ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵇ ⴰⵀⵕⴰⵙ: ⴰⵔⵥⴰⵎ ⵏ ⵓⵙⴰⵔⵉⵔ ⴰⵎⴰⵢⵏⵓ ⵉ ⵢⵉⵍⴻⵎⵥⵉⵢⴻⵏ

ⵙⵓⵇ ⴰⵀⵕⴰⵙ– ⵢⴻⵜⵜⵡⴰⵔⵥⴻⵎ ⴰⵙⵙ ⵏ ⵍⴻⵅⵎⵉⵙ ⵢⵉⵡⴻⵏ ⵏ ⵓⵙⴰⵔⵉⵔ (ⵎⴰⵍⵄⴰⴱ) ⴷⴻⴳ ⵓⵖⴰⵔⴰⵎ (ⵃⴰⵢⵢ) ⵏ ⵓⵎⴻⵖⵔⵓⵙ ⴷⴻⴳ ⵜⴻⵎⴷⵉⵏⵜ ⵏ ⵙⵓⵇ ⴰⵀⵕⴰⵙ ⵢⴻⵔⵏⵓ ⵓⵎⴰⵔⴻⵏ ⵢⴻⵙ-ⵙ ⵢⵉⵍⴻⵎⵥⵉⵢⴻⵏ ⵏ ⵡⴻⴳⵎⴰⵎ-ⴰ ⴷ ⵢⴻⴳⵎⴰⵎⴻⵏ ⴰⵢ ⴷ-ⵉⵇⴻⵔⴱⴻⵏ ⵖⴻⵔ-ⵙ.

ⴷ ⴰⵡⴰⵍⵉ ⴰⴱⴷⴻⵍⴳⵀⴰⵏⵉ ⴼⵉⵍⴰⵍⵉ ⴰⵢ ⵉⵔⴻⵥⵎⴻⵏ ⴰⵙⴰⵔⵉⵔ-ⴰ ⵢⴻⵔⵏⵓ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⴰⵙ-ⴳⴻⵏ ⵍⴻⵇⵔⴰⵔ ⵢⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ. ⴰⵏⵔⴰⵔ ⵏ ⵓⵙⴰⵔⵉⵔ-ⴰ ⵉⴷⴻⵍ ⵙ ⵜⴻⴷⵅⴻⵏⵜ ⵜⴰⴽⴻⵍⵍⴰⵅⵜ ⵢⴻⵔⵏⵓ ⵢⵓⵙⴰ-ⴷ ⴳⴰⵔ 4 ⵏ ⵢⵉⵖⴰⵔⴰⵎⴻⵏ, ⴷⵖⴰ ⵙ ⵡⴰⵢⴰ, ⵣⴻⵎⵔⴻⵏ ⴰⴷ ⴷ-ⴰⵡⴹⴻⵏ ⵖⴻⵔ-ⵙ ⵢⵉⵍⴻⵎⵥⵉⵢⴻⵏ ⵏ ⵢⵉⵖⴰⵔⴰⵎⴻⵏ ⵢⴻⵎⴳⴻⵔⵔⴰⴷⴻⵏ.

ⴰⵙⴰⵔⵉⵔ-ⴰ ⵢⴻⵙⵄⴰ ⴷⴰⵖ ⴰⵏⵔⴰⵔ ⵏ ⵜⴽⴰⴹⵓⵔⵉⵏ ⵏ ⵡⵓⵣⵣⴰⵍ. ⵍⴻⴱⵏⵉ-ⵏⵏⴻⵙ ⵢⴻⵙⵇⴰⵎ-ⴷ 14 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⵓ ⵎⵄⴰⵡⴰⵏⴻⵏⵜ ⴷⴻⴳ-ⵙ ⵜⵡⵉⵍⴰⵢⵜ ⴷ ⵜⵖⵉⵡⴰⵏⵜ ⵏ ⵙⵓⵇ ⴰⵀⵕⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵙⴼⴻⵀⵎⴻⵏ.

ⵏⵏⵉⴳ ⵡⴰⵢⴰ, ⴰⵏⵔⴰⵔ-ⴰ ⵏ ⵜⴽⴰⴹⵓⵔⵉⵏ ⴰⴷ ⴷ-ⵜⵉⵍⵉ ⴷⴻⴳ-ⵙ, ⴰⵙⵙ ⵏ 26 ⵢⴻⴱⵔⵉⵔ, ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵜⴼⵉⵟⴰⴽⵜ ⵉ ⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵏ ⵢⵉⵎⴻⵏⵖⵉ ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵙⵓⵇ ⴰⵀⵕⴰⵙ ⴳⴰⵔ ⵢⴻⵎⵊⴰⵀⴷⴻⵏ ⴷ ⵢⵉⵖⴰⵍⵍⴻⵏ ⵉⴼⵕⴻⵏⵙⵉⵙⴻⵏ. ⵜⴰⵍⵖⵓⵖⴰ-ⴰ ⴰⴷ ⵜⴻⵜⵜⴻⴽⴽⵉ ⴷⴻⴳ-ⵙ ⴷⴰⵖ ⵢⵉⵡⴻⵜ ⵏ ⵜⴻⵖⵍⴰⵎⵜ ⵙⴻⴳ ⵜⵓⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⵏ ⵜⴽⴰⴹⵓⵔⵉⵏ.

ⴷ ⴰⵙⴻⵇⵇⴰⵎⵓ ⵏ ⵡⴻⴳⵎⴰⵎ (ⵃⴰⵢⵢ) ⵏ ⵓⵎⴻⵖⵔⵓⵙ ⴰⴷ ⴷ-ⵢⴻⵍⵀⵓⵏ ⵙ ⵓⵙⵙⴻⴷⴷⵓ ⵏ ⵓⵙⴰⵔⵉⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵙⴻⴳ ⵜⵖⵉⵡⴰⵏⵜ ⵏ ⵙⵓⵇ ⴰⵀⵕⴰⵙ.