Asebter amenzawi

Suq Ahṛas: arẓam n usarir amaynu i yilemẓiyen

SUQ AHṚAS– Yettwarẓem ass n lexmis yiwen n usarir (malɛab) deg uɣaram (ḥayy) n Umeɣrus deg temdint n Suq Ahṛas yernu umaren yes-s yilemẓiyen n wegmam-a d yegmamen ay d-iqerben ɣer-s.

D awali Abdelghani Filali ay ireẓmen asarir-a yernu iger-d tiɣri akken ad as-gen leqrar yimezdaɣen n temdint. Anrar n usarir-a idel s tedxent takellaxt yernu yusa-d gar 4 n yiɣaramen, dɣa s waya, zemren ad d-awḍen ɣer-s yilemẓiyen n yiɣaramen yemgerraden.

Asarir-a yesɛa daɣ anrar n tkaḍurin n wuzzal. Lebni-nnes yesqam-d 14 n yimelyunen n yidinaṛen yernu mɛawanent deg-s twilayt d tɣiwant n Suq Ahṛas, ɣef wakken ay aɣ-d-sfehmen.

Nnig waya, anrar-a n tkaḍurin ad d-tili deg-s, ass n 26 Yebrir, telɣuɣa taɣelnawt n tfiṭakt i lmend n wesmekti n yimenɣi ameqran ay d-yellan deg Suq Ahṛas gar yemjahden d yiɣallen ifṛensisen. Talɣuɣa-a ad tettekki deg-s daɣ yiwet n teɣlamt seg Tunes, ɣef wakken ay aɣ-d-yenna uselway n tiddukla tadigant (maḥalliyya) n tkaḍurin.

D aseqqamu n wegmam (ḥayy) n Umeɣrus ad d-yelhun s usseddu n usarir-a, ɣef wakken ay aɣ-d-nnan seg tɣiwant n Suq Ahṛas.