ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵄⴰⵡⴻⵏ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ ⴷⴻⴳ ⵢⴻⵃⵔⵉⵛⴻⵏ ⵏ ⵓⴽⴻⴼⴼⴰⵢ ⴷ ⵡⴻⴽⵙⵓⵎ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴰⵡⴻⵍ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴷ ⵡⴻⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ, ⵙⵜⴻⵒⵀⴰⵏⴻ ⵍⴻ ⴼⵧⵍⵍ, ⵖⴻⴼ ⵓⵙⵙⴻⴼⵜⵉ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴼⵕⴻⵏⵙⵉⵙⵉⵏ ⴷⴻⴳ ⵍⴷⵣⴰⵢⴻⵔ ⴷⴻⴳ ⵢⴻⵃⵔⵉⵛⴻⵏ ⵏ ⵓⴽⴻⴼⴼⴰⵢ ⴷ ⵡⴻⴽⵙⵓⵎ ⴰⵣⴻⵡⵡⴰⵖ.
ⵎⵉ ⵉⴼⵓⴽ ⵡⴻⵎⵢⴰⴳⴻⵔ ⵀⴰⵔ-ⴰⵙⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵉ ⵜⵖⴻⵎⵙⴰ ⴷⴰⴽⴽⴻⵏ ⴰⴷ ⵜⴱⴻⴷⴷⴻⵍ ⵜⵉⴷⴷⵉⵜ ⴷⴻⴳ ⵡⴻⵏⵔⴰⵔ-ⴰ ⵢⴻⵔⵏⵓ ⴰⴷ ⵢⵓⵖⴰⵍ ⵓⵙⵙⴻⴼⵜⵉ ⵢⴻⵜⵜⴽⴻⵍ ⵍⴰⴷⵖⴰ ⵖⴻⴼ ⵜⴻⵕⵎⵉⵙⵉⵏ ⵜⵓⵙⵍⵉⴳⵉⵏ (ⵅⴰⵚⵚⴰ) ⴷⴻⴳ ⵍⴷⵣⴰⵢⴻⵔ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⴼⵕⴰⵏⵙⴰ ⴱⵖⴰⵏ ⴰⴷ ⴷ-ⵙⵙⵉⴷⴼⴻⵏ « ⵉⵣⴳⴰⵔⴻⵏ ⵉⵎⴻⵥⵢⴰⵏⴻⵏ ⵉⴼⵕⴻⵏⵙⵉⵙⴻⵏ ⵖⴻⵔ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵏⵏⴻⵔⵏⵉ ⵍⵖⴻⵍⵍⴰ ⵏ ⵡⴻⴽⵙⵓⵎ ⴰⵣⴻⵡⵡⴰⵖ ».
ⴷⴰⵖ, ⵍⴰ ⵙⵙⴻⴼⵔⴰⵢⴻⵏ ⴰⴷ ⵙⵜⴻⵏⵢⵉⵏ ⵢⵉⵡⴻⵏ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⵉⵛⵛⵓⵔⴽⴰ ⴳⴰⵔ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ (ⵏ ⵍⴷⵣⴰⵢⴻⵔ) ⴷ ⵓⴷⵉⵡⴰⵏ ⴰⴼⵕⴻⵏⵙⵉⵙ ⵏ ⵜⵥⴻⴳⵡⴰ, ⵎⴰⵛⴰ ⵓⵔ ⴷ-ⵜⵜⵓⵏⴻⴼⴽⴻⵏ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⵜⵉⵛⵛⵓⵔⴽⴰ-ⴰ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⴷⴰⴽⴽⴻⵏ ⵜⴻⵄⵊⴻⴱ-ⴰⵙ ⵜⵖⴰⵔⴰ ⵏ ⵡⴰⵙⵙⴰⵖⴻⵏ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵍⵍⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵡⴻⵎⵄⴰⵡⴻⵏ « ⵉⴼⴰⵣⴻⵏ » ⴷⴻⴳ ⵡⴻⵃⵔⵉⵛ ⵏ ⵓⴷⴰⵡⵉ ⵏ ⵢⵉⵖⴻⵔⵙⵉⵡⴻⵏ, ⴷ ⴰⵎⵄⴰⵡⴻⵏ ⴰⵢ ⵢⴻⵙⵙⴻⴼⴽⴻⵏ « ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷⴰⴽⴽⴻⵏ ⵜⵉⵔⵣⵉ ⵏ ⵓⵏⴻⵖⵍⴰⴼ-ⴰ ⴰⴼⵕⴻⵏⵙⵉⵙ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵡⴻⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ. « ⴰⴽⴰⵜⴰⵔ ⵏ ⵡⴻⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵀⵔⴰⵡ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵏⴻⵙⵙⴻⴵⵀⴻⴷ ⴰⵙⵙⴻⴼⵜⵉ ⵓⵙⵍⵉⴳ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵏⴻⴹⵎⴻⵏ ⴷⴰⴽⴽⴻⵏ ⴰⵙⵙⴻⴼⵜⵉ-ⴰ ⴰⴷ ⴷ-ⵢⴰⵡⵉ ⵢⵉⴷ-ⵙ ⴰⵙⵙⵉⵍⴻⵖ (ⵜⴰⴽⵡⵉⵏ) ⴷ ⵜⵎⵓⵙⵙⵏⵉ ⵏ ⵓⵅⴻⴷⴷⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
