Asebter amenzawi

Tuḍḍfa n 4 n yibeckiḍen d lɛewla n leslaḥ deg Barika d Tbatent

TABATENT – Tenna-d temsetla (darak) n twilayt n Tbatent, ass n lexmis, dakken ttwaḍḍfen 4 n yibeckiḍen imensayen, 252 n tqerḍasin yeččuṛen, 151 n tqerḍasin tilmawin deg temdinin n Barika d Tbatent.

108 n tqerḍasin (gar-asent 101 yeččuṛen) d 3 n yibeckiḍen imensayen ay yettwaḍḍfen deg sin n yexxamen, yiwen yusa-d deg uɣaram n Yemjahden, ma d wayeḍ deg uɣaram n 300 n Tnezduɣin deg Barika, ma d ayen ay d-yeqqimen yettwaḍḍef deg yiwen n wexxam deg uɣaram n Wlad Bcina, deg Tbatent, ɣef wakken ay d-tenna temsetla.

Tamhelt-a (ɛamaliyya) n tuḍḍfa tga-tt tferqet n weḥtac ay d-yewwin isalan ɣef waya.

Yiwen seg wid aydeg cikken yettekka deg tuffra-a n leslaḥ yettwaḥbes, deg wakud aydeg sin n yemdanen niḍen la d-yettili unadi fell-asen.