalyan deg wayyur n yennayer 2003’’, i d-smektan.