ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴹⴹⴼⴰ ⵏ 4 ⵏ ⵢⵉⴱⴻⵛⴽⵉⴹⴻⵏ ⴷ ⵍⵄⴻⵡⵍⴰ ⵏ ⵍⴻⵙⵍⴰⵃ ⴷⴻⴳ ⴱⴰⵔⵉⴽⴰ ⴷ ⵜⴱⴰⵜⴻⵏⵜ

ⵜⴰⴱⴰⵜⴻⵏⵜ – ⵜⴻⵏⵏⴰ-ⴷ ⵜⴻⵎⵙⴻⵜⵍⴰ (ⴷⴰⵔⴰⴽ) ⵏ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ, ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⵜⵜⵡⴰⴹⴹⴼⴻⵏ 4 ⵏ ⵢⵉⴱⴻⵛⴽⵉⴹⴻⵏ ⵉⵎⴻⵏⵙⴰⵢⴻⵏ, 252 ⵏ ⵜⵇⴻⵔⴹⴰⵙⵉⵏ ⵢⴻⵞⵞⵓⵕⴻⵏ, 151 ⵏ ⵜⵇⴻⵔⴹⴰⵙⵉⵏ ⵜⵉⵍⵎⴰⵡⵉⵏ ⴷⴻⴳ ⵜⴻⵎⴷⵉⵏⵉⵏ ⵏ ⴱⴰⵔⵉⴽⴰ ⴷ ⵜⴱⴰⵜⴻⵏⵜ.

108 ⵏ ⵜⵇⴻⵔⴹⴰⵙⵉⵏ (ⴳⴰⵔ-ⴰⵙⴻⵏⵜ 101 ⵢⴻⵞⵞⵓⵕⴻⵏ) ⴷ 3 ⵏ ⵢⵉⴱⴻⵛⴽⵉⴹⴻⵏ ⵉⵎⴻⵏⵙⴰⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵙⵉⵏ ⵏ ⵢⴻⵅⵅⴰⵎⴻⵏ, ⵢⵉⵡⴻⵏ ⵢⵓⵙⴰ-ⴷ ⴷⴻⴳ ⵓⵖⴰⵔⴰⵎ ⵏ ⵢⴻⵎⵊⴰⵀⴷⴻⵏ, ⵎⴰ ⴷ ⵡⴰⵢⴻⴹ ⴷⴻⴳ ⵓⵖⴰⵔⴰⵎ ⵏ 300 ⵏ ⵜⵏⴻⵣⴷⵓⵖⵉⵏ ⴷⴻⴳ ⴱⴰⵔⵉⴽⴰ, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⵢⴻⵜⵜⵡⴰⴹⴹⴻⴼ ⴷⴻⴳ ⵢⵉⵡⴻⵏ ⵏ ⵡⴻⵅⵅⴰⵎ ⴷⴻⴳ ⵓⵖⴰⵔⴰⵎ ⵏ ⵡⵍⴰⴷ ⴱⵛⵉⵏⴰ, ⴷⴻⴳ ⵜⴱⴰⵜⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵙⴻⵜⵍⴰ.

ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⵏ ⵜⵓⴹⴹⴼⴰ ⵜⴳⴰ-ⵜⵜ ⵜⴼⴻⵔⵇⴻⵜ ⵏ ⵡⴻⵃⵜⴰⵛ ⴰⵢ ⴷ-ⵢⴻⵡⵡⵉⵏ ⵉⵙⴰⵍⴰⵏ ⵖⴻⴼ ⵡⴰⵢⴰ.

ⵢⵉⵡⴻⵏ ⵙⴻⴳ ⵡⵉⴷ ⴰⵢⴷⴻⴳ ⵛⵉⴽⴽⴻⵏ ⵢⴻⵜⵜⴻⴽⴽⴰ ⴷⴻⴳ ⵜⵓⴼⴼⵔⴰ-ⴰ ⵏ ⵍⴻⵙⵍⴰⵃ ⵢⴻⵜⵜⵡⴰⵃⴱⴻⵙ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵙⵉⵏ ⵏ ⵢⴻⵎⴷⴰⵏⴻⵏ ⵏⵉⴹⴻⵏ ⵍⴰ ⴷ-ⵢⴻⵜⵜⵉⵍⵉ ⵓⵏⴰⴷⵉ ⴼⴻⵍⵍ-ⴰⵙⴻⵏ.